୧୦୦୦ କିମି ‘ବାଂଲା ବଚାଓ ଯାତ୍ରା’ କରିବ ସିପିଏମ୍
କୋଲକାତା : ସିପିଏମ୍ ଆସନ୍ତା ନଭେମ୍ବର ୨୯ ତାରିଖରୁ ୧୦୦୦ କିମି ‘ବାଂଗଲା ବଚାଓ ଯାତ୍ରା’ ଆରମ୍ଭ କରିବ। ତୃଣମୂଳ କଂଗ୍ରେସ ଏବଂ ବିଜେପିକୁ ଟାର୍ଗେଟ୍ କରି ସିପିଏମ୍ ଏହି ଯାତ୍ରା ଆରମ୍ଭ କରିବ। ଟିଏମ୍ସି ନେତୃତ୍ବାଧୀନ ରାଜ୍ୟ ସରକାର ଅଧୀନରେ ଅନ୍ୟାୟ, ଲୁଟ୍ ଏବଂ ଗଣତାନ୍ତ୍ରିକ ଅବକ୍ଷୟର ପର୍ଦ୍ଦାଫାସ ପାଇଁ ରାଜ୍ୟବ୍ୟାପୀ ଏହି ଅଭିଯାନ ଚାଲିବ ବୋଲି ସିପିଏମ୍ ଦାବି କରିଛି। ବିଜେପି ନେତୃତ୍ବାଧୀନ କେନ୍ଦ୍ର ସରକାରଙ୍କ ଜନ ବିରୋଧୀ ନୀତି ବଙ୍ଗରେ ସଙ୍କଟକୁ ଅଧିକ ବଢ଼ାଇ ଦେଇଛି ବୋଲି ଦଳ ଦାବି କରିଛି। ଏକଦା ଶକ୍ତିଶାଳୀ ଥିବା ବାମଦଳ ଏବେ ନିର୍ବାଚନୀ ପ୍ରାସଙ୍ଗିକତା ପାଇଁ ସଂଘର୍ଷ କରୁଛି। ଏହି ଯାତ୍ରା ସିପିଏମ୍ର କର୍ମୀଙ୍କୁ ପୁନଃ ଉତ୍ସାହିତ କରିବ ଏବଂ ଭୋଟରଙ୍କ ସହ ଯୋଡ଼ିବ ଏବଂ ୨୦୨୫ ବିଧାନସଭା ନିର୍ବାଚନ ପୂର୍ବରୁ ଦଳ ପାଇଁ ଏକ କ୍ଷେତ୍ର ପ୍ରସ୍ତୁତ କରିବ। ଯାତ୍ରା ନଭେମ୍ବର ୧୯ରୁ ଡିସେମ୍ବର ୧୭ ପର୍ଯ୍ୟନ୍ତ ଚାଲିବ। ଉତ୍ତର ବଙ୍ଗର କୁଚ ବିହାର ଜିଲ୍ଲାର ତୁଫାନଗଞ୍ଜରେ ଯାତ୍ରା ଆରମ୍ଭ ହୋଇ ଉତ୍ତର ୨୪ ପ୍ରଗଣା ଜିଲ୍ଲାର କମାରହାଟୀରେ ଶେଷ ହେବ। ଏହା ଯାତ୍ରାରେ ୧୧ ଜିଲ୍ଲାରେ ୧ ହଜାର କିମି ପରିକ୍ରମା କରିବ।
