ଭାରତ ମାନଚିତ୍ରକୁ ଭୁଲ୍ ଭାବେ ଦର୍ଶାଇଲା ଆମେରିକା ସେନା
ୱାସିଂଟନ: ଆମେରିକାର ପ୍ରତିରକ୍ଷା ବିଭାଗ ଇଣ୍ଡୋ-ପାସିଫିକ୍ କମାଣ୍ଡର ନାମ ପରିବର୍ତ୍ତନ କରି ପାସିଫିକ୍ କମାଣ୍ଡ ରଖିଛି। ଏହା ଭାରତ ପାଇଁ ଏକ ରଣନୈତିକ ବାର୍ତ୍ତା। କିନ୍ତୁ ଏହା ପ୍ରକାଶ କରିଥିବା ନୂତନ ମାନଚିତ୍ରରେ ଭାରତର ମାନଚିତ୍ରକୁ ଭୁଲ୍ ଭାବେ ଦର୍ଶାଯାଇଛି। ଆମେରିକାର ଇଣ୍ଡୋ-ପାସିଫିକ୍ କମାଣ୍ଡ ଭାରତର ଏକ ଭୁଲ୍ ମାନଚିତ୍ର ବ୍ୟବହାର କରିଛି, ଯେଉଁଥିରେ ସମ୍ପୂର୍ଣ୍ଣ ଜମ୍ମୁ-କାଶ୍ମୀରକୁ ସାମିଲ ନକରି କିଛି ଅଂଶକୁ ବାଦ୍ ଦିଆଯାଇଛି। ପାକିସ୍ତାନ ଅଧିକୃତ କାଶ୍ମୀରକୁ ପାକିସ୍ତାନୀ ଅଞ୍ଚଳ ଭାବରେ ଦର୍ଶାଯାଇଛି। ଭାରତକୁ ହାଲୁକା ସବୁଜ ରଙ୍ଗରେ ଚିତ୍ରିତ କରାଯାଇଛି, କିନ୍ତୁ ଜମ୍ମୁ-କାଶ୍ମୀରର ଉତ୍ତର ଏବଂ ପଶ୍ଚିମ ଅଂଶ ପିଓକେ ଏବଂ ଅକ୍ସାଇ ଚୀନ୍କୁ ଭାରତର ମୁଖ୍ୟ ସବୁଜ ମାନଚିତ୍ରରୁ ବାଦ ଦିଆଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବୁଧବାର ସାକ୍ଷାତ କରିବାକୁ ଯାଉଛନ୍ତି। ସେହି ବୈଠକ ପୂର୍ବରୁ, ଆମେରିକା ଭାରତୀୟ ମାନଚିତ୍ରକୁ ଭୁଲ୍ ଭାବରେ ଚିତ୍ରଣ କରିଛି, ଯାହା ଏକ ନୂତନ ବିବାଦ ସୃଷ୍ଟି କରିଛି।
Tags:
