କାର୍ଗିଲ୍ରେ ପ୍ରଥମ ପୋଷ୍ଟ ଅଫିସ୍ ପାସପୋର୍ଟ ସେବା କେନ୍ଦ୍ର ଆରମ୍ଭ
ଲଦାଖ :ଲଦାଖର କାର୍ଗିଲ୍ରେ ବୁଧବାର ପ୍ରଥମ ପୋଷ୍ଟ ଅଫିସ୍ ପାସପୋର୍ଟ ସେବା କେନ୍ଦ୍ର ଉଦ୍ଘାଟିତ ହୋଇଛି। ଏହା ଦ୍ୱାରା ସ୍ଥାନୀୟ ବାସିନ୍ଦାମାନେ ପାସପୋର୍ଟ ସମ୍ବନ୍ଧୀୟ ସେବା ସହଜରେ ପାଇପାରିବେ ବୋଲି ଅଧିକାରୀମାନେ କହିଛନ୍ତି। ବୈଦେଶିକ ବ୍ୟାପାର ଏବଂ ପରିବେଶ, ବନ ଓ ଜଳବାୟୁ ପରିବର୍ତ୍ତନ ମନ୍ତ୍ରଣାଳୟର ରାଜ୍ୟମନ୍ତ୍ରୀ କୀର୍ତ୍ତି ବର୍ଦ୍ଧନ ସିଂହ ଏହି କେନ୍ଦ୍ରର ଉଦ୍ଘାଟନ କରିଥିଲେ। ଏହି ଅବସରରେ ଲଦାଖର ଉପରାଜ୍ୟପାଳ ଭି. କେ. ସକ୍ସେନା ଏବଂ ସାଂସଦ ମହମଦ ହନିଫା ଜାନ୍ ଉପସ୍ଥିତ ଥିଲେ। ଡାକ ବିଭାଗ ଏବଂ ପାସପୋର୍ଟ ସେବା ମଧ୍ୟରେ ହୋଇଥିବା ବୁଝାମଣାପତ୍ର ଅଧୀନରେ ଏହା ପ୍ରତିଷ୍ଠା କରାଯାଇଛି। ଉଦ୍ଦେଶ୍ୟ ହେଉଛି ଭୌଗୋଳିକ ଦୃଷ୍ଟିରୁ ଦୁର୍ଗମ ଏବଂ ଚ୍ୟାଲେଞ୍ଜିଙ୍ଗ୍ ଅଞ୍ଚଳ ଲଦାଖର ଲୋକମାନଙ୍କ ନିକଟରେ ନାଗରିକ-କେନ୍ଦ୍ରିକ ପାସପୋର୍ଟ ସେବା ସହଜରେ ପହଞ୍ଚାଇବା। ଏହା ଫଳରେ ଦୂର ଅଞ୍ଚଳର ଲୋକମାନଙ୍କୁ ପାସପୋର୍ଟ ସମ୍ବନ୍ଧୀୟ କାମ ପାଇଁ ଅଧିକ ଦୂର ଯିବାକୁ ପଡ଼ିବ ନାହିଁ।
Tags:
