ନୂଆଦିଲ୍ଲୀ : ସର୍ବୋଚ୍ଚ ନୟାଳୟଙ୍କ ବିରଳ ରାୟ । ଦେଶର ପ୍ରଥମ ଇଚ୍ଛାମୃତ୍ୟୁକୁ ଅନୁମତି ଦେଲେ ସୁପ୍ରିମ କୋର୍ଟ । ପଞ୍ଜାବର ୩୧ବର୍ଷୀୟ ହରିଶ ରାଣାଙ୍କ ଇଚ୍ଛାମୃତ୍ୟୁକୁ ଅନୁମତି ପ୍ରଦାନ କରିଛନ୍ତି ସର୍ବୋଚ୍ଚକୋର୍ଟ । ସେ ପଞ୍ଜାବ ବିଶ୍ୱବିଦ୍ୟାଳୟର ଛାତ୍ର ଥିବା ବେଳେ ୨୦୧୩ରେ ୪ ମହଲା କୋଠାରୁ ପଡି ଗୁରୁତର ହୋଇଥିଲେ । ସେହିଦିନ ଠାରୁ ଦୀର୍ଘ ୧୩ ବର୍ଷ ଧରି କୋମାରେ ରହି ଚିକିତ୍ସିତ ହେଉଛନ୍ତି । କିନ୍ତୁ ବର୍ତ୍ତମାନ ସୁଦ୍ଧା ତାଙ୍କ ସ୍ୱାସ୍ଥ୍ୟବସ୍ଥାରେ କୌଣସି ଉନ୍ନତି ଘଟିନାହିଁ । ତେଣୁ ତାଙ୍କ ଲାଇଫ ସପୋର୍ଟ ହଟାଇବାକୁ ପରିବାର ଲୋକେ ସର୍ବୋଚ୍ଚ କୋର୍ଟଙ୍କୁ ନିବେଦନ କରିଥିଲେ । ପରିବାର ଲୋକଙ୍କ ଅନୁରୋଧ କ୍ରମେ ସର୍ବୋଚ୍ଚ କୋର୍ଟ ଇଚ୍ଛାମୃତ୍ୟୁ ( ପାସିଭ୍ ଇଉଥାନାସିଆ) ବା ପରୋକ୍ଷ ଇଚ୍ଛାମୃତ୍ୟୁ ପାଇଁ କୋର୍ଟ ଅନୁମତି ଦେଇଛନ୍ତି । ଅତ୍ୟନ୍ତ ସମ୍ମାନର ସହିତ ଏହି ପୁରା ପ୍ରକ୍ରିୟା କରାଯିବା ଆବଶ୍ୟକ ବୋଲି କହିଛନ୍ତି ସର୍ବୋଚ୍ଚ ନୟାଳୟ । ଏହାସହ ନିଷ୍କ୍ରିୟ ଇଚ୍ଛାମୃତ୍ୟୁ ଆଇନ ଆଣିବାକୁ କେନ୍ଦ୍ରକୁ ନିର୍ଦ୍ଦେଶ ଦେଇଛନ୍ତି ସର୍ବୋଚ୍ଚ ନୟାଳୟ ।
୨୦୧୮ ମସିହାରେ ସମ୍ମାନର ସହ ମରିବାର ଅଧିକାରକୁ ସ୍ୱୀକୃତି ମିଳିବା ପରେ ଏହା ହେଉଛି ପ୍ରଥମ ବ୍ୟକ୍ତିଗତ ମାମଲା ଯେଉଁଥିରେ କୋର୍ଟ ଏହି ନିର୍ଦ୍ଦେଶ ଦେଇଛନ୍ତି । ୨୦୧୩ ମସିହାରେ ଚଣ୍ଡିଗଡ଼ରେ ପାଠ ପଢୁଥିବା ସମୟରେ ହରିଶ୍ ଏକ କୋଠାର ଚତୁର୍ଥ ମହଲାରୁ ଖସି ପଡ଼ିଥିଲେ । ଏଥିରେ ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା । ସେବେଠାରୁ ସେ ସମ୍ପୂର୍ଣ୍ଣ ଅକ୍ଷମ ହୋଇ ବିଛଣାରେ ପଡ଼ିଥିଲେ । ସେ ନିଜେ ନିଶ୍ୱାସ ନେଇପାରୁ ନଥିଲେ କିମ୍ବା ଖାଇପାରୁ ନଥିଲେ । କେବଳ ପାଇପ୍ ସାହାଯ୍ୟରେ ତାଙ୍କୁ ବଞ୍ଚାଇ ରଖାଯାଇଥିଲା ।
କୋର୍ଟଙ୍କ ଦ୍ୱାରା ଗଠିତ ଡାକ୍ତରୀ ଟିମ କହିଥିଲେ ଯେ, ହରିଶଙ୍କ ସ୍ୱାସ୍ଥ୍ୟାବସ୍ଥାରେ ସୁଧାର ଆସିବା ଅସମ୍ଭବ । ହରିଶଙ୍କୁ ଦିଆଯାଉଥିବା କୃତ୍ରିମ ଖାଦ୍ୟ ଏବଂ ଚିକିତ୍ସା ବ୍ୟବସ୍ଥାକୁ ଧୀରେ ଧୀରେ ହଟାଇ ଦିଆଯାଉ । ଯାହାଫଳରେ ସେ ପ୍ରାକୃତିକ ଭାବେ ମୃତ୍ୟୁବରଣ କରିପାରିବେ ବୋଲି କୋର୍ଟ କହିଛନ୍ତି । ପୁଅ ବହୁତ କଷ୍ଟ ପାଉଥିବାରୁ ତାଙ୍କୁ ଏହି ଅତି ଦୟନୀୟ ଅବସ୍ଥାରୁ ମୁକ୍ତି ଦିଆଯାଉ ବୋଲି ହରିଶଙ୍କ ବୃଦ୍ଧ ପିତାମାତା ଏବଂ ଭାଇ କୋର୍ଟରେ ଗୁହାରି କରିଥିଲେ ।
ନିଷ୍କ୍ରିୟ ଇଚ୍ଛାମୃତ୍ୟୁ ମାମଲାର ରେ ଶୁଣାଇବାବେଳେ ସୁପ୍ରିମକୋର୍ଟଙ୍କ ରାୟର ଅନେକ ଦିଗକୁ ବିଚାର କରିଥିଲେ ଏହି ମାମଲାର ଶୁଣାଣି ସମୟରେ ବିଚାରପତି ଜେବି ପାରଦିୱାଲା ଏବଂ କେଭି ବିଶ୍ୱନାଥନଙ୍କ ଖଣ୍ଡପୀଠ ଅତ୍ୟନ୍ତ ଭାବପ୍ରବଣ ହୋଇପଡ଼ିଥିଲେ ।
