ପଶ୍ଚିମବଙ୍ଗରେ ଶୁଭେନ୍ଦୁ ସରକାରଙ୍କ ବଡ଼ ପଦକ୍ଷେପ; ବନ୍ଦ ହେବ ୨୫୨ ମଦ୍ରାସା
କୋଲକାତା:ପଶ୍ଚିମବଙ୍ଗରେ ବର୍ଷ ବର୍ଷ ଧରି ଚାଲିଥିବା ଅନେକ ମଦ୍ରାସା ତାଲା ପକାଇବା ପାଇଁ ପ୍ରସ୍ତୁତି ଚାଲିଛି। ସରକାର ୨୫୨ ମଦ୍ରାସାକୁ ବନ୍ଦ ପାଇଁ ନୋଟିସ୍ ଜାରି କରିଛନ୍ତି। ସେହିପରି ଅନ୍ୟ ୧୦୦ ମଦ୍ରାସାକୁ କାରଣ ଦର୍ଶାଅ ନୋଟିସ୍ ଜାରି କରାଯାଇଛି। ବନ୍ଦ ହେବାକୁ ଥିବା ମଦ୍ରାସାଗୁଡ଼ିକ ମଧ୍ୟରୁ ଅଧିକାଂଶକୁ ଉପଯୁକ୍ତ ମାନ୍ୟତା ନାହିଁ ବୋଲି ଜଣାପଡିଛି। ରାଜ୍ୟ ସରକାର ସମ୍ପ୍ରତି ରାଜ୍ୟର ମଦ୍ରାସାଗୁଡ଼ିକର ତଦନ୍ତ ପାଇଁ ଏକ ଅଭିଯାନ ଆରମ୍ଭ କରିଛନ୍ତି। ସର୍ବେକ୍ଷଣର ପ୍ରଥମ ପର୍ଯ୍ୟାୟ ପରେ ମାନ୍ୟତା ନଥିବା ୨,୩୯୬ ମଦ୍ରାସା ଚିହ୍ନଟ କରାଯାଇଛି। ରାଜ୍ୟ ସରକାର କୋଲକାତା ସମେତ ୨୨ଟି ଜିଲ୍ଲାରେ ମଦ୍ରାସାଗୁଡ଼ିକର ଏକ ସର୍ଭେ କରିଥିଲେ। ସଂଖ୍ୟାଲଘୁ ବ୍ୟାପାର ଏବଂ ମଦ୍ରାସା ଶିକ୍ଷା ବିଭାଗ ଦ୍ୱାରା ଏହି ସର୍ଭେ କରାଯାଇଥିଲା। ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ ନିର୍ଦ୍ଦେଶ ଦେଇଥିଲେ ଯେ ଜିଲ୍ଲାଗୁଡ଼ିକରେ ସ୍ୱୀକୃତିପ୍ରାପ୍ତ ଏବଂ ଅଣସ୍ୱୀକୃତିପ୍ରାପ୍ତ ମଦ୍ରାସାଗୁଡ଼ିକର ସଂଖ୍ୟା ନିର୍ଣ୍ଣୟ କରିବା ପାଇଁ ଏକ ସର୍ଭେ କରାଯିବା ଉଚିତ୍। ଏହା ପରେ, ପ୍ରତ୍ୟେକ ଜିଲ୍ଲାରେ ସର୍ଭେ ଆରମ୍ଭ କରାଯାଇଥିଲା।
Tags:
