ଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠରେ ୯୧% ଅଭିଯୋଗର ସମାଧାନ ହୋଇଛି - ମନ୍ତ୍ରୀ

By: Samaya Live News

ଭୁବନେଶ୍ୱର : ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠରେ ହୋଇଥିବା ଅଭିଯୋଗର ୯୧% ସମାଧାନ ହୋଇଛି । ଗତ ଦେଢ଼ ବର୍ଷ ଭିତରେ ମୁଖ୍ୟମନ୍ତ୍ରୀ ନିଜେ ୧୩୩୫୮ ଅଭିଯୋଗ ଗ୍ରହଣ କରି ୧୨୪୩୨ ର ସମାଧାନ ହୋଇଛି । ବାକି ଅଭିଯୋଗ ଜଟିଳ ଥିବାରୁ ବିଭାଗୀୟ ତର୍ଜମା କରାଯାଉଛି ବୋଲି ମୁଖ୍ୟମନ୍ତ୍ରୀଙ୍କ ପକ୍ଷରୁ ଆଇନମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ଗୃହରେ ଉତ୍ତର ରଖିଛନ୍ତି ।

ଜନଶୁଣାଣି ପୋର୍ଟାଲରେ ନଭେମ୍ବର ସୁଦ୍ଧା ୧୪ ଲକ୍ଷ ୪୧, ୮୩୨ ଅଭିଯୋଗ ଆସିଛି । ଯାହାର ଜିଲ୍ଲାପାଳ, SP, BDO, ତହସିଲଦାର ଯୁଗ୍ମ ଶୁଣାଣି କରି ୧୩ ଲକ୍ଷ ୭୨୫୩ ମାମଲାର ସମାଧାନ ହୋଇଛି। ବାକି ୧ ଲକ୍ଷ ୩୪୫୭୯ ଜଟିଳ ଥିବାରୁ ସମାଧାନ ପାଇଁ ପଦକ୍ଷେପ ନିଆଯାଉଛି।

ଭୁବନେଶ୍ୱର ବାହାରେ ଯେଉଁଠି ଅଭିଯୋଗ ହେଉଛି, ତାହା ସମାଧାନ ହେଉନି । ବ୍ଲକ ଓ ତହସିଲ ସ୍ତରରେ କେତେ ଅଭିଯୋଗ ଆସୁଛି । ତାହାର ତାଲିକା ଦାବି କଲେ ବିରୋଧୀ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକ। ଆଇନ ମନ୍ତ୍ରୀ କେମିତି କହିଲେ ଚାଉଳ ଓ ଘର ତତକ୍ଷଣାତ ମିଳୁଛି। କାରଣ ୱେବସାଇଟ ତ ଖୋଲୁନି। ବିଧାୟକମାନଙ୍କୁ ନେଇ ଅଭିଯୋଗ ଶୁଣାଣି ହେବ କି ? ସମାଧାନର ନିର୍ଦ୍ଦିଷ୍ଟ ତାରିଖ ସ୍ଥିର କରିବେ କି ? ଯାହାର ଉତ୍ତର ଦେଇ ଆଇନ ମନ୍ତ୍ରୀ କହିଛନ୍ତି କି, ଯୁଗ୍ମ ଶୁଣାଣି ହେଉଛି। ବିଧାୟକମାନେ ଯୋଗଦାନ କଲେ ସମାଧାନ ଅଧିକ ହୋଇପାରିବ। କାରଣ ବିଧାୟକ ରହିପାରିବେ। ଯେତେ ଦୂର ସମ୍ଭବ, ଲୋକଙ୍କ ସମସ୍ୟାର ସମାଧାନ ନିଷ୍ଠା ସହ କରାଯାଇପାରିବ।