ବଡଗାମରେ ଲସ୍କର ଶୀର୍ଷ କମାଣ୍ଡର ମୁସା ନିହତ : ଜମ୍ମୁ କାଶ୍ମୀରରେ ଆତଙ୍କୀ ନେଟୱର୍କ ଧ୍ବଂସ
ଶ୍ରୀନଗର : ଜମ୍ମୁ-କଶ୍ମୀରର କେନ୍ଦ୍ରୀୟ କଶ୍ମୀର ଅଞ୍ଚଳର ବଡଗାମ ଜିଲ୍ଲାର ୟୁସମାର୍ଗ ଜଙ୍ଗଲରେ ସୁରକ୍ଷା ବାହିନୀ ଲସ୍କରର ଜଣେ ଶୀର୍ଷ କମାଣ୍ଡର ହାଶିମ୍, ଯିଏ ‘ଫୁଜି ମୁସା’ ନାମରେ ମଧ୍ୟ ପରିଚିତ, ତାକୁ ନିହତ କରିଥିବା ଦାବି କରିଛି। ସୁରକ୍ଷା ବାହିନୀ କିଛି ମାସ ଧରି ଏହି କମାଣ୍ଡରଙ୍କୁ ଟ୍ରାକ୍ କରୁଥିଲା। ସେ ପୀର ପଞ୍ଜାଲ ପର୍ବତମାଳାର ଘନ ଜଙ୍ଗଲ ଅଞ୍ଚଳରେ ଲୁଚି ରହିଥିବା କୁହାଯାଇଛି। ମୁସା ନିହତ ହେବା ପରେ, ଗତ ତିନି ବର୍ଷ ଧରି ଜମ୍ମୁ-କଶ୍ମୀରର ବିଭିନ୍ନ ଜିଲ୍ଲାରେ ସକ୍ରିୟ ଥିବା ଏହି ଆତଙ୍କୀ ଗୋଷ୍ଠୀର ନେଟୱର୍କକୁ ସୁରକ୍ଷା ବାହିନୀ ସମ୍ପୂର୍ଣ୍ଣ ଭାବେ ଧ୍ୱଂସ କରିଦେଇଥିବା ଦାବି କରାଯାଇଛି। ଏହି ଲସ୍କର କମାଣ୍ଡର ଅତ୍ୟନ୍ତ ପ୍ରଶିକ୍ଷିତ ଥିଲା ବୋଲି କୁହାଯାଇଛି। ତା’ ଗୋଷ୍ଠୀ ଅଞ୍ଚଳରେ ସେନା କନଭୟ ଏବଂ ସୁରକ୍ଷା ବାହିନୀ ଉପରେ ଅନେକ ଆକ୍ରମଣ କରିଥିବା ଅଭିଯୋଗ ରହିଛି।
Tags:
