ସୁନା ବଜାରରେ ସୁନାମି,୨ ଲକ୍ଷ ମୁହାଁ ଦର

By: Samaya Live News

ଭୁବନେଶ୍ୱର : ସୁନା ବଜାରରେ ସୁନାମି । ଏଣିକି ସୁନା କିଣିବା ହୋଇଯିବ ସ୍ବପ୍ନ । ଗୋଟିଏ ଦିନରେ ୧୧ ହଜାର ଟଙ୍କା ଦର ବୃଦ୍ଧି ହୋଇ ସର୍ବକାଳୀନ ରେକର୍ଡ କରିଛି ସୁନା । ଚାହୁଁ ଚାହୁଁ ଦିନ କେଇଟାରେ ୨ ଲକ୍ଷ ଆଡକୁ ମୁହାଇଲାଣି ସୁନା ଦର । ସେହିପରି ରୁପାର ମଧ୍ୟ ଭାଉ କିଛି କମ ନାହିଁ । ଆଜି କେଜି ପିଛା ୨୫ ହଜାର ପାର କରି ୪ ଲକ୍ଷ ୨୫ ହଜାର ଟଙ୍କା ହୋଇଛି ରୂପା ଦର । ଗତ ଚାରି ଦିନରେ ରୁପା କେଜି ୬୦ ହଜାର ଟଙ୍କା ବଢ଼ିଛି । ଚଳିତ ମାସ ୨୩ ତାରିଖ ପରଠାରୁ ରୁପା ଦର ଲଗାତାର ଭାବେ ବୃଦ୍ଧି ପାଉଛି । ଏହି ୭ ଦିନରେ ତାହା ୮୫ ହଜାର ଟଙ୍କା ମହଙ୍ଗା ହୋଇଛି ।

ଆଜି ସୁନା ବଜାରରେ ୨୪ କ୍ୟାରେଟ ସୁନା ଦାମ ଏକା ଥରକେ ୧୧ ହଜାର ୭୭୦ ଟଙ୍କା ବୃଦ୍ଧି ପାଇଁ ୧,୭୮,୮୫୦ ଟଙ୍କାରେ ପହଞ୍ଚିଥିବାବେଳେ ୨୨ କ୍ୟାରେଟ ସୁନା ଦାମରେ ୧୦ ହଜାର ୮୦୦ ଟଙ୍କା ବୃଦ୍ଧି ପାଇ ୧ ଲକ୍ଷ ୬୩ ହଜାର ୯୫୦ ଟଙ୍କା ଓ ୧୮ କ୍ୟାରେଟ ସୁନାର ମୂଲ୍ୟ ୧,୩୪,୧୪୦ ଟଙ୍କା ରହିଛି ।