ଘର ଭିତରୁ ଦମ୍ପତିଙ୍କ ଝୁଲନ୍ତା ମୃତଦେହ ଉଦ୍ଧାର

By: Samaya Live News

ଯାଜପୁର : ହସ ଖୁସି ଭିତରେ ଲିଭିଗଲା ଦୁଇଟି ଜୀବନ। ପାରିବାରିକ କଳହରୁ ଦମ୍ପତିଙ୍କ ଆତ୍ମହତ୍ୟା । ଘରେ ଅଢେଇ ବର୍ଷର ପୁଅକୁ ଛାଡି ନେଇଛନ୍ତି ଚରମ ନିଷ୍ପତି । ଘର ଭିତରୁ ଉଦ୍ଧାର ହୋଇଛି ଦମ୍ପତିଙ୍କ ଝୁଲନ୍ତା ମୃତଦେହ । ଏଭଳି ଏକ ଅଭବନୀୟ ଘଟଣା ଘଟିଛି ଯାଜପୁର ଜିଲ୍ଲା ଧର୍ମଶାଳା ବ୍ଲକ ଜେନାପୁର ଥାନା ଅନ୍ତର୍ଗତ କୁକୁଡ଼ା ଖେଳେଇ ଗାଁରେ । ଗତ ୨ ଦିନ ଧରି ଗାଁରେ ଅଷ୍ଟପ୍ରହରୀ ଚାଲିଥିବାବେଳେ ଉଭୟେ ଭୋଜି ଖାଇ ହସ ଖୁସିରେ ଘରକୁ ଫେରିଥିଲେ । ତେବେ ହଠାତ କାହିଁକି ଏଭଳି ଚରମ ନିଷ୍ପତି ନେଲେ ତାହା ଅସ୍ପଷ୍ଟ ରହିଛି । ମୃତକ ହେଲେ ଗାଁର ଜର୍ଜ ମଲିକ ଏବଂ ସ୍ତ୍ରୀ ଝରଣା ମଲିକ। ଖବର ପାଇ ପୁଲିସ୍‌ ଘଟଣା ସ୍ଥଳରେ ପହଞ୍ଚି ଘରକୁ ସିଲ କରି ଅଧିକ ତଦନ୍ତ ଚଳାଇଛି।