ଭାରତ-ପାକ୍ ଯୁଦ୍ଧବିରାମ ଉପରେ ଆମେରିକା ରାଷ୍ଟ୍ରପତି ଟମ୍ପଙ୍କ ନୂଆ ଦାବି

By: Samaya Live Desk

ୱାସିଂଟନ୍‌: ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବୁଧବାର ତାଙ୍କର ଦାବିକୁ ଦୋହରାଇଛନ୍ତି ଯେ ସେ ଭାରତ ଏବଂ ପାକିସ୍ତାନ ମଧ୍ୟରେ ପରମାଣୁ ଯୁଦ୍ଧ ସମେତ ଆଠଟି ଯୁଦ୍ଧ ବନ୍ଦ କରିଛନ୍ତି। ତଥାପି, ପ୍ରଥମ ଥର ପାଇଁ, ସେ ଏହା ମଧ୍ୟ ଦାବି କରିଛନ୍ତି ଯେ ଶେହବାଜ ସରିଫ ତାଙ୍କୁ କହିଥିଲେ ଯଦି ସେ ଏଥିରେ ହସ୍ତକ୍ଷେପ ନକରନ୍ତି ତେବେ ଅପରେସନ ସିନ୍ଦୁର ସମୟରେ ୩୫ ନିୟୁତ ଲୋକ ମରିଯାଇଥାନ୍ତେ।

ଟ୍ରମ୍ପ କହିଛନ୍ତି, ‘ମୋର ପ୍ରଥମ ୧୦ ମାସରେ, ମୁଁ ଆଠଟି ଯୁଦ୍ଧ ସମାପ୍ତ କରିଥିଲି। ପାକିସ୍ତାନ ଏବଂ ଭାରତରେ ପରମାଣୁ ଯୁଦ୍ଧ ହୋଇଥାନ୍ତା। ପାକିସ୍ତାନର ପ୍ରଧାନମନ୍ତ୍ରୀ ଅନୁରୋଧ କରିଥିଲେ ଯେ ଯଦି ମୁଁ ହସ୍ତକ୍ଷେପ ନ କରିଥାନ୍ତି ତାହେଲେ ୩୫ନିୟୁତ ଲୋକ ମରିଯାଇଥାନ୍ତେ।’ ସେ ଯେଉଁ ବିବାଦର ସମାଧାନ କରିଛନ୍ତି ବୋଲି ଦାବି କରିଛନ୍ତି ସେଥିରେ ଇସ୍ରାଏଲ ଏବଂ ହମାସ, ଇସ୍ରାଏଲ ଏବଂ ଇରାନ, ମିଶର ଏବଂ ଇଥିଓପିଆ, ଭାରତ ଏବଂ ପାକିସ୍ତାନ, ସର୍ବିଆ ଏବଂ କୋସୋଭୋ, ରୱାଣ୍ଡା ଏବଂ କଙ୍ଗୋ ଗଣତାନ୍ତ୍ରିକ ଗଣରାଜ୍ୟ, ଆର୍ମେନିଆ ଏବଂ ଆଜରବାଇଜାନ, ଏବଂ କାମ୍ବୋଡିଆ ଏବଂ ଥାଇଲ୍ୟାଣ୍ଡ ଅନ୍ତର୍ଭୁକ୍ତ। ପୂର୍ବରୁ, ଚାରି ଦିନିଆ ଯୁଦ୍ଧ ସମୟରେ ଦୁଇ ଦେଶ ମଧ୍ୟରେ ଶାନ୍ତି ସ୍ଥାପନକାରୀ ଭୂମିକା ଗ୍ରହଣ କରିବାର ଟ୍ରମ୍ପଙ୍କ ଦାବିକୁ ଭାରତ ବାରମ୍ବାର ପ୍ରତ୍ୟାଖ୍ୟାନ କରିଥିଲା। ସଂଘର୍ଷ ବନ୍ଦ କରିବାରେ ଟ୍ରମ୍ପଙ୍କ ଭୂମିକା ବିଷୟରେ ପଚରାଯିବାରୁ, ବୈଦେଶିକ ମନ୍ତ୍ରୀ ଏସ ଜୟଶଙ୍କର କଟାକ୍ଷ କରି କହିଥିଲେ ଯେ ଆମେରିକା ‘ଆମେରିକାରେ ଥିଲା’।