ହର୍ମୁଜ୍ ପ୍ରଣାଳୀରୁ ଟଙ୍କା ରୋଜଗାର କରୁଛି ଇରାନ

ଆଜିର ଦୁନିଆରେ ଏକ ଭୟଙ୍କର ପ୍ରଶ୍ନ ଉଠୁଛି ମଧ୍ୟପ୍ରାଚ୍ୟରେ ଯାହା ଘଟୁଛି ସେଥିରେ ପ୍ରଭାବ କେବଳ ସେଠି ନୁହେଁ ସମ୍ପୂର୍ଣ୍ଣ ବିଶ୍ୱକୁ ହଲାଇଦେଉଛି ଏବଂ ଏହାର କେନ୍ଦ୍ରବିନ୍ଦୁ ହେଉଛି ଇରାନ । ହଁ ଆଜ୍ଞା ଇରାନ ଏବେ ସେମିତି ଗୋଟିଏ ଚାଲ ଖେଳୁଛି ଯାହା ବିଶ୍ୱ ଅର୍ଥନୀତିକୁ ଭାଙ୍ଗିଦେଇପାରେ । ସମୁଦ୍ରରେ ଚାଲୁଥିବା ତେଲ ଜାହାଜ ଏବେ ସୁରକ୍ଷିତ ନୁହେଁ । ବିଶେଷ କରି ଗୋଟିଏ ରାସ୍ତା ଷ୍ଟ୍ରେଟ୍ ଅଫ୍ ହର୍ମୁଜ୍ । ଏହା ସେଇ ରାସ୍ତା ଯେଉଁଠାରୁ ବିଶ୍ୱର ପ୍ରାୟ ୨୦ ପ୍ରତିଶତ ତେଲ ଯାଏ । କିନ୍ତୁ ଏବେ ଏଠାରେ ଜାହାଜ ଉପରେ ଆକ୍ରମଣ, ବକ୍କୋରଣ ଏବଂ ଭୟ । ଇରାନ ଉପରେ ଅଭିଯୋଗ ଏବଂ ତାପରେ ତେଲ ସପ୍ଲାଇ ଧୀରେ ଧୀରେ ବନ୍ଦ । ଫଳସ୍ୱରୂପ ବିଶ୍ୱରେ ତେଲ ଅଭାବ, ଦର ବୃଦ୍ଧି ଏବଂ ଅର୍ଥନୀତି ଉପରେ ଚାପ । କିନ୍ତୁ ଏହି କାହାଣୀ ଏଠି ଶେଷ ନୁହେଁ ଇରାନ ଏହି ସଙ୍କଟକୁ ମଧ୍ୟ ଏକ ସୁଯୋଗରେ ପରିଣତ କରୁଛି । ତାଙ୍କର ତେଲ ଅନୟ ଦେଶ ତୁଳନାରେ ଅଧିକ ସୁରକ୍ଷିତ ଭାବରେ ଯାଉଛି ଏବଂ ଏଠାରୁ ଦିନକୁ କୋଟି କୋଟି ଟଙ୍କା ଆୟ । ଏହା ଦେଖି ଆମେରିକା ଆମେରିକା ଓ ଇସ୍ରାଏଲ ଏବେ ଚିନ୍ତାରେ ପଡିଛନ୍ତି । ଡୋନାଲ୍ଡ ଟ୍ରମ୍ପ କହୁଛନ୍ତି ଆମେ ହର୍ମୁଜ୍ ଚାହୁଁନାହୁଁ କିନ୍ତୁ ଏହା ବନ୍ଦ ହେବା ଉଚିତ୍ ନୁହେଁ । କିନ୍ତୁ ଇରାନ ଏଠି ରୋକିହୋଇନାହିଁ । ସେ ଏବେ ଆଉ ଗୋଟିଏ ବଡ ଧମକ ଦେଇଛି । ଯଦି ଯୁଦ୍ଧ ବଢେ ତେବେ ଆଉ ଗୋଟିଏ ମୁକ୍ୟ ତେଲ ରାସ୍ତାକୁ ବନ୍ଦ କରାଯିବ । ବାବ୍-ଏଲ୍-ମାଣ୍ଡେବ୍ ପ୍ରଣାଳୀ ଏହି ରାସ୍ତା ଏସିଆ ଓ ୟୁରୋପକୁ ଯୋଡେ ଏବଂ ପ୍ରାୟ ୧୨ ପ୍ରତିଶତ ବିଶ୍ୱ ତେଲ ଏଠାରୁ ଯାଏ । ଏବେ ଭାବନ୍ତୁ ହର୍ମୁଜ୍ + ବାବ୍-ଏଲ୍-ମାଣ୍ଡେବ୍ ଦୁଇଟି ବନ୍ଦ । ତେବେ ବିଶ୍ୱ ତେଲ ସପ୍ଲାଇର ୩୦ ପ୍ରତିଶତ ଠପ୍ ଏବଂ ଏହି ଖେଳରେ ହୁତି ଆନେ୍ଦାଳନ ମଧ୍ୟ ମୁଖ୍ୟ ଭୂମିକାରେ । ଇରାନର ସମର୍ଥନରେ ଏହି ବିଦ୍ରୋହୀମାନେ ଜାହାଜକୁ ଅଟକାଇପାରନ୍ତି । ଏପଟେ ଯୁଦ୍ଧ ମାଟିରେ ମଧ୍ୟ ତୀବ୍ରତା ବଢୁଛି । ଇରାନ ମିସାଇଲ ଛାଡୁଛି , ହିଜବୋଲା ରକେଟ ମାଡ କରୁଛି ଓ ଇସ୍ରାଏଲରେ ସାଇରନ୍ ବାଜୁଛି ଏବଂ ଅନ୍ୟ ପଟେ ଆମେରିକାର ସାମରିକ ଘାଟିଗୁଡିକ ଟାର୍ଗେଟ୍ ହେଉଛି । କୁୱେତ୍, କାତାର ଓ ବାହାରିନର ଅନେକ ଘାଟି ଆକ୍ରମଣରେ ଧ୍ୱଂସ । ସ୍ଥିତି ଏତେ ଖରାପ ଯେ ଆମେରିକୀୟ ସୈନିକମାନେ ଏବେ ହୋଟେଲରେ ଲୁଚିରହିଛନ୍ତି ବୋଲି ଖବର ଆସୁଛି । ଇରାନ ତ ଏଠାରେ ମଧ୍ୟ ରହିନାହିଁ । ସେ କହିଛି ଯେଉଁଠାରେ ଆମେରିକୀୟ ସେନା ରହିବେ ସେଠାକୁ ଆମେ ଟାର୍ଗେଟ୍ କରିବୁ । ଏହା ମାନେ ସାଧାରଣ ହୋଟେଲ ମଧ୍ୟ ଯୁଦ୍ଧ ମାଟି ହୋଇପାରେ । ଏବେ ସବୁଠାରୁ ବଡ ପ୍ରଶ୍ନ ଏହା କଣ ବିଶ୍ୱ ଯୁଦ୍ଧ ଦିଗକୁ ଯାଉଛି । ଆମେରିକା ୧୦୦୦୦ ସୈନିକ ପଠାଇବାକୁ ପ୍ରସ୍ତୁତ , ଇରାନ ଲକ୍ଷ ଲକ୍ଷ ସୈନିକ ସଜାଇଛି । ପରିସ୍ଥିତି ପ୍ରତିଦିନ ଗରମ ହେଉଛି । କିନ୍ତୁ ଏହି ମଧ୍ୟରେ ଡୋନାଲ୍ଡ ଟ୍ରମ୍ପ ଏକ ଆଚମ୍ବିତ ସିଦ୍ଧାନ୍ତ ନେଇଛନ୍ତି । ସେ ଆକ୍ରମଣକୁ ୧୦ ଦିନ ପାଇଁ ରୋକିଦେଇଛନ୍ତି । ଏହା ଶାନ୍ତି ପାଇଁ ଚେଷ୍ଟା ନା ଏକ ବଡ ଆକ୍ରମଣ ପୂର୍ବର ନୀରବତା । ସମଗ୍ର ବିଶ୍ୱ ଏବେ ଅପେକ୍ଷା କରିଛି ଆଗକୁ କଣ ହେବ । ଏକ ଛୋଟ ନିଷ୍ପତ୍ତି ବିଶ୍ୱ ଅର୍ଥନୀତିକୁ ବଦଳାଇପାରେ ଏବଂ ଏକ ଭୁଲ ଚାଲ୍ ତୃତୀୟ ବିଶ୍ୱଯୁଦ୍ଧ ଆରମ୍ଭ କରିପାରେ । ତେଣୁ ମଧ୍ୟ ପ୍ରାଚ୍ୟରେ ଯାହା ଚାଲିଛି ତାହା କେବଳ ଏକ ଯୁଦ୍ଧ ନୁହେଁ ତାହା ହେଉଛି ବିଶ୍ୱ ଶକ୍ତିର ଏକ ବଡ ଖେଳ । ତେବେ ଦେଖିବାକୁ ବାକି ରହିଲା ଯୁଦ୍ଧ କେଉଁଛି ଯାଇ ଥମିବ ।