ହର୍ମୁଜ୍ରେ ଜାହାଜକୁ ସୁରକ୍ଷା ଦେବା ପାଇଁ ଫ୍ରାନ୍ସ ନିୟୋଜିତ କଲା ମାଇନ୍ସ ହଟାଇବା ଯୁଦ୍ଧପୋତ
ପ୍ୟାରିସ: ମଧ୍ୟପ୍ରାଚ୍ୟରେ ବଢୁଥିବା ଉତ୍ତେଜନାକୁ ଦୃଷ୍ଟିରେ ରଖି ଏବଂ ସାମୁଦ୍ରିକ ବାଣିଜ୍ୟର ସୁରକ୍ଷା ସୁନିଶ୍ଚିତ କରିବା ପାଇଁ, ଫ୍ରାନ୍ସ ହର୍ମୁଜ୍ ପ୍ରଣାଳୀରେ ନିଜର ମାଇନ୍ ସଫାକାରୀ ମାଇନ୍ କାଉଣ୍ଟରମେଜର୍ସ ଆସେଟ୍ସ ନିୟୋଜିତ କରିଛି । ଫ୍ରାନ୍ସ ରାଷ୍ଟ୍ରପତି ଇମାନୁଏଲ୍ ମାକ୍ରନ୍ ସୋସିଆଲ ମିଡିଆ ଏକ୍ସରେ ଘୋଷଣା କରିଛନ୍ତି ଯେ, ଦୁଇଟି ମାଇନ୍ ହଣ୍ଟର, ଦୁଇଟି ଫ୍ରିଗେଟ୍ ଏବଂ ଗୋଟିଏ ସାମୁଦ୍ରିକ ପାଟ୍ରୋଲ୍ ବିମାନ ହର୍ମୁଜ୍ ପ୍ରଣାଳୀକୁ ପଠାଯାଇଛି। ସେମାନଙ୍କର ଲକ୍ଷ୍ୟ ହେଉଛି ହର୍ମୁଜ୍ ପ୍ରଣାଳୀର ସମୁଦ୍ର ପଥକୁ ସମ୍ପୂର୍ଣ୍ଣ ସୁରକ୍ଷିତ କରିବା ଏବଂ ଜାହାଜର ଅବାଧ ଗତିବିଧି ସୁନିଶ୍ଚିତ କରିବା। ଫ୍ରାନ୍ସ କହିଛି, ଏହି ଜଳପଥରେ ସାଧାରଣ ଜାହାଜ ଯାତାୟାତ ପୁନଃସ୍ଥାପିତ କରିବା ପାଇଁ ଏହା ନିଜର ଓ ଅନ୍ୟ ସହଯୋଗୀମାନଙ୍କ ସହିତ କାମ କରିବାକୁ ପ୍ରସ୍ତୁତ। ଫ୍ରାନ୍ସ ରାଷ୍ଟ୍ରପତି ଲେଖିଛନ୍ତି, ଜୁନ୍ ୧୭ ତାରିଖରେ ଆମେରିକା-ଇରାନ ବୁଝାମଣାପତ୍ର ସ୍ୱାକ୍ଷରିତ ହେବା ଆଞ୍ଚଳିକ ସ୍ଥିରତା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ଏହାଦ୍ବାରା ହର୍ମୁଜ୍ରେ ଜାହାଜ ପରିଚାଳନା ସହଜ ହେବ। ଓମାନର ସୁଲତାନଙ୍କ ସହ ଆଲୋଚନା ପରେ, ମୁଁ ଏଭଳି ନିଷ୍ପତ୍ତି ନେଇଛି ବୋଲି ଇମାନୁଏଲ୍ କହିଛନ୍ତି।
Tags:
