୨୪ତମ ପିଏମ କିଷାନ ସହାୟତା ରାଶି ପ୍ରଦାନ କଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ : ଚାଷୀଭାଇଙ୍କ ପାଇଁ ଖୁସି ଖବର ।  ପିଏମ କିଷାନ ସମ୍ମାନ ନିଧି ଯୋଜନାରେ ଯୋଗ୍ୟ ହିତାଧିକାରୀଙ୍କ ଖାତାକୁ ଆସିଲା ସହାୟତା ରାଶି ।  ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅକ୍ଟୋବର ୩୦ ରେ  ଗୁଜୁରାଟର ବନାସକଣ୍ଠାରୁ ପିଏମ କିଷାନ ସମ୍ମାନ ନିଧି ଯୋଜନାର ୨୪ତମ କିସ୍ତି ପ୍ରଦାନ କରିଛନ୍ତି  । ଡିବିଟି (Direct Benefit Transfer) ମାଧ୍ୟମରେ ଦେଶର ଚାଷୀମାନଙ୍କ ଆକାଉଣ୍ଟକୁ ଏହି ସହାୟତା ରାଶି ପ୍ରଦାନ କରିଛନ୍ତି ପ୍ରଧାନମନ୍ତ୍ରୀ ।

ଏହି ଯୋଜନାରେ ସାରା ଦେଶରୁ ୯.୩୪ କୋଟି ହିତାଧିକାରୀ ଚାଷୀଙ୍କୁ ମୋଟ ୧୮ .୬୯୦ କୋଟି ଟଙ୍କା ପ୍ରଦାନ କରାଯାଇଛି । ସେହିଭଳି ଓଡିଶାରୁ ୩୫.୩୯ ଚାଷୀଙ୍କ ବ୍ୟାଙ୍କ ଖାତାରେ ୭୦୭.୮୬କୋଟି ଟଙ୍କା ପଠା ଯାଇଛି । ପ୍ରତିବର୍ଷ ଚାଷୀଙ୍କୁ ମିଳୁଥିବା ୬,୦୦୦ ଟଙ୍କାର ଆର୍ଥିକ ସହାୟତା ମଧ୍ୟରୁ ଏହି ୨୪ତମ କିସ୍ତି ବାବଦରେ ଯୋଗ୍ୟ ଚାଷୀମାନେ ୨,୦୦ଙ୍କା ଲେଖାଏଁ ପାଇଛନ୍ତି । ଏଥିରେ ଭୂମିଦାରୀ, କ୍ଷୁଦ୍ର, ବୃହତ ଓ ସହରାଞ୍ଚଳର ଦୁର୍ବଳ ବର୍ଗର ଚାଷୀଙ୍କୁ ସାମିଲ କରାଯାଇଛି । ପିଏମ୍ କିଷାନ ଯୋଜନାରେ ସାମିଲ ହେବା ପାଇଁ ଏଗ୍ରିଷ୍ଟାକ ପୋର୍ଟାଲରେ ପଞ୍ଜିକରଣ ବାଧ୍ୟତାମୂଳକ । ଯେଉଁମାନେ ସିଏମ୍ କିଷାନ ପାଉଛନ୍ତି ସେମାନେ ପିଏମ୍ କିଷାନ ମଧ୍ୟ ପାଆନ୍ତୁ । ତେଣୁ ସେମାନେ ଆବଶ୍ୟକ ଦସ୍ତାବିଜ ଦେଇ ଏହାର ଲାଭ ଉଠାନ୍ତୁ । ସମସ୍ତ ଚାଷୀ ଭାଇଙ୍କୁ ପ୍ରଧାନମନ୍ତ୍ରୀ ଅନ୍ନଦାତା ଭାବରେ ଅଭିହିତ କରିଛନ୍ତି ।

ସୂଚନାନୁସାରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜିଠାରୁ ଗୁଜରାଟର ଦୁଇଦିନିଆ ଗସ୍ତରେ ଯାଇଛନ୍ତି । ଏହି ଅବସରରେ ସେ ରାଜ୍ୟବାସୀଙ୍କୁ ପ୍ରାୟ ୧୪,୦୦୦ କୋଟି ଟଙ୍କାର ବିକାଶମୂଳକ ପ୍ରକଳ୍ପର ଭେଟି ଦେବେ ।