ବାୟୁ ପ୍ରଦୂଷଣ ପାଇଁ ଭୁବନେଶ୍ୱରରେ ଲାଗିବ ଏୟାର ପ୍ୟୁରିଫାୟର

ଭୁବନେଶ୍ୱର : ଚରମ ସ୍ତରରେ ପହଞ୍ଚିଲାଣି ଓଡ଼ିଶାର ବାୟୁ ପ୍ରଦୂଷଣ । ବାୟୁ ପ୍ରଦୂଷଣ ପାଇଁ ଭୁବନେଶ୍ୱରରେ ଲାଗିଯିବ ଏୟାର ପ୍ୟୁରିଫାୟାର (ବାୟୁ ଶୋଧକ ଯନ୍ତ୍ର) । ଏଥିପାଇଁ ଭୁବନେଶ୍ୱର ମେୟର ସୁଲୋଚନା ଦାସ ସୂଚନା ଦେଇଛନ୍ତି ଇ ସହରର ପ୍ରମୁଖ ସ୍ଥାନ ଜୟଦେବ ବିହାର ଏବଂ ଏଜି ଛକରେ ପ୍ରାଥମିକ ଭାବେ ଏହି ଏୟାର ପ୍ୟୁରିଫାୟର୍ ଲଗାଇବ ବିଏମ୍ସି । ମେୟର କହିଛନ୍ତି ଯେ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ସହିତ ଆଲୋଚନା କରାଯାଇଛି । ଏହା ପରେ ମେସିନ କିଣାଯାଇ ଲଗାଯିବ । ଫଳରେ ଭୁବନେଶ୍ୱରବାସୀ ବିଷାକ୍ତ ବାୟୁ କବଳରୁ ରକ୍ଷା ପାଇବେ ।

 ମେୟର ପୁଣି କହିଛନ୍ତି ଭୁବନେଶ୍ୱରରେ ଯେଉଁଠି ସଫେଇ କରାଯାଉଛି ସେଠାରେ ପାଣି ସିଞ୍ଚନ କରାଯାଉଛି । ସହର ବାୟୁ ପ୍ରଦୂଷଣ ମୁଖ୍ୟ ସମସ୍ୟା ହୋଇ ଆଗକୁ ମୁଣ୍ଡ ଟେକିବ । ତେଣୁ ଲୋକମାନେ ପ୍ରଥମେ ସଚେତନ ହେବାର ଆବଶ୍ୟକତା ରହିଛି । ଘର ପିଛା ୪ରୁ୫ ଗାଡି କିଣୁଛନ୍ତି । ଏହା ଦ୍ୱାରା ଭୁବନେଶ୍ୱରେ ବାୟୁ ପ୍ରଦୂଷଣ ବଢିଚାଲିଛି । ଏୟାର କ୍ୱାଲିଟି ଇଣ୍ଡେକ୍ସ (ଏକ୍ୟୁଆଇ) ୩୦୦ ପାର କଲାଣି । ଆଜି ପଟିଆ ଏକ୍ୟୁଆଇ ୨୨୨ ରହିଥିବା ବେଳେ ଲିଙ୍ଗରାଜ ମନ୍ଦିର ଅଞ୍ଚଳରେ ୨୪୨ ରହିଛି ।

ସୂଚନାନୁସାରେ,ଓଡ଼ିଶାର ଅନୁଗୋଳ, ତାଳଚେର, ବାଲେଶ୍ବର, କଟକ, ଭୁବନେଶ୍ବର ଏବଂ ବାରିପଦା ରହୁଛି। ଦିନେ ଦିନେ ଦିଲ୍ଲୀ ସହରକୁ କାଟି ପ୍ରଥମ ସ୍ଥାନ ଅଧିକାର କରୁଛି ଓଡ଼ିଶା। ବାୟୁ ପ୍ରଦୂଷଣ ବଢ଼ିବାକୁ ନେଇ ପରିବେଶବିତ ଉଦ୍‌ବେଗ ପ୍ରକାଶ କରିଛନ୍ତି।