ଆଜିଠୁ ମନ୍ତ୍ରୀମାନଙ୍କ ବିଭାଗ ସମୀକ୍ଷା କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର : ଆଜିଠାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବଭିନ୍ନ ବିଭାଗଗୁଡ଼ିକର ସମୀକ୍ଷା ଆରମ୍ଭ କରିଛନ୍ତି । ଜୁନ୍‌‌ ୧ ତାରିଖ ପର୍ଯ୍ୟନ୍ତ ଏହି ସମୀକ୍ଷା କାର୍ଯ୍ୟକ୍ରମ ଚାଲିବ। ଆଜି ପ୍ରଥମ ଦିନରେ ପ୍ରଥମ ଦିନରେ ସମବାୟ, ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ନିଜର ରିପୋର୍ଟ କାର୍ଡ ମୁଖ୍ୟମନ୍ତ୍ରୀଙ୍କ ନିକଟରେ ଉପସ୍ଥାପନ କରିଛନ୍ତି । ବିଭାଗୀୟ ମନ୍ତ୍ରୀମାନେ ମୁଖ୍ୟମନ୍ତ୍ରୀଙ୍କୁ ରିପୋର୍ଟ କାର୍ଡ ଦେଇଥିବାବେଳେ ଏହାପରେ ସାମ୍ବାଦିକ ସମ୍ବିଳନୀ କରି ତଥ୍ୟ ରଖୁଛନ୍ତି ବିଭାଗୀୟ ମନ୍ତ୍ରୀ | ପ୍ରଥମ ଦିନରେ ସ୍ୱାସ୍ଥ୍ୟ ମନ୍ତ୍ରୀ ନିରଂଜନ ପୂଜାରୀ ଓ ସମବାୟ,ଯୋଗାଣ ମନ୍ତ୍ରୀ ଅତନୁ ସବ୍ୟସାଚୀ ନାୟକ ରିପୋର୍ଟ ଦେଇଛନ୍ତି | ସମବାୟ,ଯୋଗାଣ ମନ୍ତ୍ରୀ ଅତନୁ ସବ୍ୟସାଚୀ ନାୟକ ଦୁଇ ବିଭାଗର କାମକୁ ନେଇ ସାମ୍ବାଦିକ ସମ୍ମିଳନୀ କରିଛନ୍ତି |

ଏଥିରେ ସେ କହିଛନ୍ତି ଯେ, ନିର୍ବାଚନୀ ଇସ୍ତାହାରରେ ଯାହା ପ୍ରତିଶୃତି ଦେଇଥିଲୁ ସବୁ ପୂରଣ କରିଛୁ | ସାଧାରଣ ଲୋକମାନଙ୍କୁ ଦିଆଯାଇଥିବା ପ୍ରତିଶୃତି ବାସ୍ତବତାର ରୂପ ନେଇଛି ନା ନାହିଁ ତାକୁ ନେଇ ମୁଖ୍ୟମନ୍ତ୍ରୀ ଆଜି ସମୀକ୍ଷା କରିଥିଲେ। ମୁଖ୍ୟମନ୍ତ୍ରୀ ଆମ ଉପରେ ଖୁସି ଅଛନ୍ତି | ମୁଖ୍ୟତଃ ଖାଦ୍ୟ ସୁରକ୍ଷା ଯୋଜନାରେ ସମସ୍ତଙ୍କୁ ଅନ୍ତର୍ଭୁକ୍ତ କରିବା ରାଜ୍ୟ ସରକାରଙ୍କ ମୁଖ୍ୟ ଲକ୍ଷ୍ୟ ରହିଥିଲା। ସେ ଅନୁଯାୟୀ ଚଳିତବର୍ଷ ୧୦ ଲକ୍ଷ ଅଧିକ ହିତାଧିକାରୀ ଏହି ଯୋଜନାରେ ସାମିଲ ହୋଇଛନ୍ତି। ଏହାସହ ଭିଟାମିନଯୁକ୍ତ ଚାଉଳ ସମସ୍ତ ୩୦ଟି ଜିଲ୍ଲାରେ ଦିଆଯାଇଛି। ଚାଷୀଙ୍କୁ ୦% ସୁଧରେ ଋଣ ଦିଆଯାଇଥିବାବେଳେ ୩୨ଲକ୍ଷ ଲୋକ ଏବେ ଋଣ ନେଉଛନ୍ତି। ଚାଷୀଙ୍କ ସୁବିଧା ପାଇଁ ପାକ୍ସ୍ ଗୁଡ଼ିକୁ କମ୍ପ୍ୟୁଟରଜାଇଡ କରାଯାଇଛି । ଏହାସହ ଚାଷୀଙ୍କୁ ହାତପାହନ୍ତାରେ ବ୍ୟାଙ୍କ ସୁବିଧା, ମିନି ଏଟିଏମ୍ ଓ ଏଟିଏମ୍ ବ୍ୟବସ୍ଥା କରାଯାଇଛି |

ସୂଚନାଯୋଗ୍ୟ ଯେ ଆସନ୍ତା ୨୯ ତାରିଖରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ୫ମ ପାଳିର ଚତୁର୍ଥ ବର୍ଷ ପୂରଣ ହେବାକୁ ଯାଉଛି। ଏହି ପ୍ରରିପେକ୍ଷୀରେ ଗତ ମାସରେ ମୁଖ୍ୟମନ୍ତ୍ରୀ ଏନେଇ ରାଜ୍ୟ ମନ୍ତ୍ରୀମଣ୍ଡଳର ମନ୍ତ୍ରୀମାନଙ୍କୁ ଚିଠି ଲେଖି ଅବଗତ କରାଇଥିଲେ।