ରାଜ୍ୟରେ ନିଖୋଜ ଅଛନ୍ତି ୨୯୭୫ ଜଣ ଶିଶୁ

By: Samaya Live News

ଭୁବନେଶ୍ୱର : ରାଜ୍ୟରେ ଆଜି ସୁଦ୍ଧା ନିଖୋଜ ଅଛନ୍ତି ୨୯୭୫ ଶିଶୁ । ବିଧାୟକ ଅଖିଳ ଚନ୍ଦ୍ର ନାୟକଙ୍କ ପ୍ରଶ୍ନର ଗୃହରେ ଉତ୍ତର ରଖିଛନ୍ତି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା । ୨୦୨୪ରୁ ଆଜି ଯାଏଁ ୧୧,୩୩୭ ନିଖୋଜ ଅଭିଯୋଗ ପଞ୍ଜିକୃତ ହୋଇଛି । ସେଥିରୁ ୮୩୬୨ ଶିଶୁ ଉଦ୍ଧାର ହୋଇଛନ୍ତି ।

ରିପୋର୍ଟ ଅନୁଯାୟୀ ଖୋର୍ଦ୍ଧାରେ ସର୍ବାଧିକ ୭୮୫ ମାମଲାରୁ ୫୭୬ ଶିଶୁ ଉଦ୍ଧାର । ବାଲେଶ୍ୱରରେ ୬୮୩ ମାମଲା ମଧ୍ୟରୁ ୧୧୪ ଶିଶୁ ଉଦ୍ଧାର । ବଲାଙ୍ଗିରରେ ୩୯୪ ମାମଲାରୁ ୨୩୯ ଶିଶୁ ଉଦ୍ଧାର । ଭଦ୍ରକ ୪୧୨ ରୁ ୩୫୧ ଶିଶୁ ଉଦ୍ଧାର । କଟକରେ ୪୫୦ରୁ ୩୫୦ ଶିଶୁ ଉଦ୍ଧାର। ଜଗତସିଂହପୁରରୁ ୨୫୭ରୁ ୧୩୦ ଶିଶୁ ଉଦ୍ଧାର ହୋଇଛନ୍ତି। ସେହିପରି ଅନ୍ୟ ଜିଲ୍ଲା ମାନଙ୍କର ରିପୋର୍ଟ ମଧ୍ଯ ଉପସ୍ଥାପନ କରିଛନ୍ତି ଉପମୁଖ୍ୟମନ୍ତ୍ରୀ।