ହଳଦିଆ ପଦର ଓଭର ବ୍ରିଜ ଦୁର୍ଘଟଣାକୁ ନେଇ ପରିବହନ ମନ୍ତ୍ରୀଙ୍କ ପ୍ରତିକ୍ରିୟା

ବ୍ରହ୍ମପୁର : ହଳଦିଆ ପଦର ଓଭର ବ୍ରିଜ ଦୁର୍ଘଟଣାକୁ ନେଇ ତେଜିଲା ରାଜନୀତି । ନିର୍ମାଣ ପ୍ରସଙ୍ଗରେ ପରିବହନ ମନ୍ତ୍ରୀ ବିଭୂତି ଭୂଷଣ ଜେନାଙ୍କ ପ୍ରତିକ୍ରିୟା । ସେ କହିଲେ ଏ ଘଟଣା ଏବେର ନୁହେଁ । ଭୁଲ ଡିଜାଇନ ଯୋଗୁଁ ଅକାଳରେ ଯାଉଛି ଜୀବନ । ଯେଉଁଦିନରୁ ବ୍ରିଜ ତିଆରି ହୋଇଛି, ସେବେ ଠାରୁ ଡିଜାଇନ ଭୁଲ ଅଛି । ଏହା ଭିତରେ ୧୨୫ ଜଣଙ୍କ ଜୀବନ ଗଲାଣି । ନିଜର ସ୍ବାର୍ଥ ସାଧନ ପାଇଁ ଯେଉଁ ଭଳି କାମ କରାଯାଇଥିଲା । ସମସ୍ତେ ନିନ୍ଦା ମଧ୍ୟ କରୁଛନ୍ତି । ଆଉ ଆଜି ଯେଉଁମାନେ କହୁଛନ୍ତି, ସେମାନେ ଆଗରୁ କହୁନଥିଲେ । ବ୍ରିଜ ପ୍ରସଙ୍ଗରେ ଆଗରୁ ବହୁତ ଥର ସ୍ୱର ଉତ୍ତୋଳନ କରିଛି ବୋଲି କହିଲେ ପରିବହନ ମନ୍ତ୍ରୀ । କିନ୍ତୁ ଏ ପର୍ଯ୍ୟନ୍ତ ଭୁଲ ହୋଇଥିବା ଡିଜାଇନ୍ ପରିବର୍ତ୍ତନ କରାଯାଇ ନଥିଲା । ହଳଦିଆପଦର ଦୁର୍ଘଟଣା ଏବେ ସମସ୍ତଙ୍କ ଆଖି ଖୋଲିଯାଇଛି । ତେଣୁ ଆଗକୁ ଡିଜାଇନ ଭଲ ଭାବେ କରାଯିବ । କେବଳ ପୂର୍ବ ସରକାର କିଛି ରାଜନୈତିକ ବ୍ୟକ୍ତିଙ୍କ ନ୍ୟସ୍ତ ସ୍ୱାର୍ଥ ପାଇଁ ଓଭର୍ ବ୍ରିଜ୍ ନିର୍ମାଣ ଡିପିଆର୍ ବଦଳାଯାଇଛି ବୋଲି ସଙ୍ଗୀନ ଅଭିଯୋଗ ଆସିଛି । 

ସେହିଭଳି ବ୍ରିଜ ନିର୍ମାଣକୁ ନେଇ ଖୋଲାଖୋଲି ଭାବରେ ପୂର୍ବତନ ବିଜେଡି ନେତା ସ୍ବର୍ଗତଃ ସୂର୍ଯ୍ୟ ପାତ୍ର ଏବଂ ରମେଶ ଜେନାଙ୍କୁ ଦାୟୀ କରିଛନ୍ତି ପୂର୍ବତନ କର୍ପୋରେଟର ରମେଶ ଜେନା । ମନ୍ତ୍ରୀଙ୍କ ଜମି ପାଇଁ ନିର୍ମାଣ ଡିଜାଇନ୍କୁ ସଙ୍କୁଚିତ କରାଯାଇଥିଥିଲେ । ବିଜେଡି ସରକାର ସମୟରେ ଏମାନଙ୍କର ଖୁବ ଦବଦବା ଥିଲା ବୋଲି କହିଛନ୍ତି ରମେଶ ଜେନା I ଅନ୍ୟପଟେ କ୍ଷମତାର ଅପବ୍ୟବହାର ହୋଇଥିବା କହିଛନ୍ତି ବର୍ତ୍ତମାନର ବିଜେପି ବିଧାୟକ ସିଦ୍ଧାନ୍ତ ମହାପାତ୍ର । ତେବେ ବ୍ରିଜ ନିର୍ମାଣ ପୂର୍ବରୁ ଜମି ବିକ୍ରି ହୋଇସାରିଥିବ କହିଛନ୍ତି ସୂର୍ଯ୍ୟ ପାତ୍ରଙ୍କ ପୁଅ ବିପ୍ଳବ ପାତ୍ର ।

ସୂଚନାନୁସାରେ,ଜାନୁଆରି ୩୧ରେ ବ୍ରହ୍ମପୁର ଗୋଶାଣୀ ନୂଆଗାଁ ହଳଦିଆପଦର ଓଭର ବ୍ରିଜ ଉପରେ ଘଟିଥିଲା ମର୍ମନ୍ତୁଦ ସଡକ ଦୁର୍ଘଟଣା । ୩ ବାଇକ ଆରୋହୀଙ୍କୁ ସାମ୍ନାପଟୁ ଏକ ଟ୍ରକ ଧକ୍କା ଦେବାରୁ ଘଟଣାସ୍ଥଳରେ ୫ ଜଣଙ୍କ ମୃତ୍ୟୁ ଘଟିବା ସହିତ ୬ ଜଣ ଗୁରୁତର ଆହତ ହୋଇଥିଲେ । ଏହାକୁ ନେଇ ସୁପ୍ରିମକୋର୍ଟ ରୋଡ଼ ସେଫ୍ଟି କମିଟି ରିପୋର୍ଟ ମାଗିଥିଲେ । ଯାହାକୁ ନେଇ ମୁଖ୍ୟ ଶାସନ ସଚିବ ମଧ୍ୟ ଲେଖିଛନ୍ତି । ଏହା ଉପରେ ବିଭାଗୀୟ ଟିମ୍ ସ୍ପଟ୍ ଉପରକୁ ଯାଇ ତଦନ୍ତ କରିଛି । ଯେଉଁ ଗାଡ଼ି ଦୁର୍ଘଟଣା କରିଥିଲା, ତାର ରେଜିଷ୍ଟ୍ରେସନ ବାତିଲ କରାଯାଇଛି । ଡ୍ରାଇଭରକୁ ମଧ୍ୟ BNS ୧୦୫ରେ ତୁରନ୍ତ ଗିରଫ କରାଯାଇଛି ।