ବିଶ୍ୱନାଥ ପ୍ରତାପ ସିଂ 

ଶ୍ରାଦ୍ଧ ଦିବସରେ ଶ୍ରଦ୍ଧାଞ୍ଜଳି

 ବିଶ୍ୱନାଥ ପ୍ରତାପ ସିଂ 
Ipsita Picture
By: Ipsita


ଜଣେ ଭାରତୀୟ ରାଜନେତା ଓ ଭାରତର ପ୍ରଧାନମନ୍ତ୍ରୀ ଭାବେ ବିଶ୍ୱନାଥ ପ୍ରତାପ ସିଂ ବା ଭିପି ସିଂର ଥିଲା ସ୍ୱତନ୍ତ୍ର ପରିଚୟ । ୧୯୩୧ ଜୁନ ୨୫ରେ ସେ ମଣ୍ଡ ଶାସନର ଏକ ରାଜପୁତ ଜମିଦାର ପରିବାରରେ ଜନ୍ମଗ୍ରହଣ କରିଥିଲେ । ସେ ନିଜର ଶିକ୍ଷା ଡେରାଡୁନ ସ୍ଥିତ କର୍ଣ୍ଣେଲ ବ୍ରାଉନ କ୍ୟାମ୍ବ୍ରିଜ ବିଦ୍ୟାଳୟରେ ଆରମ୍ଭ କରିଥିଲେ । ପରେ ପୁଣେ ଓ ଆଲ୍‌ହବାଦ ବିଶ୍ୱବିଦ୍ୟାଳୟରେ ଉଚ୍ଚ ଶିକ୍ଷା ଗ୍ରହଣ କରିଥଲେ । ୧୯୬୯ ମସିହାରେ ସେ କଂଗ୍ରେସ ଦଳରୁ ଉତ୍ତର ପ୍ରଦେଶ ବିଧାନ ସଭା ପାଇଁ ନିର୍ବାଚିତ ହେଇଥିଲେ । ୧୯୭୧ ମସିହାରେ ସେ ଲୋକସଭା ଆସନରୁ ଜିତିଥିଲେ ଓ ଇନ୍ଦିରା ଗାନ୍ଧୀଙ୍କ ସରକାରରେ ଉପବାଣିଜ୍ୟ ମନ୍ତ୍ରୀ ଭାବେ ଯୋଗ ଦେଇଥିଲେ । ସେ ୧୯୭୬-୭୭ ଯାଏଁ ଭାରତର ବାଣିଜ୍ୟ ମନ୍ତ୍ରୀ ଥିଲେ । ସେହିଭଳି ସେ ୧୯୮୯ ରୁ ୧୯୯୦ ପର୍ଯ୍ୟନ୍ତ ସେ ଭାରତର ପ୍ରଧାନ ମନ୍ତ୍ରୀ ଭାବେ କାର୍ଯ୍ୟ କରିଥିଲେ । ଏହି ମହାନ ରାଜନେତାଙ୍କର ୨୭ ନଭେମ୍ବର ୨୦୦୮ରେ ୭୭ ବର୍ଷ ବୟସରେ ଦେହାନ୍ତ ହୋଇଥିଲା । 

Read More  ନବକୃଷ୍ଣ ଚୌଧୁରୀ

Tags: