୨୦ ରୁ କମ ପିଲା ଥିଲେ ଖୋଲିବ ନାହିଁ ସ୍କୁଲ - ଗଣଶିକ୍ଷା ମନ୍ତ୍ରୀ

By: Samaya Live News

ଭୁବନେଶ୍ୱର : ରାଜ୍ୟରେ ୨୦ କିମ୍ବା ତା’ଠାରୁ କମ୍ ଛାତ୍ରଛାତ୍ରୀ ଥିବା ବିଦ୍ୟାଳୟଗୁଡ଼ିକୁ ପୁନଃ ଖୋଲାଯିବ ନାହିଁ ବୋଲି ଗଣଶିକ୍ଷା ମନ୍ତ୍ରୀ ଗୁରୁବାର ସ୍ପଷ୍ଟ କରିଛନ୍ତି। ବିଧାୟକ ପ୍ରସନ୍ନ ଆଚାର୍ଯ୍ୟଙ୍କ ଏକ ପ୍ରଶ୍ନର ଉତ୍ତର ଦେବା ଅବସରରେ ମନ୍ତ୍ରୀ ଏହି ସୂଚନା ଦେଇଛନ୍ତି।

ମନ୍ତ୍ରୀ କହିଛନ୍ତି ଯେ ପୂର୍ବରୁ ରାଜ୍ୟରେ ଯେଉଁ ସରକାର ଥିଲା, ସେମାନେ ୨୦ରୁ ଅଧିକ ଛାତ୍ରଛାତ୍ରୀ ଥିବା ଅନେକ ବିଦ୍ୟାଳୟକୁ ବନ୍ଦ କରି ଦେଇଥିଲେ । ମାତ୍ର, ବର୍ତ୍ତମାନର ସରକାର ଗଠନ ହେବା ପରେ ସେହିଭଳି ବନ୍ଦ ହୋଇଯାଇଥିବା ୪୬ଟି ସ୍କୁଲ୍‌କୁ ପୁଣି ଖୋଲି ସାରିଲେଣି । ଆଉ ୫ଟି ସ୍କୁଲ ଖୋଲିବାକୁ ପ୍ରସ୍ତାବ ଆସିଛି । ସେଥିରୁ ଗୋଟିଏ ବିଦ୍ୟାଳୟ ଖାରଜ ହୋଇଛି ଏବଂ ୪ଟି ସ୍କୁଲ ଖୋଲିବାକୁ ବିଚାର ଚାଲିଛି ଜିଲ୍ଲାସ୍ତରୀୟ କମିଟି ଠାରୁ ନିବେଦନ ଆସିବା ପରେ ରାଜ୍ୟ ସରକାର ସେହି ନିବେଦନଗୁଡ଼ିକୁ ବିଚାର କରି ବିଦ୍ୟାଳୟ ଖୋଲିବା ପାଇଁ ପଦକ୍ଷେପ ନେଉଛନ୍ତି। ତେବେ ୨୦ରୁ କମ୍ ଛାତ୍ରଛାତ୍ରୀ ଥିବା ସ୍କୁଲ୍ ଖୋଲିବା ପାଇଁ ବର୍ତ୍ତମାନ କୌଣସି ଯୋଜନା ନାହିଁ।