ପାକିସ୍ତାନକୁ ଔକାତ ଦେଖାଇଲା ଆମେରିକା

ନୂଆଦିଲ୍ଲୀ : ଆମେରିକାର ସୁରକ୍ଷା ଯୋଜନାରେ ପାକିସ୍ତାନ ଏକ ସାଧାରଣ ବ୍ୟକ୍ତିତ୍ୱ ଥିଲା । ତଥାପି ଅସୀମ ମୁନୀରଙ୍କ ହ୍ୱାଇଟ୍ ହାଉସ୍ ଅଭିଯାନ ଡୋନାଲ୍ଡ ଟ୍ରମ୍ପଙ୍କୁ ପ୍ରଭାବିତ କରିବାରେ ବିଫଳ ହୋଇଛି । ଏହି ସପ୍ତାହରେ ପ୍ରକାଶିତ ଜାତୀୟ ସୁରକ୍ଷା ରଣନୀତି ବା ଘଝଝ ୨୦୨୫ ରେ ପାକିସ୍ତାନର କେବଳ ଗୋଟିଏ ଉଲ୍ଲେଖ ଅଛି । ଯାହା ଟ୍ରମ୍ପଙ୍କ ୨୦୧୭ ରଣନୀତିରୁ ପ୍ରତ୍ୟାବର୍ତ୍ତନ । ଆତଙ୍କବାଦୀ ସଂଗଠନକୁ ନିରାପଦ ଆଶ୍ରୟସ୍ଥଳ ପ୍ରଦାନ କରିବା ପାଇଁ ପାକିସ୍ତାନକୁ ବାରମ୍ବାର ସମାଲୋଚନା କରାଯାଇଥିଲା । ଏହି ବର୍ଷର ଡକ୍ୟୁମେଣ୍ଟ ସେହି ପ୍ରସଙ୍ଗଗୁଡିକୁ ପୁନର୍ବାର ଆଲୋଚନା କରେ ନାହିଁ । ପାକିସ୍ତାନର ଉଲ୍ଲେଖ କେବଳ ମେ ୨୦୨୫ରେ ଭାରତ ସହିତ ହୋଇଥିବା ସଂଘର୍ଷ ପରିପ୍ରେକ୍ଷୀରେ କରାଯାଇଛି । ଯେଉଁଥିରେ ଟ୍ରମ୍ପ ଯୁଦ୍ଧବିରତି ମଧ୍ୟସ୍ଥତା କରିଥିବା ଦାବି କରିଥିଲେ । ଆମେରିକାର ଜାତୀୟ ସୁରକ୍ଷା ରଣନୀତି ବା ଘଝଝ ୨୦୨୫ରୁ ପାକିସ୍ତାନ ପ୍ରାୟତଃ ଅଦୃଶ୍ୟ ହୋଇଯାଇଛି । ଏହି ସୁରକ୍ଷା ପ୍ରଶାସନ ଦ୍ୱାରା ଜାରି କରାଯାଇଛି । ଯାହାର ପାକିସ୍ତାନ ସାମରିକ ନେତୃତ୍ୱ ସହିତ ବହୁତ ଭଲ ସମ୍ପର୍କ ରହିଛି । ଏହାକୁ ପାକିସ୍ତାନ ଏବଂ ପାକିସ୍ତାନ ଫିଲ୍ଡ ମାର୍ଶାଲ ଅସୀମ ମୁନୀରଙ୍କ ପାଇଁ ଏକ ବଡ ଆଘାତ ବୋଲି ବିବେଚନା କରାଯାଉଛି । ଟ୍ରମ୍ପଙ୍କ ରାଷ୍ଟ୍ରପତି ଭାବରେ ଦ୍ୱିତୀୟ କାର୍ଯ୍ୟକାଳ ପରେ ମୁନୀର ଦୁଇ ଥର ହ୍ୱାଇଟ୍ ହାଉସ୍ ଗସ୍ତ କରିଥିଲେ । ଏହାକୁ ପାକିସ୍ତାନ ଏବଂ ଆମେରିକା ସମ୍ପର୍କରେ ଏକ ମାଇଲଖୁଣ୍ଟ ଭାବରେ ବର୍ଣ୍ଣନା କରାଯାଇଥିଲା । କିନ୍ତୁ ନୂତନ ସୁରକ୍ଷା ଡକ୍ୟୁମେଣ୍ଟ ଏହି ଦାବିଗୁଡିକୁ ଖଣ୍ଡନ କରିଛି । ଘଝଝ ଅନୁଯାୟୀ ରାଷ୍ଟ୍ରପତି ଟ୍ରମ୍ପ ବ୍ୟକ୍ତିଗତ ଭାବରେ ଭାରତ ଏବଂ ପାକିସ୍ତାନ ମଧ୍ୟରେ ମେ ୨୦୨୫ରେ ହୋଇଥିବା ବିବାଦର ଅନ୍ତ ଘଟାଇଥିବା ଶାନ୍ତି ପ୍ରକ୍ରିୟା ପାଇଁ ଆଲୋଚନା କରିଥିଲେ । ପହଲଗାମ ଆତଙ୍କବାଦୀ ଆକ୍ରମଣ ପରେ ଚାରି ଦିନର ସୀମିତ ଯୁଦ୍ଧ ପରେ ଦୁଇ ଦେଶ ମଧ୍ୟରେ ହୋଇଥିବା ଯୁଦ୍ଧବିରତିକୁ ୱାଶିଂଟନ ପାଇଁ ଏକ କୂଟନୈତିକ ସଫଳତା ଭାବରେ ବର୍ଣ୍ଣନା କରାଯାଇଛି । ପହଲଗାମ ଆତଙ୍କବାଦୀ ଆକ୍ରମଣ ଜବାବରେ ଭାରତ ପାକିସ୍ତାନରେ ଅନେକ ଆତଙ୍କବାଦୀ ଶିବିରକୁ ଟାର୍ଗେଟ କରିଥିଲା । ଯାହାପରେ ପାକିସ୍ତାନ ଭାରତୀୟ ସେନା ଉପରେ ଆକ୍ରମଣ କରିବାକୁ ବିଫଳ ହୋଇଥିଲା । ଏହି ସମୟ ମଧ୍ୟରେ ଗୋଟିଏ ବି ପାକିସ୍ତାନୀ କ୍ଷେପଣାସ୍ତ୍ର କିମ୍ବା ଡ୍ରୋନ୍ ଭାରତୀୟ ଅଞ୍ଚଳରେ ପ୍ରବେଶ କରିନଥିଲେ । ତଥାପି ଭାରତ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ୱାରା କରାଯାଇଥିବା ଅସ୍ତ୍ରବିରତି ଦାବିକୁ ନିରନ୍ତର ପ୍ରତ୍ୟାଖାନ କରିଆସିଛି । ଭାରତ ସବୁବେଳେ କହିଆସିଛି ଯେ ପାକିସ୍ତାନ ସହିତ ସଂଘର୍ଷରେ କୌଣସି ବିଦେଶୀ ଶକ୍ତି ହସ୍ତକ୍ଷେପ କରିନାହିଁ । ସେମାନେ ଜୋର ଦେଇଛନ୍ତି ଯେ ଅସ୍ତ୍ରବିରତି ସିଧାସଳଖ ଦୁଇ ଦେଶର ସେନା ମଧ୍ୟରେ ହୋଇଥିଲା । ଭାରତୀୟ ବୈଦେଶିକ ମନ୍ତ୍ରଣାଳୟ ପୂର୍ବ ବ୍ରିଫିଂରେ କହିଛି ଯେ କୌଣସି ପର୍ଯ୍ୟାୟରେ କୌଣସି ତୃତୀୟ ପକ୍ଷର ସମ୍ପୃକ୍ତି ନଥିଲା । ଏହି ପ୍ରସଙ୍ଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ସଂସଦରେ ଏକ ବିବୃତ୍ତି ଦେଇଥିଲେ ।