ଆଜି ପୁଲ୍‌ୱାମା ଆତଙ୍କବାଦୀ ଆକ୍ରମଣର ୩ୟ ବାର୍ଷିକୀ ଅବସରରେ ପ୍ରଧାନମନ୍ତ୍ରୀ ସହିଦଙ୍କୁ ଦେଲେ ଶ୍ରଦ୍ଧାଞ୍ଜଳୀ

ଦିଲ୍ଲୀ: ଫେବୃଆରୀ ୧୪: ପୁଲ୍‌ୱାମାରେ ହେଇଥିବା ଆକ୍ରମଣକୁ ଆଜିକୁ ୩ ବର୍ଷ ପୂରିଲା । ୧୪ ଫେବୃଆରୀ ୨୦୧୯ରେ ପାକିସ୍ତାନର ଆତଙ୍କବାଦୀ ଭାରତୀୟ ସୁରକ୍ଷା ବଳୟ ଉପରେ ଆକ୍ରମଣ କରିବାକୁ ଚେଷ୍ଟା କରିଥିଲେ । ଏଥିରେ ଆମ ଦେଶର ୪୦ ଜଣ ଯବାନ ସହିଦ ହୋଇଥିଲେ । ଆଜି ୩ ବାର୍ଷିକୀ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସହିଦଙ୍କୁ ଶ୍ରଦ୍ଧାଞ୍ଜଳୀ ଦେଇଛନ୍ତି ଏବଂ ଆମ ଦେଶ ପ୍ରତି ସେମାନଙ୍କର ଉଲ୍ଲେଖନୀୟ ସେବାକୁ ମନେ ପକାଉଛନ୍ତି ।

I pay homage to all those martyred in Pulwama on this day in 2019 and recall their outstanding service to our nation. Their bravery and supreme sacrifice motivates every Indian to work towards a strong and prosperous country.

— Narendra Modi (@narendramodi) February 14, 2022

ସେ ଟୁଇଟ୍‌ କରି କହିଛନ୍ତି, ୨୦୧୯ ରେ ପୁଲୱାମା ଆକ୍ରମଣରେ ସହିଦ ହୋଇଥିବା ସମସ୍ତଙ୍କୁ ମୁଁ ଶ୍ରଦ୍ଧାଞ୍ଜଳି ଅର୍ପଣ କରୁଛି ଏବଂ ଆମ ଦେଶ ପାଇଁ ସେମାନଙ୍କର ଉଲ୍ଲେଖନୀୟ ସେବାକୁ ମନେ ପକାଉଛି । ସେମାନଙ୍କର ସାହସିକତା ଏବଂ ସର୍ବୋଚ୍ଚ ବଳିଦାନ ପ୍ରତ୍ୟେକ ଭାରତୀୟଙ୍କୁ ଏକ ଶକ୍ତିଶାଳୀ ତଥା ସମୃଦ୍ଧ ଦେଶ ଗଠନ ଦିଗରେ କାର୍ଯ୍ୟ କରିବାକୁ ପ୍ରେରିତ କରିଥାଏ ।

ଅନ୍ୟପକ୍ଷରେ, ଭାରତୀୟ ସେନା ଏବଂ ଅନ୍ୟ ନିରାପତ୍ତା ବଳ ‘ସେଣ୍ଟ୍ରାଲ୍‌ ରିଜର୍ଭ ପୋଲିସ୍‌ ଫୋର୍ସ’ର ସହିଦ ଯବାନଙ୍କ ପ୍ରତି ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ।
ସ୍ମରଣଯୋଗ୍ୟ, ୨୦୧୯ ଫେବୃଆରୀ ୧୪ ତାରିଖ ଦିନ ସିଆପିଏଫ୍‌ ଯବାନମାନେ ବସରେ ଯାତ୍ରା କରୁଥିବା ବସ୍‌ ସହିତ ‘ଜେଶ୍‌-ଏ-ମହମ୍ମଦ୍‌’ର ଜଣେ ଆତଙ୍କବାଦୀ ଗୋଟାଏ ବିସ୍ପୋରକ ଭର୍ତ୍ତି ଗାଡ଼ି ଆଣି ଧକା ଦେବାରୁ ପ୍ରାୟ ୪୦ଜଣ ଯବାନ ସହିଦ ହୋଇଥିଲେ ।

ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କହିଛନ୍ତି ଯେ, ସାହସୀ ଯବାନମାନଙ୍କର ଆତ୍ମବଳି ସମାଜ ପ୍ରତି ଋଣ । ତାହା ଆତଙ୍କବାଦ ବିରୋଧରେ ଆମ୍ଭମାନଙ୍କୁ ଏକଜୁଟ କରୁଛି ।
ବରିଷ୍ଠ କଂଗ୍ରେସ ନେତା ଶଶୀ ଥରୁର୍‌ ମଧ୍ୟ ଟୁଇଟ୍‌ କରି କହିଛନ୍ତି: ସହିଦ ପୁଲ୍‌ୱାମା ବୀରମାନେ ପାରମ୍ପରିକ ଶୋକ ସମବେଦନାଠାରୁ ଅଧିକ କିଛି ପାଇବାକୁ ହକ୍‌ଦାର । ସେମାନେ ଜାଣିବାକୁ ଚାହାଁନ୍ତି , କଣ ତ୍ରୁଟି ହେଲା ଏବଂ କାହିଁକି ସେଭଳି ତ୍ରୁଟି ହେଲା? ଏଭଳି ଦୁଃଖଦ ଘଟଣା ଘଟାଇଥିବା ତ୍ରୁଟି ପାଇଁ କିଏ ଦାୟୀ? ଆଉ ଏଭଳି ନ ହେବା ପାଇଁ ସୁନିଶ୍ଚିତ ହେବାକୁ ଆମେ କଣ କରିଛନ୍ତି? ତାଙ୍କର ସ୍ମୃତି ପ୍ରତି ସମ୍ମାନ ପ୍ରଦର୍ଶନ କରିବା ଲାଗି ସମୁଚିତ ଉପାୟ କଣ?