ରାଜ୍ୟରେ ବଢିପାରେ ସବଡ଼ିଭିଜନ - ମନ୍ତ୍ରୀ

By: Samaya Live News

ଭୁବନେଶ୍ୱର : ନୂଆ ଜିଲ୍ଲା ଗଠନ ପାଇଁ ପ୍ରସ୍ତାବ ମାଗିଲେ ସରକାର । ବର୍ଷ ୨୦୨୬-୨୭ରେ ନୂଆ ଜିଲ୍ଲା ଗଠନ ପାଇଁ ଏହି ପ୍ରସ୍ତାବ । ରାଜ୍ୟ ସରକାରଙ୍କ ତରଫରୁ ପ୍ରସ୍ତାବ ମଗାଯାଇଛି । ପ୍ରସ୍ତାବ ଆସିଲେ ବିଚାର କରାଯିବ । ଏନେଇ ଗୃହରେ ରାଜସ୍ୱ ମନ୍ତ୍ରୀ ଲିଖିତ ଉତ୍ତର ରଖିଛନ୍ତି । ଖାଲି ଏତିକି ନୁହେଁ ୩୧ଟି ନୂଆ ଜିଲ୍ଲା ଗଠନ ପାଇଁ ଦାବି ପତ୍ର ସରକାରଙ୍କର ହସ୍ତଗତ ହୋଇଛି । ଉପଯୁକ୍ତ ସମୟରେ ସରକାର ବିଚାର କରିବେ ବଲି ମଧ୍ୟ ରାଜସ୍ୱ ମନ୍ତ୍ରୀ କହିଛନ୍ତି । କେବଳ ଏତିକି ନୁହେଁ ରାଜ୍ୟରେ ସବଡିଭିଜନ ସଂଖ୍ୟା ବି ବଢିପାରେ ନୂଆ ୬୬ଟି ସବଡିଭିଜନ ପାଇଁ ସରକାରଙ୍କୁ ପ୍ରସ୍ତାବ ଆସିଛି । ନୂଆ ପ୍ରସ୍ତାବ ଗୁଡିକୁ ସରକାର ବିଚାର କରିଛନ୍ତି । ବରଗଡ, ଗଂଜାମ, କୋରାପୁଟ ଏହି ୩ଟି ଜିଲ୍ଲା ରୁ ନୂଆ ସବଡିଭିଜନ ଗଠନର ପ୍ରସ୍ତାବ ରାଜ୍ୟ ସରକାରଙ୍କର ହସ୍ତଗତ ହୋଇଛି । ରାଜସ୍ୱ ମନ୍ତ୍ରୀ ସୁରେଶ ପୂଜାରୀ ଏହାର ଉତ୍ତର ମଧ୍ୟ ଗୃହରେ ରଖିଛନ୍ତି ।