ଉସ୍ତାଦ ବିସ୍ମିଲ୍ଲା ଖାଁ ର ପୈତୃକ ଘର କୁ ନ ଭାଙ୍ଗି ସଂରକ୍ଷଣ କରିବା ପାଇଁ ଦାବି

ବାରାଣାସୀ, ଅଗଷ୍ଟ ୨୪: ପ୍ରଖ୍ୟାତ ସେହେନାଇ ବାଦକ ଉସ୍ତାଦ ବିସ୍ମିଲ୍ଲା ଖାଁ ର ପୈତୃକ ଘର ଭାଙ୍ଗି ଗୋଟିଏ କମରସିଆଲ କଂପ୍ଲେକ୍ସ କରାଯିବାର ନିଷ୍ପତ୍ତି ରେ ରୋକ ଲଗାଇଛି ବାରଣାସୀ ଡେଭେଲପମେଣ୍ଟ ଅଥରିଟି I
ବାରଣାସୀ ଡେଭେଲପମେଣ୍ଟ ଅଥରିଟି ର କିଛି ଅଧିକାରୀ ଗତ ସପ୍ତାହ ରେ ଉସ୍ତାଦ ବିସ୍ମିଲ୍ଲା ଖାଁ ଙ୍କ ଏହି ଘର ଦେଖିବାକୁ ଯାଇଥିଲେ ଏବଂ ଜାଣିବାକୁ ପାଇଥିଲେ, ବ୍ୟବସାୟିକ ଲାଭ ପାଇଁ ପରିବାର ସଦସ୍ୟ ଘର ଭାଙ୍ଗିବା ଆରମ୍ଭ କରିଦେଇଥିଲେ I

‘ଜାତୀୟ ସାଂସ୍କୃତିକ ଐତିହ୍ୟ ‘ ଭାବରେ ଗୃହଟିକୁ ସଂରକ୍ଷଣ କରିବା ପାଇଁ ଏହି ଭାଙ୍ଗିବା କାର୍ଯ୍ୟକଳାପ ବନ୍ଦ କରାଯାଇଥିଲା।

ଭିଡିଏ ଯାଞ୍ଚ ରିପୋର୍ଟ ଅନୁଯାୟୀ, ଦ୍ୱିତୀୟ ମହଲାରେ ଥିବା କୋଠରୀକୁ ଉସ୍ତାଦ ଙ୍କ ନାତି ଏବଂ ସ୍ୱର୍ଗତ ମେହେତାବ ହୁସେନ୍‌ଙ୍କ ପୁଅ ମହମ୍ମଦ ସିଫ୍ଟେନ୍‌ ଭାଙ୍ଗି ଦେଇଛନ୍ତି।
ଏହା ମଧ୍ୟ ଜଣାପଡିଛି ଯେ ପରିବାର ସଦସ୍ୟଙ୍କ ମଧ୍ୟରେ ସମ୍ପତ୍ତି ବିବାଦ ଲାଗି ରହିଛି। ବିସ୍ମିଲ୍ଲା ଖାନଙ୍କର ପାଞ୍ଚ ପୁଅ ଥିଲେ।

ଉସ୍ତାଦ ରହୁଥିବା ଏହି ଘର ର ଉପର ମହଲାକୁ ତାଙ୍କ ସମ୍ପର୍କୀୟମାନେ ଭାଙ୍ଗି ଏକ ବ୍ୟବସାୟିକ କମ୍ପ୍ଲେକ୍ସ କରିବାକୁ ଯାଉଥିଲେ ଏବଂ ପରିବାରର ଅନ୍ୟ କେତେକ ସଦସ୍ୟ ଏହାକୁ ନେଇ ଆପତ୍ତି ଉଠାଇଥିଲେ।

ଏହି ଭଙ୍ଗାଯିବା ଖବର ପ୍ରସାରିତ ହେବାପରେ ଅନେକ ଯୁବ ସଂଗଠନ ବିକ୍ଷୋଭ ପ୍ରଦର୍ଶନ କରି ସରକାର ଏବଂ ସାଂସ୍କୃତିକ ମନ୍ତ୍ରଣାଳୟକୁ ଗୃହକୁ ସଂଗ୍ରହାଳୟ ଭାବରେ ସଂରକ୍ଷଣ କରିବାକୁ କହିଥିଲେ।
ଏହା ଏକ ଶେହାନାଇ ତାଲିମ କେନ୍ଦ୍ର ଭାବରେ ବିକଶିତ ହେବା ଉଚିତ ଏବଂ ପରିବାର ସଦସ୍ୟଙ୍କୁ ଅନ୍ୟତ୍ର ଥଇଥାନ କରାଯିବା ସହ ଆର୍ଥିକ ସହାୟତା ଦିଆଯିବା ଉଚିତ ବୋଲି ଅନେକ ସଂସ୍ଥା କହିଛନ୍ତି I
ବିସ୍ମିଲ୍ଲା ଖାନଙ୍କ ପାଳିତ ଝିଅ ତଥା ଗାୟୀକI ସୋମା ଘୋଷ ଏବଂ କଂଗ୍ରେସ ନେତା ଅଜୟ ରାୟ ମଧ୍ୟ ସରକାରଙ୍କ ହସ୍ତକ୍ଷେପ ଦାବି କରିଛନ୍ତି। ତାଙ୍କ ଘରକୁ ସଂଗ୍ରହାଳୟ ଭାବରେ ସଂରକ୍ଷଣ କରିବାକୁ ସରକାର ଆଗକୁ ଆସିବା ଉଚିତ ବୋଲି କହିଛନ୍ତି। (IANS )