ଆନ୍ତର୍ଜାତୀୟ ନିଶା କାରବାରରେ ଓଡିଶା ଲିଙ୍କ

By: Samaya Live News

ଭୁବନେଶ୍ୱର : ନିଶା କାରବାର ଲିଙ୍କରେ ଇଡି ରେଡ୍ । ଆନ୍ତର୍ଜାତୀୟ ନିଶା କାରବାରରେ ଓଡ଼ିଶା ଲିଙ୍କ୍। ଗୋଆରୁ ଓଡ଼ିଶାକୁ ଲମ୍ବିଛି ଚେର । ସୂଚନା ପାଇବା ପରେ ୭ ରାଜ୍ୟର ୨୬ଟି ସ୍ଥାନରେ ଚଢାଉ କରିଛି ଇଡି । ଏହା ସହ ମାନି ଲଣ୍ଡରିଂ ମାମଲାରେ ଖୋଳତାଡ଼ କରି ନଗଦ ୩ କୋଟି ଟଙ୍କା ସହ ବିପୁଳ ନିଶାଦ୍ରବ୍ୟ ଜବତ କରିଛି । ନିଶା କାରବାରରେ ଜଡ଼ିତ ଥିବା ଅଭିଯୋଗରେ ଦିଲ୍ଲୀରୁ ଜଣେ ନିଶା ମାଫିଆକୁ ଗିରଫ କରାଯାଇଛି। ସମ୍ପୃକ୍ତ ବ୍ୟକ୍ତିକୁ ୭ଦିନିଆ‌ ରିମାଣ୍ଡରେ ନେଇ ଜେରା କରୁଛି ତଦନ୍ତକାରୀ ଦଳ।

ଗତ ସପ୍ତାହ ୧୬ ତାରିଖରେ ଓଡ଼ିଶାର କଟକ ଓ ଫୁଲବାଣୀରେ ହୋଇଥିଲା ଚଢ଼ାଉ । ନାର୍କୋଟିକ କ‌େ‌ଣ୍ଟ୍ରାଲ ବ୍ୟୁରୋ (ଏନ୍‌ସିବି) ଓ ସ୍ଥାନୀୟ ପୁଲିସ ସହାୟତାରେ ଇଡି ଚଢ଼ଉ କରିଥିଲା । ମନି ଲଣ୍ଡରିଂ ମାମଲାର ତଦନ୍ତ କରିବା ବେଳେ ମିଳିଛି ସାଂଘାତିକ ତଥ୍ୟ । ମାଫିଆଙ୍କୁ ଧରିବାକୁ ଓ ସେମାନଙ୍କ ସମ୍ପତ୍ତି ବାଜ୍ୟାପ୍ତି ନେଇ ଚାଲିଛି ପ୍ରୟାସ । ସେପଟେ ନିଶା ମାଫିଆଙ୍କ ପାଇଁ ଗଳା ବାଟ ପାଲଟିଛି ଭୁବନେଶ୍ୱର ବିମାନବନ୍ଦର । ନିକଟରେ ବିମାନବନ୍ଦରରୁ ବହୁ ପରିମାଣର ମାରିଯୁଆନା ଜବତ ହୋଇଥଲା । ଏକ ବଡ ରାକେଟ ଚାଲିଛି ନିଶା ସିଣ୍ଡିକେଟର ।