ବାପାଙ୍କ ଦଶାହ ଦିନ ପୁଅଙ୍କ ମୃତ୍ୟୁ

ଗଞ୍ଜାମ :  ବାପାଙ୍କ ଦଶାହ କାର୍ଯ୍ୟ ପୂର୍ବରୁ ଚାଲିଗଲା ପୁଅଙ୍କ ଜୀବନ । ଏଭଳି ହୃଦୟବିଦାରକ ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ଆସିକା ବ୍ଲକ ଅତରଙ୍ଗ ଗାଁରେ । ଗତ ୧୧ ତାରିଖରେ ଅତରଙ୍ଗ ଗ୍ରାମର ୭୦ ବର୍ଷୀୟ ଉଦୟ ଗୌଡଙ୍କ ମୃତ୍ୟୁ ହୋଇଥିଲା । ପୁଅ ରାଜେନ୍ଦ୍ର ବାପାକୁ ଝୁରିଝୁରି ହଠାତ ଅସୁସ୍ଥ ହୋଇପଡିଥିଲେ । ତାଙ୍କୁ ସଙ୍ଗେ ସଙ୍ଗେ ଆସିକା ହସ୍ପିଟାଲରେ ଭର୍ତ୍ତି କରିଥିଲେ ପରିବାର ଲୋକେ । ସେଠାରେ ତାଙ୍କର ମୃତ୍ୟୁ ହୋଇଥିଲା । ଗ୍ରାମରେ ରାଜେନ୍ଦ୍ରଙ୍କ ଶବ ଆସିବା ପରେ ଶୋକାକୁଳ ପରିବେଶ ସୃଷ୍ଟି ହୋଇଛି । ରାଜେନ୍ଦ୍ର ପରିବାରର ଏକ ମାତ୍ର ରୋଜଗାରିଆ । ତାଙ୍କର ଦୁଇ ପୁଅ ଓ ଗୋଟିଏ ଝିଅ ଅଛନ୍ତି । ବାପାର ଦଶାହ କାର୍ଯ୍ୟ ଏବଂ ପୁଅର ଅନ୍ତ୍ୟେଷ୍ଟି କ୍ରିୟା କେମିତି ହେବ ସେଥିପାଇଁ ପରିବାର, ବନ୍ଧୁବାନ୍ଧବ ଓ ଗ୍ରାମବାସୀ ଏବେ ଚିନ୍ତାରେ ପଡ଼ିଛନ୍ତି । ତାଙ୍କ ପରିବାର ପାଇଁ ସରକାରୀ ସହାୟତା ଦାବି କରିଛନ୍ତି ଗ୍ରାମବାସୀ ।