ପଶ୍ଚିମବଙ୍ଗରେ ରତ୍ନା ଦେବନାଥ ଓ ଶୁଭେନ୍ଦୁ ଅଧିକାରୀ ଆଗୁଆ

ନୂଆଦିଲ୍ଲୀ: ପଶ୍ଚିମବଙ୍ଗରେ ବିଜେପି ସରକାର ଗଢିବା ଏକରକମ ସ୍ପଷ୍ଟ ହୋଇସାରିଛି । ଟିଏମସି କର୍ମୀ-ବିଜେପି କର୍ମୀଙ୍କ ମଧ୍ୟରେ ଚାଲିଛି ଛକାପଞ୍ଝା। ବିଜେପି ୨୦୦ସିଟ ରେ ଆଗୁଆ ରହିଥିବାବେଳେ ମମତାଙ୍କ ଟିଏମସି ୮୬କୁ ଖସି ଆସିଛି । ତଥାପି ବର୍ତ୍ତମାନ ସୁଦ୍ଧା ସମ୍ପୂର୍ଣ୍ଣ ଗଣନା ସରି ନଥିଲେ ମଧ୍ୟ ଦିଦିଙ୍କ ସରକାର ଗଢିବା ଆଶା ମଉଳି ଯାଇଛି । ତେବେ ପ୍ରଧାନମନ୍ତ୍ରୀ ମୋଦିଙ୍କର ଝାଲମୁଢି କମାଲ କଲା ବୋଲି ରାଜନୈତିକ ସମୀକ୍ଷକ ମାନେ ମତ ଦେଉଛନ୍ତି । 

ପଶ୍ଚିମବଙ୍ଗରେ ବିଶେଷକରିପାଣିହାଟି ବିଧାନସଭା ଆସନରେ ଏଥର ଏକ ଅତ୍ୟନ୍ତ ପ୍ରତିଦ୍ୱନ୍ଦ୍ୱିତାପୂର୍ଣ୍ଣ ନିର୍ବାଚନ ହେଉଛି। ପ୍ରାରମ୍ଭିକ ଟ୍ରେଣ୍ଡଗୁଡ଼ିକ ଏହି ଆସନକୁ ଚର୍ଚ୍ଚାରେ ରଖିଛି। ବିଜେପି ପ୍ରାର୍ଥୀ ରତ୍ନା ଦେବନାଥ ଆଗୁଆ ଅଛନ୍ତି। ପ୍ରାଥମିକ ଭୋଟ ଗଣତିରେ ପାଣିହାଟି ଆସନରୁ ବିଜେପି ପ୍ରାର୍ଥୀ ରତ୍ନା ଦେବନାଥ ପ୍ରାୟ ୩ ହଜାର ଭୋଟରେ ଆଗୁଆ ଅଛନ୍ତି । ରତ୍ନା ଦେବନାଥ ହେଉଛନ୍ତି ଆରଜି କର ମାମଲାରେ ପୀଡିତାଙ୍କ ମାଆ । ତଥାପି, ଭୋଟ ଗଣତି ଜାରି ରହିଥିବାରୁ ଏହି ଅଗ୍ରଣୀକୁ ସ୍ଥିର ବୋଲି ବିବେଚନା କରାଯାଇପାରିବ ନାହିଁ। ଏହି ନିର୍ବାଚନମଣ୍ଡଳୀର ନିର୍ବାଚନ କେବଳ ରାଜନୈତିକ ନଥିଲା। ବରଂ ଏହାର ଏକ ଗୁରୁତ୍ୱପୂର୍ଣ୍ଣ ଭାବପ୍ରବଣ ଦିଗ ମଧ୍ୟ ଥିଲା।ଏହି ଭାବପ୍ରବଣ ସମ୍ପର୍କକୁ ଆଧାର କରି ବିଜେପି ତାଙ୍କୁ ପ୍ରାର୍ଥୀ ଭାବରେ ବାଛିଥିଲା। ଯାହା ଲୋକଙ୍କ ମଧ୍ୟରେ ସହାନୁଭୂତି ଏବଂ ନ୍ୟାୟ ପାଇଁ ଦାବି ସୃଷ୍ଟି କରିଛି। ଅନ୍ୟପକ୍ଷରେ, ତୃଣମୂଳ କଂଗ୍ରେସ ପ୍ରାର୍ଥୀ ତୀର୍ଥଙ୍କର ମଧ୍ୟ ଦୃଢ଼ ଲଢ଼େଇ କରୁଛନ୍ତି। 

ସେହିପରି ଶ୍ଚିମବଙ୍ଗର ଭବାନୀପୁର ଏବଂ ନନ୍ଦିଗ୍ରାମ ଆସନ ଉପରେ ରହିଛି । ଭବାନୀପୁରରେ ମମତା ବାନାର୍ଜୀ ଏବଂ ବିଜେପି ପ୍ରାର୍ଥୀ ଶୁଭେନ୍ଦୁ ଅଧିକାରୀଙ୍କ ମଧ୍ୟରେ ଏକ କଡ଼ା ପ୍ରତିଦ୍ୱନ୍ଦ୍ୱିତା ହେଉଛି । ଟ୍ରେଣ୍ଡଗୁଡ଼ିକ ଦର୍ଶାଉଛି ଯେ ଶୁଭେନ୍ଦୁ ଅଧିକାରୀ କେତେବେଳେ ଆଗୁଆ ଅଛନ୍ତି ଏବଂ ମମତା ବାନାର୍ଜୀ ଅନ୍ୟ କେତେବେଳେ ଆଗୁଆ ଅଛନ୍ତି ।