ଆଫଗାନିସ୍ତାନର ହେଲମଣ୍ଡ ପ୍ରଦେଶରେ ପାକିସ୍ତାନର ଏୟାର ଷ୍ଟ୍ରାଇକ୍, ୨୨ ମୃତ
କାବୁଲ: ଆଫଗାନିସ୍ତାନର ହେଲମଣ୍ଡ ପ୍ରଦେଶରେ ପାକିସ୍ତାନର ଏୟାର ଷ୍ଟାଇକରେ ୨୨ ଜଣଙ୍କ ମୃତ୍ୟୁ ଘଟିଛି। ୧୧ ଜଣ ଗୁରୁତର ଆହତ ହୋଇଛନ୍ତି। ସ୍ଥାନୀୟ ଅଧିକାରୀଙ୍କ ଅନୁଯାୟୀ, ଆବାସିକ ଘରଗୁଡ଼ିକୁ ଟାର୍ଗେଟ କରାଯାଇଛି। ପ୍ରଭାବିତ ହୋଇଥିବା ଲୋକମାନଙ୍କ ମଧ୍ୟରେ ମହିଳା ଏବଂ ଶିଶୁ ମଧ୍ୟ ଅଛନ୍ତି। ଦୁଇ ଦେଶ ମଧ୍ୟରେ କ୍ରମାଗତ ଭାବରେ ଅବନତିଶୀଳ ହେଉଥିବା ସମ୍ପର୍କ ମଧ୍ୟରେ ଏହି ଘଟଣା ଘଟିଛି। ତେବେ ପାକିସ୍ତାନ ସରକାର ସମସ୍ତ ମୃତକଙ୍କୁ ଆତଙ୍କବାଦୀ ବୋଲି କହିଛନ୍ତି। ଏକ ରିପୋର୍ଟ ଅନୁଯାୟୀ, ପାକିସ୍ତାନ ସେପ୍ଟେମ୍ବର ଶେଷ ସପ୍ତାହରେ ଆଫଗାନିସ୍ତାନର ଅନେକ ସ୍ଥାନରେ ବିମାନ ଆକ୍ରମଣ କରିଥିଲା। ଇସଲାମାବାଦ କହିଛି ଯେ, ଏହାର ଆକ୍ରମଣ ସେହି ଘାଟିଗୁଡ଼ିକୁ ଟାର୍ଗେଟ କରିଥିଲା ଯେଉଁଠାରୁ ପାକିସ୍ତାନକୁ ଟାର୍ଗେଟ କରି ଡ୍ରୋନ୍ ଉଡ଼ାଣ କରାଯାଉଥିଲା। ସେଠାରେ ଡ୍ରୋନ୍ଗୁଡ଼ିକୁ ଲୁଚାଇ ରଖାଯାଇଥିବା ପାକିସ୍ତାନ ଅଭିଯୋଗ କରିଛି। ହେଲେ ଆଫଗାନିସ୍ତାନର ତାଲିବାନ ସରକାର ଏହି ଅଭିଯୋଗଗୁଡ଼ିକୁ ଅସ୍ୱୀକାର କରିଛି।
Tags:
