ବାଂଲାଦେଶରେ ହିଂସା ପରେ ପୂର୍ବ ପ୍ରଧାନମନ୍ତ୍ରୀ ଶେଖ୍ ହସିନାଙ୍କ ବୟାନ ଏବେ ସାମ୍ନାକୁ ଆସିଛି । ସେ କହିଛନ୍ତି ଯେ ମହମ୍ମଦ ୟୁନୁସ ଉଗ୍ରବାଦୀମାନଙ୍କୁ ସ୍ଥାନ ଦେଇଥିବାରୁ ବାଂଲାଦେଶରେ ଗମ୍ଭୀର ପରିସ୍ଥିତି ସୃଷ୍ଟି ହୋଇଛି । ତାଙ୍କ ମତ ଅନୁସାରେ ଆୱାମି ଲିଗ୍ ବିନା ନିର୍ବାଚନ ସମ୍ଭବ ନୁହେଁ ଏବଂ ଉଗ୍ରବାଦୀମାନେ ୟୁନୁସଙ୍କୁ ବ୍ୟବହାର କରୁଛନ୍ତି । ସେ ଏହା ମଧ୍ୟ କହିଛନ୍ତି ସେ ଆଇନରୁ ପଳାଇବା ପାଇଂ ନୁହେଁ । ବରଂ ରକ୍ତପାତ ବନ୍ଦ କରିବା ପାଇଁ ବାଂଲାଦେଶ ଛାଡିଥିଲେ । ସେ ଏକ ସ୍ୱାଧୀନ ଆଦାଲତ ତାଙ୍କୁ ଦୋଷମୁକ୍ତ କରିବ ବୋଲି ଆଶା କରୁଛନ୍ତି । ସେ ୟୁନୁସଙ୍କୁ ସମାଲୋଚନା କରି କହିଛନ୍ତି ଯେ ଦେଶ ଚଳାଇବାର କୌଣସି ଅନୁଭବ ତାଙ୍କ ପାଖରେ ନାହିଁ । ସେ ଜେଲରୁ ଆତଙ୍କବାଦୀମାନଙ୍କୁ ଛାଡିଛନ୍ତି ଏବଂ ଉଗ୍ରବାଦୀମାନଙ୍କୁ କ୍ୟାବିନେଟ୍ରେ ସ୍ଥାନ ଦେଇଛନ୍ତି । ହାଦିଙ୍କ ହତ୍ୟାକୁ ସେ ଆଇନ ଶୃଙ୍ଖଳାର ଅଭାବ ସହ ଯୋଡିଛନ୍ତି ଏବଂ ତାଙ୍କ ବିରୋଧରେ ଆଇସିଟିର ରାୟକୁ ରାଜନୈତିକ ପ୍ରେରଣାପ୍ରାପ୍ତ ବୋଲି କହିଛନ୍ତି ।
ଏକ ଭିଡିଓଟି ବାଂଲାଦେଶରେ ହିନ୍ଦୁମାନଙ୍କ ଉପରେ ଚାଲିଥିବା ନିର୍ଯ୍ୟାତନାକୁ ଆଲୋକିତ କରିଛି । ବିଶେଷକରି ଦୀପୁ ଦାସଙ୍କ ହତ୍ୟା ଘଟଣାକୁ । ଏକ ନୂଆ ଭିଡିଓ ସାମ୍ନାକୁ ଆସିଛି ଯେଉଁଥିରେ ଦୀପୁ ଚନ୍ଦ୍ର ଦାସଙ୍କୁ ଦଳବଦ୍ଧ ଭାବେ ପିଟିପିଟି ହତ୍ୟା କରାଯାଇଥିବା ଦେଖାଯାଉଛି । ଅଭିଯୋଗ ଅନୁଯାୟୀ ପୂର୍ବରୁ ହୋଇଥିବା ବିବାଦ ପରେ କାରଖାନା ପ୍ରବନ୍ଧକ ଦୀପୁ ଦାସଙ୍କୁ ଏକ ମୌଳବାଦୀ ଗୋଷ୍ଠୀଙ୍କ ହାତରେ ସମର୍ପଣ କରିଦେଇଥିଲେ । ଭିଡିଓରେ ଜିହାଦୀ ଗୋଷ୍ଠୀ କାରଖାନା ବାହାରେ ଥିବା ନାରା-ଏ-ତକବୀର, ଆଲ୍ଲାହୁ ଆକବର ନାରା ଦେଉଥିବା ଏବଂ ଦୀପୁ ଦାସଙ୍କ ଉପରେ ମିଥ୍ୟା ଧର୍ମନିନ୍ଦା ଅଭିଯୋଗ ଲଗାଉଥିବା ଦେଖାଯାଉଛି । ତାଙ୍କୁ ପିଟିପିଟି ହତ୍ୟା କରାଯାଇଥିଲା , ଗଛରେ ଝୁଲାଇ ପରେ ଦେହରେ ନିଆଁ ଲଗାଇଦିଆଯାଇଥିଲା । ତଦନ୍ତରୁ ଜଣାପଡିଛି ଯେ ଏହି ହତ୍ୟା ଧର୍ମନିନ୍ଦା ପାଇଁ ନୁହେଁ ବରଂ ସେ ଜଣେ ହିନ୍ଦୁ ଥିବାରୁ ହୋଇଥିଲା । ଭିଡିଓରେ ପୋଲିସର ସଂପୃକ୍ତତା ଥିବାର ଅଭିଯୋଗ ମଧ୍ୟ କରାଯାଇଛି ।
.jpeg)
ବାଂଲାଦେଶର ବିଦେଶ ମନ୍ତ୍ରଣାଳୟ ଦାବି କରିଛି ଯେ ବାଂଲାଦେଶର ପରିସ୍ଥିତି ଅନ୍ୟ ଏସିଆଇ ଦେଶମାନଙ୍କ ତୁଳନାରେ ଭଲ ଅଛି ଏବଂ ଅଳ୍ପସଂଖ୍ୟକମାନେ ସୁରକ୍ଷିତ । କିନ୍ତୁ ଭିଡିଓରୁ ଜଣାପଡୁଛି ଯେ ଅଗଷ୍ଟ ୨୦୨୪ରେ ହିନ୍ଦୁମାନଙ୍କ ଉପରେ ହୋଇଥିବା ନିର୍ଯ୍ୟାତନାର ଛବି ଏହି ଦାବିକୁ ଭୁଲ୍ ପ୍ରମାଣ କରୁଛି । ଭିଡିଓରେ ୟୁନୁସ ସରକାରଙ୍କ ଦାବି ଯଥା-ସାଧାରଣ ପରିସ୍ଥିତି, ଅନ୍ୟ ଏସିଆଇ ଦେଶଠାରୁ ଭଲ ସ୍ଥିତି, ଅଳ୍ପସଂଖ୍ୟକ ସୁରକ୍ଷିତ ସହ ସତ୍ୟ ଯଥା-ହିନ୍ଦୁମାନଙ୍କ ବିରୋଧରେ ବୃଦ୍ଧି ପାଉଥିବା ଘୃଣା, ହିନ୍ଦୁମାନଙ୍କ ଉପରେ ଦଳବଦ୍ଧ ହତ୍ୟା, ବାଂଲାଦେଶ ଜିହାଦ ଓ ଆତଙ୍କବାଦର କେନ୍ଦ୍ର ହେଉଥିବାକୁ ପ୍ରକାଶ କରାଯାଇଛି ।
.jpeg)
ଭାରତ ବାଂଲାଦେଶରେ ହିଂସା ବିଶେଷକରି ଅଳ୍ପସଂଖ୍ୟକମାନଙ୍କ ଉପରେ ଆକ୍ରମଣକୁ ନେଇ ଚିନ୍ତା ପ୍ରକାଶ କରିଛି । ଭାରତର ବିଦେଶ ମନ୍ତ୍ରଣାଳୟ ଦିଲ୍ଲୀରେ ବାଂଲାଦେଶ ହାଇ କମିଶନ୍ ସାମ୍ନାରେ ହୋଇଥିବା ପ୍ରତିବାଦ ସମ୍ପର୍କରେ ମଧ୍ୟ କଥା କହିଛି । ଏମଇଏ କହିଛି ଯେ ବାଂଲାଦେଶ ଏହାକୁ ଭ୍ରାନ୍ତିକର ପ୍ରଚାର ବୋଲି କହିଛି ଏବଂ ସେପରି କୌଣସି ପ୍ରତିବାଦ ହୋଇନଥିଲା ବୋଲି ଦାବି କରିଛି ।
