୧୦ ଘଣ୍ଟା ମଧ୍ୟରେ ପାଲକ୍ ପ୍ରଣାଳୀ ପାର ହୋଇ ବିଶ୍ୱ ରେକର୍ଡ ସ୍ଥାପନ କଲେ ରାଞ୍ଚି ବାଳକ
ନୂଆଦିଲ୍ଲୀ : ଭାରତ ଏବଂ ଶ୍ରୀଲଙ୍କା ମଧ୍ୟରେ ଥିବା ପାଲକ୍ ପ୍ରଣାଳୀ ପ୍ରବଳ ସ୍ରୋତ, ସମୁଦ୍ର ତରଙ୍ଗ ଏବଂ ଅନିଶ୍ଚିତ ପାଗ ଯୋଗୁଁ ଚ୍ୟାଲେଞ୍ଜିଂ। ତଥାପି, ଇଶାଙ୍କ ସିଂହ ଶ୍ରୀଲଙ୍କାର ତଲାଇମନ୍ନାର ଏବଂ ତାମିଲନାଡୁର ଧନୁଷକୋଡି ମଧ୍ୟରେ ୨୯ କିଲୋମିଟର ପହଁରି ଏହି ପ୍ରତିବନ୍ଧକଗୁଡ଼ିକୁ ଅତିକ୍ରମ କରିଥିଲେ। ଶୁକ୍ରବାର ଦିନ ଏହି ୭ ବର୍ଷୀୟ ଭାରତୀୟ ବାଳକ ପହଁରି ପହଁରି ପାର ହୋଇଥିବା ସବୁଠାରୁ କମ୍ ବୟସର ବ୍ୟକ୍ତି ହେବାର ଗୌରବ ଅର୍ଜନ କରିଛନ୍ତି। ଝାଡ଼ଖଣ୍ଡର ରାଞ୍ଚିର ଇଶାଙ୍କ ସିଂହ ଭାରତ ଏବଂ ଶ୍ରୀଲଙ୍କା ମଧ୍ୟରେ ଥିବା ପାଲକ୍ ପ୍ରଣାଳୀକୁ ୯ ଘଣ୍ଟା ୫୦ ମିନିଟ୍ରେ ସଫଳତାର ସହ ପାର୍ କରିଛନ୍ତି। ସକାଳ ୪ଟାରେ ସେ ତାଙ୍କ ପହଁରା ଆରମ୍ଭ କରିଥିଲେ ଏବଂ ଅପରାହ୍ନ ୧:୫୦ରେ ଏହାକୁ ସମାପ୍ତ କରିଥିଲେ। ସିଂହଙ୍କ ଏହି ସଫଳତାକୁ ଝାଡ଼ଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ ପ୍ରଶଂସା କରିଛନ୍ତି। ମୁଖ୍ୟମନ୍ତ୍ରୀ ଏହି ୭ ବର୍ଷର ସନ୍ତରଣକାରୀଙ୍କୁ ‘ଅସାଧାରଣ ପ୍ରତିଭା’ ବୋଲି ବର୍ଣ୍ଣନା କରିଛନ୍ତି।
Tags:
