କଟକ : କୌଣସି ଅଘଟଣକୁ ଏଡ଼ାଇବା ପାଇଁ ଜିଲ୍ଲାପାଳଙ୍କ ଅନୁରୋଧ । ଆଜି ଐତିହାସିକ ବାଲିଯାତ୍ରାର ଶେଷ ରାତିଥିବାବେଳେ ବୟସ୍କ ବ୍ୟକ୍ତି ଓ ଛୋଟ ପିଲାଙ୍କ ଧରି ବାଲିଯାତ୍ରା ବୁଲି ନଆସିବା ପାଇଁ ଅନୁରୋଧ କରିଛନ୍ତି କଟକ ଜିଲ୍ଲାପାଳ ଦତ୍ତାତ୍ରୟ ଭାଉ ସାହେବ ସିନ୍ଧେ ।
ଶେଷ ରାତିରେ ଐତିହାସିକ ବାଲିଯାତ୍ରାକୁ ଆସୁଛନ୍ତି ବଲିଉଡ୍ ସୁପରଷ୍ଟାର ଗାୟିକା ଶ୍ରୀୟା ଘୋଷାଲ । ଗତକବି ବୈଷ୍ଣବ ପାଣି ମଞ୍ଚରେ ଆୟୋଜିତ ହେବାକୁ ଥିବା ରଙ୍ଗାରଙ୍ଗ ସଙ୍ଗୀତ ସଂଧ୍ୟାରେ ସାମିଲ ହେବେ ଶ୍ରେୟା ଘୋଷାଲ । ଯେଉଁଥିରେ ଲୋକଙ୍କ ଭିଡ଼ ଜମିବାର ସମ୍ଭାବନା ରହିଛି ।
ସେଥିପାଇଁ ପୁରା ବାଲିଯାତ୍ରା ପଡ଼ିଆରେ ଏଲ୍ଇଡି ସ୍କ୍ରିନ୍ର ବ୍ୟବସ୍ଥା କରାଯାଇଛି । ଛିଡ଼ା ହୋଇ ଦେଖିବାକୁ ପାଇଁ ବ୍ୟବସ୍ଥା ମଧ୍ୟ କରାଯାଇଛି । ତେଣୁ ଭିଡ଼ ଓ ସୁରକ୍ଷାକୁ ଦୃଷ୍ଟିରେ ରଖି ବୟସ୍କ ବ୍ୟକ୍ତି ଓ ଛୋଟ ପିଲାଙ୍କୁ ବାଲିଯାତ୍ରା ପଡ଼ିଆ ନଆସିବା ପାଇଁ ଅନୁରୋଧ କରିଛନ୍ତି କଟକ ଜିଲ୍ଲାପାଳ ।
