ଟି-୨୦ ବିଶ୍ୱକପ୍ ବିଜେତାଙ୍କ ପାଇଁ ବିସିସିଆଇ ୧୩୧ କୋଟି ଟଙ୍କା ଘୋଷଣା କଲା

By: Samaya Live Desk

ମୁମ୍ବାଇ: ଭାରତୀୟ କ୍ରିକେଟ୍ ନିୟନ୍ତ୍ରଣ ବୋର୍ଡ (ବିସିସିଆଇ) ମଙ୍ଗଳବାର ସୂର୍ଯ୍ୟକୁମାର ଯାଦବଙ୍କ ନେତୃତ୍ୱାଧୀନ ଭାରତର ଟି୨୦ ବିଶ୍ୱକପ୍ ବିଜେତା ଦଳ ପାଇଁ ୧୩୧ କୋଟି ଟଙ୍କାର ନଗଦ ପୁରସ୍କାର ଘୋଷଣା କରିଛି। ଏହି ପୁରସ୍କାର ଭାରତର ୨୦୨୪ ବିଶ୍ୱକପ୍ ବିଜୟ ପରେ ଘୋଷିତ ୧୨୫ କୋଟି ଟଙ୍କାର ପୁରସ୍କାରଠାରୁ ଏକ ଗୁରୁତ୍ୱପୂର୍ଣ୍ଣ ବୃଦ୍ଧି ବୋଲି କୁହାଯାଇଛି। ଭାରତ ନରେନ୍ଦ୍ର ମୋଦି ଷ୍ଟାଡିୟମରେ ତିନିଥର ଆଇସିସି ପୁରୁଷ ଟି୨୦ ବିଶ୍ୱକପ୍ ଜିତିବାରେ ପ୍ରଥମ ଦଳ ହେବା ସହ ଇତିହାସ ରଚିଛି। ଭାରତ ଫାଇନାଲରେ ନ୍ୟୁଜିଲାଣ୍ଡକୁ ପରାସ୍ତ କରି ଟାଇଟଲ ହାସଲ କରିଛି।

ଏହି ବିଜୟ ନରେନ୍ଦ୍ର ମୋଦୀ ଷ୍ଟାଡିୟମ୍‌ରେ ୨୦୨୩ ଦିନିକିଆ ବିଶ୍ବକପ୍‌ରେ ଅଷ୍ଟ୍ରେଲିଆଠୁ ଶୋଚନୀୟ ପରାଜୟର ଦୁଃଖକୁ ଭୁଲାଇ ଦେଇଥିଲା। କିନ୍ତୁ, ଏଥର ରାତିଟି ସମ୍ପୂର୍ଣ୍ଣ ଭାବରେ ଭାରତ ପାଇଁ ଥିଲା। ବ୍ୟାଟିଂ ୟୁନିଟ୍ ବିଶ୍ୱକପ୍ ଫାଇନାଲରେ ଦେଖାଯାଇଥିବା ସବୁଠାରୁ ବିସ୍ଫୋରକ ପ୍ରଦର୍ଶନ ମଧ୍ୟରୁ ଗୋଟିଏ ପ୍ରଦର୍ଶନ କରିଥିଲା। ଶୀର୍ଷ ତିନି ବ୍ୟାଟସମ୍ୟାନଙ୍କ ମଧ୍ୟରୁ ପ୍ରତ୍ୟେକ ଅର୍ଦ୍ଧଶତକ ହାସଲ କରିବା ପରେ ୫ ୱିକେଟ୍ ହରାଇ ୨୫୫ ରନର ଏକ ବିଶାଳ ସ୍କୋର କରିଥିଲା। ସଞ୍ଜୁ ସାମସନ ପ୍ଲେୟାର ଅଫ୍ ଦି ଟୁର୍ଣ୍ଣାମେଣ୍ଟ ଓ ଯଶପ୍ରୀତ ବୁମ୍‌ରା ପ୍ଲେୟାର ଅଫ୍‌ ଦି ଫାଇନାଲ୍‌ ପୁରସ୍କାର ପାଇବା ସହ ଭାରତର ବିଜୟ ଅଭିଯାନରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ।