ଶିବକୁମାରଙ୍କୁ ରାହୁଲଙ୍କ ମେସେଜ୍‌, ‘ପ୍ଲିଜ୍‌ ୱେଟ୍‌ , ଆଇ ୱିଲ୍‌ କଲ୍‌ ୟୁ

By: Samaya Live Desk

ନୂଆଦିଲ୍ଲୀ : କର୍ଣ୍ଣାଟକରେ ନେତୃତ୍ୱ ବିବାଦ ମଧ୍ୟରେ ଡିସେମ୍ବର ୧ ତାରିଖରେ ସଂସଦ ଶୀତ ଅଧିବେଶନ ପୂର୍ବରୁ କଂଗ୍ରେସ ହାଇକମାଣ୍ଡ ମୁଖ୍ୟମନ୍ତ୍ରୀ ପରିବର୍ତ୍ତନ ନେଇ ନିଷ୍ପତ୍ତି ନେବେ ବୋଲି ଜଣାପଡ଼ିଛି। ମୁଖ୍ୟମନ୍ତ୍ରୀ ପରିବର୍ତ୍ତନ ନେଇ ଯେଉଁ କଳ୍ପନା ଜଳ୍ପନା ଜାରି ରହିଛି ସେନେଇ ଶିବକୁମାର ଗତକାଲି ଏକ ଗୁରୁତ୍ବପୂର୍ଣ୍ଣ ଟିପ୍ପଣୀ ଦେଇ କହିଥିଲେ ଯେ ସର୍ବସାଧାରଣରେ କିଛି କହିହେବନି। ଦଳରେ ୫-୬ ଜଣ ନେତାଙ୍କ ମଧ୍ୟରେ ଏକ ଗୁପ୍ତ ଚୁକ୍ତି ହୋଇଥିଲା। ଉଲ୍ଲେଖଯୋଗ୍ୟ ଯେ ଶିବକୁମାର ଗତ କିଛି ଦିନ ଧରି କଂଗ୍ରେସ ନେତା ରାହୁଲ ଗାନ୍ଧୀଙ୍କ ସହ ଯୋଗାଯୋଗ କରିବାକୁ ଚେଷ୍ଟା କରିଥିଲେ। କିନ୍ତୁ ଯୋଗାଯୋଗ ହୋଇପାରିନଥିଲା। ମିଳିଥିବା ସୂଚନାନୁଯାୟୀ ରାହୁଲ ଗାନ୍ଧୀ ଆଜି ଶିବକୁମାରଙ୍କୁ ଏକ ହ୍ବାଟ୍ସଆପ୍‌ ମେ‌ସେଜ୍‌ ଦେଇଛନ୍ତି। ଏହି ମେସେଜରେ ଲେଖାଅଛି - ‘ ପ୍ଲିଜ ୱେଟ୍‌, ଅଇେ ୱିଲ୍‌ କଲ୍‌ ୟୁ’। ଶିବକୁମାର ମଧ୍ୟ ନଭେମ୍ବର ୨୯ ତାରିଖରେ ଦିଲ୍ଲୀ ଯିବେ। ସୋନିଆ ଗାନ୍ଧୀଙ୍କ ସହ ସାକ୍ଷାତ ପାଇଁ ଶିବକୁମାର ସମୟ ମାଗିଛନ୍ତି।