ରାଜ୍ୟସଭା ସସ୍ପେନ୍ସ, ୧୬ଟି ଫର୍ମ କିଣିଲା ବିଜେପି

ଭୁବନେଶ୍ୱର : ଭାରତୀୟ ଜନତା ପାର୍ଟିର ରାଜ୍ୟସଭା ନିର୍ବାଚନ ପ୍ରାର୍ଥୀ ଘୋଷଣାକୁ ନେଇ ବଢ଼ିଲା ସସ୍ପେନ୍ସ, । ପ୍ରାର୍ଥୀ ଘୋଷଣା ନହେଉଣୁ ୧୬ ସେଟ ଫର୍ମ କିଣିଲା ବିଜେପି । ସରକାରୀ ଦଳ ମୁଖ୍ୟ ସଚେତକ ସରୋଜ ପ୍ରଧାନଙ୍କ ସହିତ ୫ ଜଣ ବିଧାୟକ ଯାଇ ବିଧାନସଭାରୁ ରାଜ୍ୟସଭା ନିର୍ବାଚନ ପ୍ରାର୍ଥୀ ପତ୍ରର ୧୬ଟି ସେଟ୍ କିଣିଛନ୍ତି । ବିଜେପି ୧୬ସେଟ୍ ଫର୍ମ କିଣିବା ପରେ ରାଜନୀତିକ ମହଲରେ ବଡ ହଲଚଲ ଦେଖିବାକୁ ମିଳିଛି। 

ଆଜି ମୁଖ୍ୟମନ୍ତ୍ରୀଙ୍କ ବାସଭବନରେ ବୈଠକ ପରେ ବିଜେପିର ମୁଖ୍ୟ ସଚେତକ ସରୋଜ ପ୍ରଧାନଙ୍କ ସମେତ  ୫ ବିଧାୟକ  ବିଧାନସଭା ଯାଇ ୧୬ସେଟ୍ ଫର୍ମ  କିଣିଛନ୍ତି ।  ଏଥିରୁ ଯାହା ଜଣାପଡୁଛି   ବିଜେପି ରାଜ୍ୟସଭା ନିର୍ବାଚନ ପାଇଁ ୪ ପ୍ରାର୍ଥୀ ଘୋଷଣା କରିପାରେ । ଯଦି ବିଜେପି ରାଜ୍ୟନିର୍ବାଚନ ପାଇଁ  ଚାରି ପ୍ରାର୍ଥୀ ଘୋଷଣାକରେ,  ତାହାଲେ ବିଧାୟକ ସଂଖ୍ୟା ଦେଖିଲେ ତାହା ଖୁବ୍ କମ । କାହାକୁ ପ୍ରାର୍ଥ କରିବ ବିଜେପି ତାହା ଏପର୍ଯ୍ୟନ୍ତ  ଘୋଷଣା କରିନଥିବା ବେଳେ  ଏ ପ୍ରସଙ୍ଗରେ ବିଜେପିର ମୁଖ୍ୟ ସଚେତକ ସରୋଜ ପ୍ରଧାନ କହିଛନ୍ତି, କେନ୍ଦ୍ରୟ ନେତୃତ ପ୍ରାର୍ଥୀ ଘୋଷଣା ହେଲା ପରେ ଆମେ ନାମଙ୍କନ ଭରିବୁ ।

ପୂର୍ବରୁରାଜ୍ୟସଭା ନିର୍ବାଚନ ନେଇ ବିଜେଡି ଦୁଇ ପ୍ରାର୍ଥୀ ଘୋଷଣା କରିସାରିଛି। ବିଜେଡି ସୁପ୍ରିମୋ ନବୀନ ପଟ୍ଟନାୟକ ଦୁଇ ଜଣଙ୍କ ନାଁ ରାଜ୍ୟସଭା ପ୍ରାର୍ଥୀ ଲାଗି ଘୋଷଣା କରିଛନ୍ତି। ସଂତୃପ୍ତ ମିଶ୍ର ଏବଂ ଡାକ୍ତର ଦତ୍ତେଶ୍ଵର ହୋତାଙ୍କୁ ପ୍ରାର୍ଥୀ କରାଯାଇଛି । ଡାକ୍ତର ଦତ୍ତେଶ୍ଵର ହୋତାଙ୍କୁ କଂଗ୍ରେସ ସମର୍ଥନ ଦେବା ନେଇ ମଧ୍ୟ କହିସାରିଛି ।