ବାତ୍ୟା ଆଲର୍ଟ ,୬ଟି ଜିଲ୍ଲାରେ ତିନି ଦିନ ପାଇଁ ସ୍କୁଲ ବନ୍ଦ

ଦୁଇ ଦିନ ପାଇଁ ବନ୍ଦ ରହିବ ଦାରିଙ୍ଗିବାଡ଼ି ଘାଟି

ବାତ୍ୟା ଆଲର୍ଟ ,୬ଟି ଜିଲ୍ଲାରେ ତିନି ଦିନ ପାଇଁ ସ୍କୁଲ ବନ୍ଦ
Samaya Live News Picture
Published On

ଭୁବନେଶ୍ୱର : ପ୍ରବଳ ବର୍ଷା ଆଶଙ୍କାରେ ବାତ୍ୟା ପ୍ରଭାବିତ ୬ଟି ଜିଲ୍ଲାରେ ୩ଦିନ ପାଇଁ ସ୍କୁଲ ଛୁଟି ଘୋଷଣା କରାଯାଇଛି । ଗଞ୍ଜାମ, ଗଜପତି, ପୁରୀ, ଜଗତସିଂହପୁର, କେନ୍ଦ୍ରାପଡ଼ା ଓ କନ୍ଧମାଳ ଜିଲ୍ଲାରେ ଆଜିଠାରୁ ୨୧ ତାରିଖ ପର୍ଯ୍ୟନ୍ତ ସ୍କୁଲ ଛୁଟି ଘୋଷଣା କରାଯାଇଛି । ସେହିପରି ଖୋର୍ଦ୍ଧା, ନୟାଗଡ଼ ଓ କୋରାପୁଟ ଜିଲ୍ଲାରେ ୨୦ ତାରିଖ ପର୍ଯ୍ୟନ୍ତ ସ୍କୁଲ ବନ୍ଦ ରହିବ ।

ଅନ୍ୟପଟେ ରାୟଗଡ଼ା ଓ ମାଲକାନଗିରି ଜିଲ୍ଲାରେ ମଧ୍ୟ ୨୦ ତାରିଖ ଯାଏଁ ଶିକ୍ଷାନୁଷ୍ଠାନ ବନ୍ଦ ରଖିବାକୁ ଘୋଷଣା ହୋଇଛି । ବାତ୍ୟା ଅକଭାନ୍‌ର ପ୍ରଭାବରେ ରାଜ୍ୟର ବିଭିନ୍ନ ଅଞ୍ଚଳରେ ପ୍ରବଳରୁ ଅତି ପ୍ରବଳ ବର୍ଷା ଓ ପବନ ହେବାର ଆଶଙ୍କା ରହିଛି । ଏଭଳି ସ୍ଥିତିରେ ଛାତ୍ରଛାତ୍ରୀଙ୍କ ଯାତାୟାତ ସମୟରେ କୌଣସି ଅଘଟଣ ନଘଟିବା ପାଇଁ ପ୍ରଶାସନ ପକ୍ଷରୁ ଏହି ସତର୍କତାମୂଳକ ପଦକ୍ଷେପ ନିଆଯାଇଛି । 

ସେପଟେ, ବାତ୍ୟା ଅକଭାନ୍‌କୁ ନେଇ ଦୁଇ ଦିନ ପାଇଁ ବନ୍ଦ ରହିବ ଦାରିଙ୍ଗିବାଡ଼ି ଘାଟି । ଭୂସ୍ଖଳନ ଆଶଙ୍କା ଥିବାରୁ ଘାଟି ରାସ୍ତାରେ ସମସ୍ତ ପ୍ରକାର ଯାନବାହନ ଚଳାଚଳ ଉପରେ କଟକଣା ଲଗାଯାଇଛି । ବାତ୍ୟା ସମୟରେ ପ୍ରବଳ ବର୍ଷା ଓ ପବନ ଯୋଗୁଁ ମାଟି ଅତଡ଼ା ଧସିବା ସହ ବଡ଼ ବଡ଼ ଗଛ ଉପୁଡ଼ିବାର ଆଶଙ୍କା ରହିଛି । ଯାତ୍ରୀଙ୍କ ସୁରକ୍ଷାକୁ ଦୃଷ୍ଟିରେ ରଖି ପ୍ରଶାସନ ଏଭଳି ପଦକ୍ଷେପ ନେଇଛି ।

ଦାରିଙ୍ଗିବାଡ଼ି ଘାଟି ରାସ୍ତା ସଂକୀର୍ଣ୍ଣ ହୋଇଥିବାରୁ ଏଠାରେ ପୂର୍ବରୁ ଅନେକଥର ମାଟି ଅତଡ଼ା ଖସିବା ଘଟଣା ସାମ୍ନାକୁ ଆସିଛି । ଏପରିକି ମାଟି ଧସିବା ଯୋଗୁଁ ବଡ଼ ବଡ଼ ଟ୍ରକ୍ ଓ ବସ୍ ଦୁର୍ଘଟଣାର ଶିକାର ହୋଇଛନ୍ତି । ତେଣୁ ବାତ୍ୟା ସମୟରେ କୌଣସି ଅଘଟଣକୁ ଏଡ଼ାଇବା ପାଇଁ ଘାଟିକୁ ଦୁଇ ଦିନ ପାଇଁ ବନ୍ଦ ରଖିବାକୁ ନିଷ୍ପତ୍ତି ନେଇଛି ପ୍ରଶାସନ । ପୂର୍ବରୁ ଗାଜଲବାଡ଼ି ଗାଁ ନିକଟରେ ମଧ୍ୟ ପୋଲିସ ପ୍ରଶାସନ ପକ୍ଷରୁ ଜାତୀୟ ରାଜପଥ NH-59କୁ ବନ୍ଦ କରାଯାଇଛି । 

 

Tags: