ବହୁରାଷ୍ଟ୍ରୀୟ ନିଶା ଓ ହାୱଲା ରୢାକେଟ ଠାବ, ୫୦ ନାଇଜେରୀୟ ନାଗରିକ ଗିରଫ

ହାଇଦ୍ରାବାଦ: ଦିଲ୍ଲୀ କ୍ରାଇମ ବ୍ରାଞ୍ଚ ଏକ ବହୁରାଷ୍ଟ୍ରୀୟ ନାର୍କୋଟିକ୍ସ ନେଟୱର୍କ ବିରୋଧରେ ଦେଶବ୍ୟାପୀ ଏକ ସୁସଂଗଠିତ ଅପରେସନ୍‌ ଚଳାଇ ସଫଳପ୍ରଦ ଭାବେ ଏକ ବଡ଼ ଧରଣର ନିଶା ଓ ହାୱଲା ରୢାକେଟ୍‌ ଠାବ କରିଛି। ଉକ୍ତ ଘଟଣାରେ ନୋଡାଲ ଏଜେନ୍ସି ଭାବେ କାମ କରୁଥିବା ଦିଲ୍ଲୀ କ୍ରାଇମ ବ୍ରାଞ୍ଚ ମାସ ମାସର ଗୁଇନ୍ଦା ସୂଚନା ଠୁଳ କରିବାପରେ ଆରମ୍ଭ କରିଥିବା ଉକ୍ତ ଅପରେସନ୍‌ ଶେଷରେ ଦିଲ୍ଲୀରେ ୫୦ ନାଇେଜେରୀୟ ନାଗରିକଙ୍କୁ ଗିରଫ କରିବା ସହ ଶେଷ ହୋଇଛି। ନିଶା ଆଇନ କାର୍ଯ୍ୟକାରିତା ପାଇଁ ତେଲେଙ୍ଗାନା ପୁଲିସର ଏକ ନିର୍ଦ୍ଦିଷ୍ଟ ଗୋଷ୍ଠୀ ସମେତ ନଏଡ଼ା, ଭାଇଜାଗ ଏବଂ ଗ୍ବାଲିୟର ପୁଲିସ ଟିମ୍‌ ସହଯୋଗରେ ଏହି ସଫଳତା ମିଳିଛି । ଅତ୍ୟନ୍ତ ଅପ୍ରତ୍ୟାଶିତ ଭାବେ ଏହି ମାମଲାର ତଦନ୍ତ କରାଯାଇଛି। ତେଲେଙ୍ଗାନା ଇଗଲ ଫୋର୍ସ ଦିଲ୍ଲୀକୁ ୧୨୦ ସଦସ୍ୟ ବିଶିଷ୍ଟ ଏକ ଟିମ୍‌ ପଠାଇଥିଲା। ସେମାନେ ୨ଟି ସ୍ବତନ୍ତ୍ର ରେଳ ବଗିରେ ଆସି ଦିଲ୍ଲୀ ପହଞ୍ଚିଥିଲେ। ଗୁଇନ୍ଦା, ସର୍ଭେଲାନ୍ସ ଏବଂ ଚଢ଼ଉ କାମରେ ସହଯୋଗ କରିବାପାଇଁ ସେମାନେ କିଛି ସପ୍ତାହ ଦିଲ୍ଲୀରେ ରହିଥିଲେ। ତଦନ୍ତ ପ୍ରକ୍ରିୟାରୁ ଜଣାପଡ଼ିଛି ଯେ ଏହି ରୢାକେଟ ଦିଲ୍ଲୀରୁ ହାଇଦ୍ରାବାଦ, ବେଙ୍ଗାଲୁରୁ, ଗୋଆ ଏବଂ କେରଳ ଭଳି ପ୍ରମୁଖ ସହର ପର୍ଯ୍ୟନ୍ତ ବ୍ୟାପିଛି। ମେଥାମଫେଟାମାଇନ ଏବଂ କୋକେନ ଭଳି ଉଚ୍ଚ ମୂଲ୍ୟର ସିନ୍ଥେଟିକ୍‌ ଡ୍ରଗ୍ସ ଯୋଗାଣ କରାଯାଉଥିଲା। ତଦନ୍ତକାରୀ ଦଳ ଜାଣିବାକୁ ପାଇଛନ୍ତି ଯେ ପ୍ରାୟ ୨ ହଜାର ଲୋକଙ୍କୁ କୋରିୟରରେ ଡ୍ରଗ୍ସ ଯୋଗାଣ କରାଯାଉଥିବା ଜଣାପଡ଼ିଛି।