ନିଶାସକ୍ତର ଉନ୍ମତ୍ତ କାଣ୍ଡ,ଦାନା ନେ' କହି ମାରିଲା ଗୁଳି

କେନ୍ଦ୍ରାପଡା : କେନ୍ଦ୍ରାପଡାରେ ଚାଞ୍ଚଲ୍ୟ । ନିଶାସକ୍ତ ଯୁବକର ଗୁଳିମାଡ଼ରୁ ଅଳ୍ପକେ ବର୍ତ୍ତୀଲେ ଇଂଜିନିୟ । ଗତକାଲି ସନ୍ଧ୍ୟା ୮ଟ। ବେଳେ କେନ୍ଦ୍ରାପଡା ଜିଲ୍ଲା ଗରାପୁର ଦି ପ୍ୟାଲେସ୍ ହୋଟେଲ୍ ପଛପାଖେ ଘଟିଥିଲା ଗୁଳିକାଣ୍ଡ । ଅଭିଯୁକ୍ତ ହେଉଛି ଗରାପୁର ହନୁମାନ ମନ୍ଦିର ଛକ ଅଞ୍ଚଳର ଶିବପ୍ରସାଦ ସାହୁ । ଗୁଳିମାଡ଼ ପରେ ଅଭିଯୁକ୍ତକୁ କାବୁ କରିବାକୁ ଯାଇ ଇଞ୍ଜିନିୟର ଅସୀମ ଓ ତାଙ୍କ ମା’ ଆହତ ହୋଇଛନ୍ତି । ଉଭୟଙ୍କୁ ଜିଲ୍ଲା ହସ୍ପିଟାଲରେ ଭର୍ତି କରାଯାଇଛି । 

ଘଟନାନୁସାରେ,ଅସୀମ ରାଉତରାୟଙ୍କ ଘର ନିକଟରେ ଅଭିଯୁକ୍ତ ଶିବପ୍ରସାଦର ଭାଇଙ୍କ ଏକ ମଦ କାଉଣ୍ଟର ରହିଛି । କୌଣସି କାରଣରୁ ଶିବପ୍ରସାଦର ଭାଇଙ୍କ ସହ ଅସୀମଙ୍କ ବିବାଦ ରହିଥିଲା । ଗତକାଲି ସନ୍ଧ୍ୟାରେ ଅସୀମ କୁକୁର ବୁଲାଇବାକୁ ଘର ବାହାରକୁ ଆସିଥିବାବେଳେ ପୁଣି ଥରେ ଉଭୟଙ୍କ ମଧ୍ୟରେ ବଚସା ହୋଇଥିଲା  । ଏହି ସମୟରେ ଅଭିଯୁକ୍ତ ଶିବପ୍ରସାଦ ଘରୁ ଏକ ଦେଶୀ ବନ୍ଧୁକ ଆଣି ଦାନା ନେ' କହି ଅସୀମଙ୍କ ଉପରକୁ ଗୁଳିମାଡ଼ କରିଥିଲେ । ମାତ୍ର ଗୁଳିଟି ଲକ୍ଷଭ୍ରଷ୍ଟ ହେବାରୁ ଅଳ୍ପକେ ବର୍ତ୍ତୀ ଯାଇଥିଲେ ଅସୀମ  । ତେବେ ଗୁଳିମାଡ଼ ଶବ୍ଦ ଶୁଣି ତାଙ୍କ ମା'ପଦାକୁ ଆସି ଅଭିଯୁକ୍ତ ହାତରୁ ବନ୍ଧୁକ ଛଡ଼ାଇବାକୁ ଚେଷ୍ଟା କରୁଥିବାବେଳେ ଅସୀମ ଓ ତାଙ୍କ ମା' ଆହତ ହୋଇଥିଲେ । ଖବର ପାଇ କେନ୍ଦ୍ରାପଡା ସଦର ଥାନା ଅଧିକାରୀ ପହଞ୍ଚି ଆହତଙ୍କୁ ହସ୍ପିଟାଲ ପହଂଚାଇବା ସହ ଘଟଣାର ତଦନ୍ତ ଜାରି ରଖିଛି ।