ରେପୋ ରେଟ୍ ଅପରିବର୍ତ୍ତିତ ,ବୃଦ୍ଧି ହେବ ନାହିଁ ଗୃହ ଋଣ ଏବଂ ଇଏମଆଇ

ନୂଆଦିଲ୍ଲୀ: ରେପୋ ରେଟ୍ ଅପରିବର୍ତ୍ତିତ ରଖିଲା ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ । ୫.୨୫ ପ୍ରତିଶତରେ ଅପରିବର୍ତ୍ତିତ ରହିଲା ରେପୋ ରେଟ୍ । RBIର ମନିଟାରୀ ପଲିସି କମିଟି ବୈଠକରେ ରେପୋ ରେଟ୍ କୁ ୫.୨୫% ରେ ଅପରିବର୍ତ୍ତିତ ରଖିବାକୁ ନିଷ୍ପତ୍ତି ନିଆଯାଇଛି । ଫଳରେ ଋଣ ମହଙ୍ଗା ହେବ ନାହିଁ ଏବଂ ଆପଣଙ୍କର ଇଏମଆଇ ମଧ୍ୟ ବୃଦ୍ଧି ପାଇବ ନାହିଁ । ଆଜି ମୁଦ୍ରା ନୀତି କମିଟି ବୈଠକରେ ନିଆଯାଇଥିବା ନିଷ୍ପତ୍ତି ବିଷୟରେ ଆରବିଆଇ ଗଭର୍ଣ୍ଣର ସଞ୍ଜୟ ମାଲହୋତ୍ରା ଏହି ସୂଚନା ଦେଇଛନ୍ତି ।

ରେପୋ ହାର ହେଉଛି ସେହି ହାର ଯେଉଁଥିରେ ବ୍ୟାଙ୍କଗୁଡ଼ିକ ଆରବିଆଇ ଠାରୁ ଟଙ୍କା ଋଣ ନିଅନ୍ତି। ଯେତେବେଳେ ଏହି ହାର ସ୍ଥିର ରହେ, ଆପଣଙ୍କର ଋଣ ଇଏମଆଇ ମଧ୍ୟ ସ୍ଥିର ରହେ। ଯଦି ଆପଣଙ୍କର ଋଣ ଫ୍ଲୋଟିଂ ହାରରେ ଅଛି, ତେବେ ଆପଣଙ୍କର ଇଏମଆଇ ଅପରିବର୍ତ୍ତିତ ରହିବ। ବର୍ତ୍ତମାନ ପାଇଁ, ଆପଣଙ୍କୁ ହାର ହ୍ରାସ ପାଇଁ ପରବର୍ତ୍ତୀ ପଲିସି ବର୍ଷ (ଏପ୍ରିଲ) ପର୍ଯ୍ୟନ୍ତ ଅପେକ୍ଷା କରିବାକୁ ପଡିବ।

ସେହିପରି STF ବା ଷ୍ଟାଣ୍ଡିଂ ଡିପୋଜିଟ୍ ଫାସିଲିଟି ୫ ପ୍ରତିଶତରେ ଅପରିବର୍ତ୍ତିତ ରହିଲା । MSF ବା ମାର୍ଜିନାଲ ଷ୍ଟାଣ୍ଡିଂ ଫାସିଲିଟି ହାର ଏବଂ ବ୍ୟାଙ୍କ ହାର ୫.୫ ପ୍ରତିଶତରେ ଅପରିବର୍ତ୍ତିତ ରହିଲା । ଏହା ସହିତ ଆରବିଆଇ ନିଜର ଆଭିମୁଖ୍ୟକୁ ନିଉଟ୍ରାଲ ରଖିଛି ।

 ଗଭର୍ଣ୍ଣର ସଞ୍ଜୟ ମାଲହୋତ୍ରା କହିଥିଲେ ଯେ ମୁଦ୍ରାସ୍ଫୀତି ହ୍ରାସ ପାଉଥିଲେ ମଧ୍ୟ, ଶସ୍ୟ ଏବଂ ପନିପରିବା ଭଳି ଖାଦ୍ୟ ସାମଗ୍ରୀର ମୂଲ୍ୟରେ ପରିବର୍ତ୍ତନ ଯୋଗୁଁ ସେ ଏପର୍ଯ୍ୟନ୍ତ କଟକଣାକୁ କୋହଳ କରିପାରିବେ ନାହିଁ। ଆରବିଆଇର ଲକ୍ଷ୍ୟ ହେଉଛି ମୁଦ୍ରାସ୍ଫୀତିକୁ ୪% ମଧ୍ୟରେ ରଖିବା।