ପ୍ରବଳ ବର୍ଷାରେ ଦିଲ୍ଲୀ-ଏନସିଆର ଜଳମଗ୍ନ, ରାସ୍ତା ଓ ବଜାରରେ ପାଣି ଜମି ଯାତାୟାତ ବ୍ୟାହତ
ନୂଆଦିଲ୍ଲୀ : ମଙ୍ଗଳବାର ଦିଲ୍ଲୀ ଏବଂ ଜାତୀୟ ରାଜଧାନୀ ଅଞ୍ଚଳରେ ପ୍ରବଳ ବର୍ଷା ଯୋଗୁ ରାସ୍ତା ଓ ବଜାରଗୁଡ଼ିକ ଜଳମଗ୍ନ ହୋଇପଡ଼ିଛି। ଏହା ଫଳରେ ଯାତାୟାତ ବ୍ୟବସ୍ଥା ଗୁରୁତର ଭାବେ ପ୍ରଭାବିତ ହୋଇଛି। ଏହି ପରିସ୍ଥିତି ମଧ୍ୟରେ ଭାରତୀୟ ପାଣିପାଗ ବିଭାଗ ଅଧିକ ବର୍ଷାର ସମ୍ଭାବନା ଦର୍ଶାଇ ସର୍ବୋଚ୍ଚ ସ୍ତରର ରେଡ୍ ଆଲର୍ଟ ଜାରି କରିଛି। ଦିଲ୍ଲୀରେ ଏହି ସପ୍ତାହ ସାରା ଅଧିକ ବର୍ଷା ହେବାର ସମ୍ଭାବନା ରହିଛି। ଆଇଟିଏ ଛକ, ଦିଲ୍ଲୀ-ମେରଠ ଏକ୍ସପ୍ରେସୱେ, ସାଉଥ୍ ଏକ୍ସଟେନ୍ସନ୍, ନିଜାମୁଦ୍ଦିନ, ଗାଜିପୁର ସୀମା, ଆଉଟର ରିଙ୍ଗ ରୋଡ୍, ଆର୍.କେ. ଆଶ୍ରମ ମାର୍ଗ, ଝଣ୍ଡେୱାଲାନ ଏବଂ ରାଣୀ ଝାନ୍ସୀ ରୋଡ୍ ଭଳି ଅଞ୍ଚଳରେ ଜଳବନ୍ଦୀ ଦେଖାଯାଇଛି। ଏହା ଫଳରେ ଦୀର୍ଘ ଟ୍ରାଫିକ୍ ଜାମ୍ ସୃଷ୍ଟି ହୋଇ ଯାତ୍ରୀମାନେ ଅସୁବିଧାର ସମ୍ମୁଖୀନ ହୋଇଛନ୍ତି। ଆଇଏମ୍ଡି ଅନୁଯାୟୀ ମଙ୍ଗଳବାର ସକାଳ ୮:୩୦ ପର୍ଯ୍ୟନ୍ତ ପୂର୍ବ ୨୪ ଘଣ୍ଟାରେ ୨୪.୪ ମିଲିମିଟର ବର୍ଷା ରେକର୍ଡ ହୋଇଥିଲା। ଏହା ପରେ ପରବର୍ତ୍ତୀ ତିନି ଘଣ୍ଟାରେ ଆଉ ୪.୪ ମିଲିମିଟର ବର୍ଷା ହୋଇଥିଲା। ପାଣିପାଗ ବିଶେଷଜ୍ଞ ନବଦୀପ ଦହିୟା କହିଛନ୍ତି ଯେ ବର୍ଷା ଆହୁରି ତୀବ୍ର ହେବାର ସମ୍ଭାବନା ରହିଛି। ସେ କହିଛନ୍ତି ପ୍ରବଳ ବର୍ଷାରେ ଦିଲ୍ଲୀ-ଏନ୍ସିଆର ଜଳମଗ୍ନ, ରାସ୍ତା ଓ ବଜାରରେ ପାଣି ଜମି ଯାତାୟାତ ବ୍ୟାହତ ହୋଇଛି। ମଙ୍ଗଳବାର ଦିଲ୍ଲୀ ଏବଂ ଜାତୀୟ ରାଜଧାନୀ ଅଞ୍ଚଳରେ ପ୍ରବଳ ବର୍ଷା ଯୋଗୁ ରାସ୍ତା ଓ ବଜାରଗୁଡ଼ିକ ଜଳମଗ୍ନ ହୋଇପଡ଼ିଛି। ଏହା ଫଳରେ ଯାତାୟାତ ବ୍ୟବସ୍ଥା ଗୁରୁତର ଭାବେ ପ୍ରଭାବିତ ହୋଇଛି। ଏହି ପରିସ୍ଥିତି ମଧ୍ୟରେ ଭାରତୀୟ ପାଣିପାଗ ବିଭାଗଅଧିକ ବର୍ଷାର ସମ୍ଭାବନା ଦର୍ଶାଇ ସର୍ବୋଚ୍ଚ ସ୍ତରର ରେଡ୍ ଆଲର୍ଟ ଜାରି କରିଛି। ଦିଲ୍ଲୀରେ ଏହି ସପ୍ତାହ ସାରା ଅଧିକ ବର୍ଷା ହେବାର ସମ୍ଭାବନା ରହିଛି।
