ଆଇସିସି ରାଙ୍କିଙ୍ଗରେ ଇଶାନ କିଷାନଙ୍କ ବଡ଼ ଉନ୍ନତି

ଦୁବାଇ: ନ୍ୟୁଜିଲ୍ୟାଣ୍ଡ ବିପକ୍ଷରେ ପ୍ରଭାବଶାଳୀ ପ୍ରତ୍ୟାବର୍ତ୍ତନ ସିରିଜ ପରେ ଭାରତର ଇଶାନ କିଷାନ ସଦ୍ୟତମ ଆଇସିସି ପୁରୁଷ ଟ୍ବେଣ୍ଟି-୨୦ ବ୍ୟାଟ୍ସମ୍ୟାନ ରାଙ୍କିଙ୍ଗରେ ଉନ୍ନତି କରିଛନ୍ତି। ଇଶାନ ୩୨ଟି ସ୍ଥାନ ଉପରକୁ ଉଠି ୩୨ ନମ୍ବରରେ ପହଞ୍ଚିଛନ୍ତି। ଇଶାନ ତିନି ମ୍ୟାଚ୍ ବିଶିଷ୍ଟ ସିରିଜରେ ୭୬, ୨୮ ଏବଂ ୧୦୩ ସ୍କୋର କରିଛନ୍ତି। ଭାରତର ଅଭିଷେକ ଶର୍ମା ସ୍ଥାନ ବଜାୟ ରଖିଛନ୍ତି। ଇଂଲଣ୍ଡ ଅଧିନାୟକ ଜୋସ୍ ବଟଲର୍ ତୃତୀୟ ସ୍ଥାନକୁ ଉଠିଛନ୍ତି। ଶ୍ରୀଲଙ୍କାର ଓପନର ପଥୁମ୍ ନିସାଙ୍କା ପଞ୍ଚମ ସ୍ଥାନକୁ, ଭାରତର ସୂର୍ଯ୍ୟକୁମାର ଯାଦବ ଷଷ୍ଠ ସ୍ଥାନକୁ ଏବଂ ନ୍ୟୁଜିଲ୍ୟାଣ୍ଡର ଟିମ୍ ସିଫର୍ଟ ନବମ ସ୍ଥାନକୁ ଉଠିଛନ୍ତି। ଦକ୍ଷିଣ ଆଫ୍ରିକା ବ୍ୟାଟ୍ସମ୍ୟାନ୍ ରିଆନ୍ ରିକେଲଟନ୍ ତାଲିକାର ସବୁଠାରୁ ବଡ଼ ସ୍ଥାନକୁ ଲମ୍ପ ମାରିଛନ୍ତି। ସେ ୪୨ ସ୍ଥାନ ଉପରକୁ ଉଠି ୪୦ତମ ସ୍ଥାନରେ ପହଞ୍ଚିଛନ୍ତି। ଅଷ୍ଟ୍ରେଲିଆ ଅଲରାଉଣ୍ଡର କ୍ୟାମେରନ୍ ଗ୍ରୀନ୍ ୧୬ ସ୍ଥାନ ଉପରକୁ ଉଠି ୧୪ତମ ସ୍ଥାନରେ ପହଞ୍ଚିଛନ୍ତି। ଟ୍ବେଣ୍ଟି-୨୦ ବୋଲିଂ ରାଙ୍କିଙ୍ଗରେ, ଇଂଲଣ୍ଡ ଲେଗ୍-ସ୍ପିନର ଆଦିଲ୍ ରସିଦ୍ ଦୁଇ ସ୍ଥାନ ଉପରକୁ ଉଠି ଚତୁର୍ଥ ସ୍ଥାନରେ ପହଞ୍ଚିଛନ୍ତି। ନ୍ୟୁଜିଲାଣ୍ଡ ଅଧିନାୟକ ମିଚେଲ୍ ସାଣ୍ଟନର ୮ ସ୍ଥାନ ଉପରକୁ ଉଠି ୨୩ତମ ସ୍ଥାନରେ ପହଞ୍ଚିଛନ୍ତି। ଆଗାମୀ ଟ୍ବେଣ୍ଟି-୨୦ ବିଶ୍ୱକପରେ ଉଭୟ ସେମାନଙ୍କ ଦଳ ପାଇଁ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବେ ବୋଲି ଆଶା କରାଯାଉଛି।