ରବିବାର ଡୋନାଲ୍ଡ ଟ୍ରମ୍ପଙ୍କୁ ଭେଟିବେ ଜେଲେନସ୍କି

ନୂଆଦିଲ୍ଲୀ : ୟୁକ୍ରେନ ରାଷ୍ଟ୍ରପତି ବୋଲଡିମିର ଜେଲେନ୍ସକି ରବିବାର ଫ୍ଲୋରିଡାରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ‌ସାକ୍ଷାତ କରି‌ବେ। ଏହି ଅବସରରେ ଜେଲେନସ୍କି ରୁଷ୍‌-ୟୁକ୍ରେନ ଯୁଦ୍ଧ ସମାପ୍ତି ପାଇଁ ଆଲୋଚନାର ମୁଖ୍ୟ ବାଧା ସୃଷ୍ଟି କରୁଥିବା କ୍ଷେତ୍ରୀୟ ପ୍ରସଙ୍ଗ ଉପରେ ଆଲୋଚନା କରିବାକୁ ଚାହୁଛନ୍ତି କାରଣ ଏକ ୨୦ -ସୂତ୍ରୀ ଶାନ୍ତି ଢାଞ୍ଚା ଏବଂ ଏକ ସୁରକ୍ଷା ଗ୍ୟାରେଣ୍ଟି ଚୁକ୍ତି ସମାପ୍ତ ହେବା ନିକଟରେ ପହଞ୍ଚିଛି। ଟ୍ରମ୍ପଙ୍କ ସହ ବୈଠକ  ଘୋଷଣା କରି, ଜେଲେନସ୍କି କହିଛନ୍ତି, ନୂତନ ବର୍ଷ ପୂର୍ବରୁ ବହୁତ କିଛି ନିଷ୍ପତ୍ତି ନିଆଯାଇପାରିବ। କାରଣ ୱାସିଂଟନ୍ ୟୁକ୍ରେନରେ ରୁଷର ପୂର୍ଣ୍ଣ-ସ୍ତରର ଯୁଦ୍ଧକୁ ସମାପ୍ତ କରିବା ପାଇଁ ପ୍ରୟାସ ଚଳାଇଛି, ଏହା ଦ୍ୱିତୀୟ ବିଶ୍ୱଯୁଦ୍ଧ ପରେ ୟୁରୋପର ସବୁଠାରୁ ଘାତକ ସଂଘର୍ଷ। ୟୁକ୍ରେନ୍ ଏବଂ ଆମେରିକା ମଧ୍ୟରେ ଏକ ସୁରକ୍ଷା ଗ୍ୟାରେଣ୍ଟି ଚୁକ୍ତି ପ୍ରାୟ ପ୍ରସ୍ତୁତ ଏବଂ ୨୦-ସୂତ୍ରୀ ଯୋଜନା ଡ୍ରାଫ୍ଟ ୯୦ ପ୍ରତିଶତ ସମ୍ପୂର୍ଣ୍ଣ ହୋଇଛି ବୋଲି ଜେଲେନସ୍କି ଏକ ହ୍ୱାଟ୍ସଆପ୍ ଚାଟରେ ସାମ୍ବାଦିକମାନଙ୍କୁ କହିଛନ୍ତି। ଅନ୍ୟପକ୍ଷେ ଜେଲେନସ୍କି ଆକ୍ସିଓସଙ୍କୁ କହିଥିଲେ ଯେ ଆମେରିକା ସୁରକ୍ଷା ଗ୍ୟାରେଣ୍ଟି ଉପରେ ଏକ ୧୫ ବର୍ଷର ଚୁକ୍ତି ପ୍ରଦାନ କରିଛି ଯାହାକୁ ନବୀକରଣ କରାଯାଇପାରିବ, ଏବଂ କିଭ୍ ଏକ ଦୀର୍ଘ ଅବଧି ଚାହୁଁଛି। ଅତୀତରେ ସହଯୋଗୀମାନଙ୍କ ବିଫଳ ଗ୍ୟାରେଣ୍ଟିରୁ ସତର୍କ ହୋଇ, ୟୁକ୍ରେନ ଆହୁରି ରୁଷ ଆକ୍ରମଣକୁ ରୋକିବା ପାଇଁ ଦୃଢ଼ ଏବଂ ଆଇନଗତ ଭାବରେ ବାଧ୍ୟତାମୂଳକ ଚୁକ୍ତି ଖୋଜୁଛି।