ବାଂଲାଦେଶରେ ହିନ୍ଦୁ ଯୁବକଙ୍କୁ ହତ୍ୟା ଘଟଣାରେ ୭ ଗିରଫ
ଢାକା : ବାଂଲାଦେଶ ସରକାରଙ୍କ ମୁଖ୍ୟ ପରାମର୍ଶଦାତା ଶନିବାର କହିଛନ୍ତି ଯେ ଈଶ୍ୱର ନିନ୍ଦା ଅଭିଯୋଗରେ ଦୀପୁ ଦାସ ନାମକ ଜଣେ ହିନ୍ଦୁ ବ୍ୟକ୍ତିଙ୍କୁ ପିଟିପିଟି ହତ୍ୟା ମାମଲାରେ ରାପିଡ୍ ଆକ୍ସନ୍ ବାଟାଲିଅନ୍ ସାତ ସନ୍ଦିଗ୍ଧଙ୍କୁ ଗିରଫ କରିଛି। ମୈମନସିଂର ଭାଲୁକାରେ ସନାତନ ଧର୍ମ ପାଳନକାରୀ ଯୁବକ ଦୀପୁ ଚନ୍ଦ୍ର ଦାସ (୨୭)ଙ୍କୁ ପିଟି ପିଟି ହତ୍ୟା କରିବା ଘଟଣାରେ, ରାପିଡ୍ ଆକ୍ସନ୍ ବାଟାଲିଅନ୍ (ଆରଏବି) ସାତ ଜଣଙ୍କୁ ସନ୍ଦିଗ୍ଧ ଭାବରେ ଗିରଫ କରିଛି। ଗିରଫ ବ୍ୟକ୍ତିମାନେ ହେଉଛନ୍ତି - ମହମ୍ମଦ ଲିମନ ସରକାର (୧୯), ମହମ୍ମଦ ତାରେକ୍ ହୋସେନ୍, ମହମ୍ମଦ ମାଣିକ୍ ମିୟା, ୪ ଏରଶାଦ ଅଲି (୩୯), ନିଜୁମ୍ ଉଦ୍ଦିନ୍ (୨୦), ଆଲୋମଗିର୍ ହୋସେନ୍ ଏବଂ ମହମ୍ମଦ ମିରାଜ ହୋସେନ୍ ଆକନ୍। ଆରଏବି-୧୪ ବିଭିନ୍ନ ସ୍ଥାନରେ ଅପରେସନ୍ କରିଥିଲା ଏବଂ ଉପରୋକ୍ତ ସନ୍ଦିଗ୍ଧମାନଙ୍କୁ ଗିରଫ କରିଥିଲା ବୋଲି ମୁଖ୍ୟ ପରାମର୍ଶଦାତା ଏକ୍ସରେ ଲେଖିଛନ୍ତି। ଅନ୍ୟପକ୍ଷେ ମହମ୍ମଦ ୟୁନୁସଙ୍କ ନେତୃତ୍ୱରେ ବାଂଲାଦେଶର ମଧ୍ୟବର୍ତ୍ତୀକାଳୀନ ସରକାର ପୂର୍ବରୁ ଗାର୍ମେଣ୍ଟ କର୍ମଚାରୀଙ୍କ ହତ୍ୟା ଏବଂ ମୃତ୍ୟୁକୁ ନିନ୍ଦା କରିଥିଲେ। ୟୁନୁସ ସରକାର ଏକ ବିବୃତିରେ କହିଛନ୍ତି ଯେ ନୂତନ ବାଂଲାଦେଶ"ରେ ଭିଡ଼ ହିଂସାର ସ୍ଥାନ ନାହିଁ। ଏହି ଘଟଣାରେ ସମ୍ପୃକ୍ତ ବ୍ୟକ୍ତିମାନଙ୍କୁ ଆଇନ ଦୃଷ୍ଟିରୁ ଛଡ଼ାଯିବ ନାହିଁ ବୋଲି ୟୁନୁସ ସରକାର କହିଛନ୍ତି।
