ଭୁବନେଶ୍ୱର : କ୍ଷମା ମାଗିଲେ ବିଜେପି ସାଂସଦ ନିଶିକାନ୍ତ ଦୁବେ । ପୂର୍ବତନ ମୁଖ୍ୟମନ୍ତ୍ରୀ ତଥା ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଉପରେ ଦେଇଥିବା ବିବାଦୀୟ ବୟାନ ପାଇଁ ନିଶିକାନ୍ତ ନିସର୍ତ୍ତ କ୍ଷମା ପ୍ରାର୍ଥନା କରିଛନ୍ତି । ଏ ସମ୍ପର୍କରେ ସେ ନିଜ ସୋସିଆଲ ମିଡିଆରେ ପୋଷ୍ଟ କରି କହିଛନ୍ତି, ମୁଁ ଗାନ୍ଧୀ ପରିବାର ସମ୍ପର୍କରେ କହିଥିଲି, ମାତ୍ର ମୋ କଥାର ଭୁଲ ଅର୍ଥ ବାହାର କରାଯାଇଛି ।
ନେହେରୁଙ୍କ ଉପରେ ସେ ଯାହା କହିଥିଲେ ତାକୁ ବିଜୁ ବାବୁଙ୍କ ପ୍ରତି କୁହାଯାଇଥିବା ଅନେକ ଭାବିଥିଲେ । ବିଜୁ ବାବୁଙ୍କ ବିଷୟରେ ଯାହା କହିଥିଲି ତାହା ମୋ ବ୍ୟକ୍ତିଗତ ମତ । ମୋ ମନ୍ତବ୍ୟ ପାଇଁ ଆଘାତ ଲାଗିଥିଲେ , ମୁଁ କ୍ଷମା ମାଗୁଛି । ବିଜୁବାବୁ ଜଣେ ଚମତ୍କାର ବ୍ୟକ୍ତିବିଶେଷ ଥିଲେ । ତାଙ୍କ ଅବଦାନ ଅତୁଳନୀୟ । ବିଜୁ ବାବୁ ଷ୍ଟେଟ୍ସ ମ୍ୟାନ ଥିଲେ ଓ ରହିବେ ବୋଲି ସେ ସୋସିଆଲ ମିଡିଆରେ ଉଲ୍ଲେଖ କରିଛନ୍ତି ।
ସେପଟେ ଘଟଣାର ୪ ଦିନ ପରେ ନିଶିକାନ୍ତ ଦୁବେଙ୍କ କ୍ଷମା ପ୍ରାର୍ଥନାକୁ ନେଇ କଟାକ୍ଷ କରି ବିଜେଡି ଉପ ସଭାପତି ଦେବୀ ମିଶ୍ର କହିଛନ୍ତି ,ଏହା ଗୋଇଠା ମାରି ବିଷ୍ଣୁ କରିବା ସହ ସମାନ । ଆଜି ଯାଏଁ କାହିଁକି ବିଜେପିର ରାଜ୍ୟ ତଥା ଜାତୀୟ ନେତା ଏବାବଦରେ ପାଟି ଖୋଲୁ ନାହାଁନ୍ତି ବୋଲି ସେ କହିଛନ୍ତି ।
