ମୁମ୍ବାଇ :  ମଧ୍ୟପ୍ରଦେଶର ଜବଲପୁରରେ ବର୍ଗି ଡ୍ୟାମ୍‌ରେ ହୋଇଥିବା ଦୁର୍ଘଟଣାରେ ନିଖୋଜ ଥିବା ଜଣେ ବ୍ୟକ୍ତି ଏବଂ ତିନି ଜଣ ଶିଶୁଙ୍କୁ ଖୋଜିବା ପାଇଁ ସେନା ଡାଇଭର ଏବଂ ବିପର୍ଯ୍ୟୟ ମୁକାବିଲା ଦଳ ଶନିବାର ସେମାନଙ୍କ ସର୍ଚ୍ଚ ଅପରେସନ୍‌ ଜୋରଦାର କରିଛନ୍ତି।  ଦୁର୍ଘଟଣା ଯୋଗୁ ନର୍ମଦା ନଦୀରେ ବୁଡ଼ି ଯାଇଥିବା ୪୧ ଜଣ ପର୍ଯ୍ୟଟକଙ୍କ ମଧ୍ୟରୁ ୨୮ ଜଣଙ୍କୁ  ସୁରକ୍ଷିତ ଭାବରେ ଉଦ୍ଧାର କରାଯାଇଛି। ପୋଲିସ ଗୁରୁବାର ସନ୍ଧ୍ୟାରେ ଜବଲପୁର ଜିଲ୍ଲାର ଜଳଭଣ୍ଡାରରେ ଘଟିଥିବା ଦୁର୍ଘଟଣା ସଂକ୍ରାନ୍ତରେ ଏକ ଏତଲା ରୁଜୁ କରିଛି।  ନର୍ମଦା ନଦୀର ତଳମୁଣ୍ଡରେ ଅବସ୍ଥିତ ବର୍ଗୀ ଡ୍ୟାମ୍ ର ପଛପାଖରେ ସନ୍ଧାନ ପରିସର ୫ କିଲୋମିଟର ପର୍ଯ୍ୟନ୍ତ ବିସ୍ତାର କରାଯାଇଛି ବୋଲି ଏସ୍‌ଡିଓପି ଅଞ୍ଜୁଲ୍ ଆୟଙ୍କ ମିଶ୍ର କହିଛନ୍ତି। ଘଟଣାରେ ୯ ଜଣ ବୁଡ଼ି ଯାଇଥିବାବେଳେ ୨୮ ଜଣଙ୍କୁ ଉଦ୍ଧାର କରାଯାଇଛି ଏବଂ ନିଖୋଜ ବ୍ୟକ୍ତିଙ୍କୁ ଖୋଜିବା ପାଇଁ ପ୍ରୟାସ ଜାରି ରହିଛି। ପୋଲିସ ସୂଚନା ଅନୁଯାୟୀ, ଆଗ୍ରାରୁ ବିମାନରେ ନିଆଯାଇଥିବା ପ୍ରାୟ ୨୦ ଜଣ ସେନା ବୁଡ଼ାଳିଙ୍କ ସମେତ ୨୦୦  ରୁ ଅଧିକ ଉଦ୍ଧାରକାରୀ ଶନିବାର ସକାଳ ୫ ଟାରେ ଖମାରିଆର ଅର୍ଡନାନ୍ସ ଫ୍ୟାକ୍ଟ୍ରିର କର୍ମଚାରୀ କାମରାଜ, ତାଙ୍କ ପୁଅ ତାମିଲ (୫), ବିଜୟ ସୋନି (୬) ଏବଂ ମୟୂରାମ (୫)ଙ୍କୁ ଖୋଜିବା ପାଇଁ ସନ୍ଧାନ ଅଭିଯାନ ଆରମ୍ଭ କରିଥିଲେ।