ମକର ବୁଡ଼ ପକାଇଲେ ମୁଖ୍ୟମନ୍ତ୍ରୀ

ଭୁବନେଶ୍ୱର : ଆଜି ପବିତ୍ର ମକର ସଂକ୍ରାନ୍ତି । ହିନ୍ଦୁ ଧର୍ମର ବିଶ୍ୱାସ ଅନୁଯାୟୀ, ଆଜି ସୂର୍ଯ୍ୟ ମକର ରାଶିରେ ପ୍ରବେଶ କରିବେ ଓ ସୂର୍ଯ୍ୟଙ୍କର ଉତ୍ତରାୟଣ ଗତି ଆରମ୍ଭ ହେବ। ଆଜି ଦିନ ପରଠାରୁ ଡିରେ ଧୀରେ ତେଜ ହେବ ସୂର୍ଯ୍ୟଙ୍କ କିରଣ । ଏହି ମକର ସଂକ୍ରାନ୍ତି ଅବସରରେ ବୁଧବାର ମୁଖ୍ୟମନ୍ତ୍ରୀ ମୋହନ ମାଝୀ କେନ୍ଦୁଝର ଜିଲା ପାଟଣା ରାଜନଗରରେ ମକର ବୁଡ଼ ପକାଇଛନ୍ତି। ବୈତରଣୀ ନଦୀର ଶୈବ୍ୟା କାବେରୀ ଘାଟରେ ବୁଡ଼ ପକାଇଲେ ମୁଖ୍ୟମନ୍ତ୍ରୀ । ପୂଜାର୍ଚ୍ଚନା ପରେ ପତ୍ନୀଙ୍କ ସହ ବୁଡ଼ ପକାଇଛନ୍ତି। ଏଥିପାଇଁ ଶବ୍ୟା କାବେରୀ ଘାଟରେ ବ୍ୟାରିକେଡ଼ ସହ ସୁରକ୍ଷା ବ୍ୟବସ୍ଥା କଡ଼ାକଡି କରାଯାଇଥିଲା। ଅଗ୍ନିଶମ ବାହିନୀ ଓ ଓଡ୍ରାଫ ମଧ୍ୟ ଉପସ୍ଥିତ ରହିଥିଲେ ।  ମକର ପର୍ବ ଅବସରରେ ବୈତରଣୀ ନଦୀ କେଶରୀ କୁଣ୍ଡରେ ବୁଡ଼ ପକାଇଲେ ପୁଣ୍ୟ ଅର୍ଜନ ସହ ପାପ କ୍ଷୟ ହେବାର ବିଶ୍ୱାସ ରହିଛି । 

ଅନ୍ୟପଟେ,କୃଷିଭିତ୍ତିକ ଗଣପର୍ବ ମକର ସଂକ୍ରାନ୍ତି ପାଇଁ ଚଳଚଞ୍ଚଳ କେନ୍ଦୁଝର ଚମ୍ପୁଆ ବ୍ଲକର କେଶରୀ କୁଣ୍ଡ । କେଶରୀ କୁଣ୍ଡ ରେ ଆଜି ମକର ବୁଡ ଦେବାକୁ ଲକ୍ଷାଧିକ ଶ୍ରଦ୍ଧାଳୁ ଙ୍କ ଭିଡ ଜମିଛି । ବୈତରଣୀ ନଦୀ ସହିତ ନଦୀ ପଠାରେ ପଥର ଚଟାଣରେ ଥିବା କୁଣ୍ଡରେ ବୁଡ଼ ପକାଇ ନୂତନ ବସ୍ତ୍ର ପରିଧାନ କରି ପିଠା ପଣା ଖାଇ ମକର ପର୍ବ ପାଳିଛନ୍ତି ହଜାର ହଜାର ଶ୍ରଦ୍ଧାଳୁ।