ସମସ୍ତଙ୍କୁ ପଛରେ ପକାଇଲା ଗୁଲଶନ କୁମାରଙ୍କ ହନୁମାନ ଚାଳିଶା

ମୁମ୍ବାଇ : ସୋସିଆଲ ମିଡିଆରେ ଇତିହାସ ରଚିଲା ଭକ୍ତିଗୀତ ସମ୍ରାଟ ଗୁଲଶନ କୁମାରଙ୍କ 'ହନୁମାନ ଚାଳିଶା' କ୍ୟାସେଟ୍ ଯୁଗ ଥିବା ସମୟରେ ଗୁଲଶନ କୁମାରଙ୍କ ଅନେକ ଗୀତ ହିଟ୍ ହୋଇଥିଲା । ସେତେବେଳେ  ଘରେ ଘରେ ରାମାୟଣ , ମହାଭାରତ ସହିତ ଟି-ସିରିଜ୍ କମ୍ପାନୀ ପକ୍ଷରୁ ହନୁମାନ ଚାଳିଶାକୁ ସ୍ବରରେ ଶ୍ରୋତାଗଣଙ୍କ ପାଖକୁ ପହଞ୍ଚାଇଥିଲେ ଗାୟକ ଗୁଲଶନ କୁମାର । ତେବେ ବର୍ତ୍ତମାନ ଏହି ଭକ୍ତି ଗୀତ ଇତିହାସ ସୃଷ୍ଟି କରିଛି । ହନୁମାନ ଚାଳିଶା ଭଜନ ସର୍ବକାଳୀନ ସର୍ବାଧିକ ଦେଖାଯାଇଥିବା ଭିଡିଓ ତାଲିକାରେ ସ୍ଥାନ ପାଇଛି । ପ୍ରତିଦିନ ଏହାର ଭ୍ୟୁ ସଂଖ୍ୟା ବଢୁଛି । ଏହି ଭିଡିଓ YouTube ରେ ସର୍ବକାଳୀନ ଶ୍ରେଷ୍ଠ ୧୦ ସର୍ବାଧିକ ଦେଖାଯାଇଥିବା ଭିଡିଓ ତାଲିକାରେ ପ୍ରବେଶ କରିଛି । YouTubeରେ ହନୁମାନ ଚାଳିଶାର ଭ୍ୟୁ ୫ ବିଲିୟନରେ ପହଞ୍ଚିବା ଖବର ସୋସିଆଲ ମିଡିଆ ୟୁଜରଙ୍କ ମନ କିଣିନେଇଛି ।

ହନୁମାନ ଚାଳିଶା ବଲିଉଡ୍, ପଞ୍ଜାବୀ ଏବଂ ଅନ୍ୟ ସୁପରଷ୍ଟାରଙ୍କ ଗୀତକୁ ବି ପଛରେ ପକାଇ ଦେଇଛି । ହନୁମାନ ଚାଳିଶା ଏହି ସଫଳତା ହାସଲ କରିବାରେ ଭାରତର ଏକମାତ୍ର ଭିଡିଓ ପାଲଟିଛି । ଏହି ଭିଡିଓ YouTube ରେ ସର୍ବକାଳୀନ ଶ୍ରେଷ୍ଠ ୧୦ ସର୍ବାଧିକ ଦେଖାଯାଇଥିବା ଭିଡିଓ ତାଲିକାରେ ପ୍ରବେଶ କରିଛି ।

ହରିହରନଙ୍କ ଦ୍ୱାରା କଣ୍ଠିତ ଏବଂ ଲଳିତ ସେନଙ୍କ ଦ୍ୱାରା ରଚିତ ଶ୍ରୀ ହନୁମାନ ଚାଳିଶା ବିଶ୍ୱର ଲକ୍ଷ ଲକ୍ଷ ଲୋକଙ୍କ ପାଇଁ ବିଶ୍ୱାସ, ଶକ୍ତି ଏବଂ ଆଧ୍ୟାତ୍ମିକ ସଂଯୋଗର ଉତ୍ସ ହୋଇଛି । ଟି-ସିରିଜର ଏହି ଭିଡିଓଟି ଶମ୍ଭୁ ଗୋପାଳଙ୍କ ଦ୍ୱାରା ନିର୍ଦ୍ଦେଶିତ ।

ଏହି ଅବସରରେ ଟି-ସିରିଜର ପରିଚାଳନା ନିର୍ଦ୍ଦେଶକ ଭୂଷଣ କୁମାର କୃତଜ୍ଞତା ପ୍ରକାଶ କରି କହିଛନ୍ତି, "ହନୁମାନ ଚାଳିଶା ମୋ ସମେତ ଲକ୍ଷ ଲକ୍ଷ ଲୋକଙ୍କ ହୃଦୟରେ ଏକ ସ୍ୱତନ୍ତ୍ର ସ୍ଥାନ ଅଧିକାର କରିଛି ।  ମୋ ବାପା ଗୁଲଶନ କୁମାର ପ୍ରତିଟି ଘରେ ଆଧ୍ୟାତ୍ମିକ ସଙ୍ଗୀତ ପହଞ୍ଚାଇବା ପାଇଁ ତାଙ୍କ ଜୀବନ ଉତ୍ସର୍ଗ କରିଥିଲେ ଏବଂ ଏହି ସଫଳତା ତାଙ୍କର ଦୃଷ୍ଟିକୋଣକୁ ଦେଖାଏ ।  ୫ ବିଲିୟନ ଭ୍ୟୁ ଅତିକ୍ରମ କରିବା ଏବଂ YouTube ରେ ସର୍ବାଧିକ ଦେଖାଯାଇଥିବା ୧୦ ଟି ଭିଡିଓ ମଧ୍ୟରେ ସ୍ଥାନ ପାଇବା କେବଳ ଏକ ଡିଜିଟାଲ୍ ସଫଳତା ନୁହେଁ; ଏହା ଲୋକଙ୍କ ଅଟଳ ଭକ୍ତିକୁ ପ୍ରତିଫଳିତ କରେ ।" ଭାରତରେ ଶ୍ରୀ ହନୁମାନ ଚାଳିଶାର ସଂଖ୍ୟା ଆଉ କେଉଁ ସଙ୍ଗୀତ ପାଖାପାଖି ପହଞ୍ଚି ପାରିନାହିଁ  ।

ପରବର୍ତ୍ତୀ ସର୍ବାଧିକ ଦେଖାଯାଇଥିବା ଭିଡିଓ ହେଉଛି ପଞ୍ଜାବୀ ଟ୍ରାକ୍ 'ଲେହେଙ୍ଗା' ଯାହାର ଭ୍ୟୁ ୧.୮ ବିଲିୟନ ।  ହରିୟାଣା ଗୀତ '୫୨ ଗଜ୍ କା ଦମନ' ଏବଂ ତାମିଲ୍ ଗୀତ 'ରାଉଡି ବେବି' ର ୧.୭ ବିଲିୟନ ଭ୍ୟୁ ହୋଇଛି । ଶୀର୍ଷ ତାଲିକାରେ ଥିବା ଅନ୍ୟାନ୍ୟ ଲୋକପ୍ରିୟ ଭାରତୀୟ ଭିଡିଓଗୁଡ଼ିକ ମଧ୍ୟରେ 'ଜରୁରି ଥା, ୱାସ୍ତେ, ଲୌଙ୍ଗ ଲାଚି, ଲୁଟ୍ ଗୟେ, ଦିଲବର ଏବଂ ବମ୍ ବମ୍ ବୋଲେ' ସାମିଲ୍ ରହିଛି ।  ଯଦି ବିଶ୍ୱସ୍ତରରେ କଥା କହିବା ତେବେ ତାଲିକାର ଶୀର୍ଷରେ 'ବେବି ସାର୍କ ଡ୍ୟାନ୍ସ' 'ଡେସ୍ପାସିଟୋ' , 'ହ୍ୱିଲ୍ସ ଅନ୍ ଦ ବସ୍' , 'ବାଥ୍ ସଂଗ' ଏବଂ 'ଜନି ଜନି ୟେସ୍ ପାପା' ଭଳି ଭିଡିଓ ରହିଛି  ।