ୟୁନାନ୍ ପ୍ରଦେଶ: ଚୀନ୍ର ୟୁନାନ୍ ପ୍ରଦେଶର ଜଣେ ଯୁବକ ୩୩ ବର୍ଷ ପରେ ନିଜ ଘରକୁ ଫେରିଛନ୍ତି । ଘରକୁ ଫେରିବାର ନିଆରା କାହାଣୀ କୌଣସି ଚଳଚ୍ଚିତ୍ର କାହଣୀଠାରୁ କମ୍ ନୁହେଁ । ୪ ବର୍ଷ ବୟସରୁ ଲି ଜିଙ୍ଗବାଇଙ୍କୁ ପଡ଼ୋଶୀ ଅପହରଣ କରି ଘରଠାରୁ ଦୂର ଏକ ହଜାର କିଲୋମିଟର ନେଇଯାଇଥିଲେ । କିନ୍ତ୍ୁ ଜିଙ୍ଗବାଇ ନିଜ ସ୍ମରଣ ଶକ୍ତି ଯୋଗେ ୩୩ ବର୍ଷ ପରେ ଘରକୁ ଫେରିଛନ୍ତି । ଘର ଲୋକ ଜିଙ୍ଗବାଇଙ୍କୁ ଦେଖି ଖୁସିରେ କାନ୍ଦି ଆଲିଙ୍ଗନ କରି ସ୍ୱାଗତ କରିଛନ୍ତି । ଜିଙ୍ଗବାଇଙ୍କ ମାଆ ପୁଅକୁ ଦେଖିବା ମାତ୍ରେ ଚିହ୍ନି ଯାଇଥିଲେ ଏବଂ ଘରୁ ଦୌଡ଼ି ଆସି ପୁଅକୁ କୋଳାଗ୍ରତ କରିଥିଲେ ।
ଏହି ଦୃଶ୍ୟ ଦେଖି ଗ୍ରାମବାସୀଙ୍କ ଆଖିରେ ମଧ୍ୟ ଲୁହ ଭରିଥିଲା ।
ଜିଙ୍ଗବାଇଙ୍କ ସୂଚନା ଅନୁସାରେ, ୩୩ ବର୍ଷ ପୂର୍ବେ ଅପହରଣ ହୋଇଯିବା ପରେ ସେ ନିଜ ଘର ଓ ଗ୍ରାମର ରାସ୍ତାଘାଟକୁ ମନେ ପକାଇ ଏକ ନକ୍ସା ପ୍ରସ୍ତୁତ କରିଥିଲେ ।
ସେହି ନକ୍ସାକୁ ସେ ସୋସିଆଲ ମିଡିଆରେ ସେୟାର୍ କରିଥିଲେ । ସେୟାର୍ କରିବାର ଦୀର୍ଘ ଦିନ ପରେ ଲୋକମାନେ ସେହି ନକ୍ସାକୁ ଚିହ୍ନି ଜିଙ୍ଗବାଇଙ୍କୁ ଠିକଣା ଦେଇଥିଲେ ।
ନିଜ ପରିବାର ଲୋକଙ୍କୁ କେବେ ଦେଖିପାରିବେ ବୋଲି ଜିଙ୍ଗବାଇ ଆଶା କରିନଥିଲେ, ନିଜ ସ୍ମରଣ ଶକ୍ତି ଏବଂ ସୋସିଆଲ୍ ମିଡିଆ କାରଣରୁ ଆଜି ସେ ନିଜ ଘରେ ପହଞ୍ଚିପାରିଛନ୍ତି ବୋଲି କହିଥିଲେ ।
