ଆଜି ଜୟ ଢୋଲକିଆଙ୍କ ଶପଥ ଗ୍ରହଣ

ଭୁବନେଶ୍ୱର : ନୂଆପଡ଼ା ଉପନିର୍ବାଚନରେ ବିଜେପି ପ୍ରାର୍ଥୀ ଜୟ ଢୋଲକିଆଙ୍କର ହୋଇଛି ବୃହତ ବିଜୟ । ବିଧାୟକ ଭାବେ ଆଜି ଶପଥ ନେବେ ଜୟ ଢୋଲକିଆ । ଦିନ ଗୋଟାଏ ବେଳେ  ବିଧାନସଭାରେ ବାଚସ୍ପତି ସୁରମା ପାଢୀ ଜୟ ଢୋଲକିଆଙ୍କୁ ପଦ ଏବଂ ଗୋପନୀୟତାର ଶପଥ ପାଠ କରାଇବେ । ଶପଥ ସମୟରେ ସମସ୍ତ ମନ୍ତ୍ରୀ ଓ ବିଜେପି ବିଧାୟକ ଉପସ୍ଥିତ ରହିବେ ବୋଳି ସୂଚନା ମିଳିଛି । 

୨୦୨୪ ବିଧାନସଭା ନିର୍ବାଚନରେ ବିଜେଡି ପ୍ରାର୍ଥୀ ରାଜେନ୍ଦ୍ର ଢୋଲକିଆ ବିଧାୟକ ଭାବେ ନିର୍ବାଚିତ ହୋଇଥିଲେ । କିନ୍ତୁ  ୨୦୨୫ ମସିହାରେ ଅସୁସ୍ଥତା ଯୋଗୁ ତାଙ୍କର ଦେହାନ୍ତ ହୋଇଯାଇଥିଲା । ବାପାଙ୍କ ଦେହାନ୍ତ ପରେ ଜୟ ଢୋଲକିଆ ବିଜେଡି ଛାଡି ବିଜେପିରେ ଯୋଗ ଦେଇଥିଲେ I ଏହାପରେ   ୨୦୨୫ ନଭେମ୍ବର ୧୧ ତାରିଖରେ ନୂଆପଡ଼ାରେ ଉପନିର୍ବାଚନ ଅନୁଷ୍ଠିତ ହୋଇ ୧୪ରେ ଭୋଟ ଗଣତି ହୋଇଥିଲା I ଏଥିରେ ଜୟ ତାଙ୍କ ନିକଟତମ ପ୍ରତିଦ୍ବନ୍ଦୀ ଘାସିରାମ ମାଝୀଙ୍କ ଠାରୁ ୮୩ ହଜାର ରୁ ଅଧିକ ଭୋଟରେ ନିର୍ବାଚିତ ହୋଇଥିଲେ I ଜୟଙ୍କୁ ମିଶାଇ ରାଜ୍ୟରେରେ ବିଜେପି ବିଧାୟକଙ୍କ ସଂଖ୍ୟା ୭୯ରେ ପହଞ୍ଚିଲା ।