ପ୍ରେମ ପାଇଁ ମା' ଓ ଭାଇଙ୍କୁ ନାବାଳିକାଙ୍କ ହତ୍ୟା ଅଭିଯୋଗ

କୋରାପୁର  : ନାବାଳିକାଙ୍କ ନାରକୀୟ କାଣ୍ଡ । ପ୍ରେମ ପାଇଁ ମା' ଓ ଭାଇଙ୍କୁ ହତ୍ୟା ଅଭିଯୋଗ । ସମ୍ପୃକ୍ତ ନାବାଳିକା ଓ ତାଙ୍କ ପୁରୁଷ ବନ୍ଧୁଙ୍କୁ ଅଟକ ରଖି ପଚାର ଉଚରା କରୁଛି ପୋଲିସ । ଗତ ୨୦ ତାରିଖରେ ମା' ଅନୁଷ୍କା ପରିଡା ବୟସ(୪୫) ଏବଂ ପୁଅ ଅହମ ପରିଡ଼ା ବୟସ (୧୪) ଘରୁ କେଉଁଆଡେ ନିଖୋଜ ହୋଇଯାଇଥିଲେ । ତାଙ୍କ ମୋବାଇଲ ମଧ୍ୟ ବନ୍ଦ ରହିଥିଲା । ଏନେଇ ଅନୁଷ୍କାଙ୍କ ଭାଇ ୨୧ ତାରିଖ ଦିନ ବୋରିଗୁମ୍ମା ଥାନାରେ ଲିଖିତ ଅଭିଯୋଗ କରିଥିଲେ । ପୋଲିସ ତଦନ୍ତ ଆରମ୍ଭ କରି ସନ୍ଦେହରେ ନାବାଳିକା ଓ ତାଙ୍କ ଭାଇଙ୍କୁ ଥାଙ୍କ ଆଣି ପଚାର ଉଚରା ଜାରି ରଖିଛି ।

ସୂଚନାନୁସାରେ,ଆଜି କୋଟପାଡ଼ ଥାନା ଅନ୍ତର୍ଗତ ଅଣ୍ଡିରା ମୁଣ୍ଡା କେନାଲ ରେ ଏକ ବସ୍ତାରେ ଶବ ଭାସୁଥିବା ଲୋକେ ଦେଖି ପୋଲିସକୁ ଖବର ଦେଇଥିଲେ । ସଙ୍ଗେ ସଙ୍ଗେ ପୋଲିସ ,ଅଗ୍ନିଶମ ବିଭାଗ ଏବଂ ସାଇଣ୍ଟିଫିକ ଟିମ ଘଟଣା ସ୍ଥଳରେ ପହଂଚି ବସ୍ତା ଭିତରୁ ପୁଅ ଅହମ ପରିଡାର ଗଳିତ ଶବ ଉଦ୍ଧାର କରିଥିଲେ । ପୁଅର ଗଳା କାଟି ହାତ ଗୋଡ଼ ବାନ୍ଧି ଅତି ନିର୍ମମ ଭାବେ ହତ୍ୟା କରାଯାଇଛି । ମାଆର ମୃତ ଦେହ ଏ ପର୍ଯ୍ୟନ୍ତ ମିଳି ପାରି ନାହିଁ ପୋଲିସ ଝିଅ କୁ ପଚରା ଉଚରା କରୁଛି । ସାଇଣ୍ଟିଫିକ ଟିମ ଅନୁଷ୍କା ଙ୍କ ଘରେ ପହଞ୍ଚି ତଦନ୍ତ ଆରମ୍ଭ କରୁଛି । ସମ୍ପର୍କୀୟଙ୍କ କହିବା ଅନୁଯାୟୀ ଝିଅ ସେହି ପାଖିରେ ଥିବା ଏକ ପୁଅ ସହିତ ପ୍ରେମ ସମ୍ପର୍କ ଗଢ଼ି ଉଠିଥିଲା ।

ମାଆ ଅନୁଷ୍କା ପରିଡା ପ୍ରେମ ସମ୍ପର୍କ କୁ ବାରଣ କରୁଥିଲେ ସେଥିରେ ଉତ୍ୟକ୍ତ ହୋଇ ସବୁଦିନ ପାଇଁ ରାସ୍ତାର କଣ୍ଟାକୁ ହୋଟେଇବା ପାଇଁ ଏଭଳି କାଣ୍ଡ ଘଟାଇଛି ବୋଲି ଅଭିଯୋଗ କରିଛନ୍ତି । ସେପଟେ ପୋଲିସ ପ୍ରେମିକ କୁ ଥାନାରେ ଅଟକ ରଖି ପୋଲିସ ତଦନ୍ତ କରୁଛି । ଅତିଶୀଘ୍ର ମାଆର ଶବ ଉଦ୍ଧାର ହେବ ଏବଂ କାହାଣୀ ର ପରଦା ହଟିବ ବୋଲି ଏସ୍ଡିପିଓ ସତ୍ୟବ୍ରତ ଲେଙ୍କା କହିଛନ୍ତି ।