ଶୀତଦିନ ଆସିଲେ ପ୍ରାୟ ଲୋକଙ୍କର ରୁପି ସମସ୍ୟା ଦେଖିବାକୁ ମିଳିଥାଏ । ଏଥିପାଇଁ ସମସ୍ତେ ବିଭିନ୍ନ ସମସ୍ୟାର ସମ୍ମୁଖୀନ ହେବା ସହ ଚିନ୍ତିତ ମଧ୍ୟ ରହିଥାନ୍ତି । ତେବେ ଏଥିପାଇଁ ବିଭିନ୍ନ ପ୍ରକାର ଘରୋଇ ଉପଚାର ରହିଛି, ଯାହାର ଆଲୋଚନା ଶୀତ ଦିନ ଆସିଲେ ଆରମ୍ଭ ହୋଇଥାଏ । ତେବେ ଏହା ବ୍ୟକ୍ତି ଓ ବ୍ୟକ୍ତି ମଧ୍ୟରେ ଭିନ୍ନ ଦେଖିବାକୁ ମିଳିଥାଏ । ତେବେ ଶୀତଦିନେ ଆମେ କରୁଥିବା କିଛି ଭୁଲ କାରଣରୁ ମଧ୍ୟ ରୁପି ସମସ୍ୟା ବଢିବାରେ ଲାଗିଥାଏ । ଆସନ୍ତୁ ସେହିଭଳି କିଛି ଭୁଲ ବିଷୟରେ ପ୍ରଥମେ ଜାଣିବା, ଯାହା ଶୀତଦିନେ କରିବା ଅନୁଚିତ ।
- ଗରମ ପାଣିରେ ଚୁଟି ଧୋଇବା ।
- ଅଧିକ ସମୟ ପର୍ଯ୍ୟନ୍ତ କେଶକୁ ଓଦା ରଖିବା ।
- ସଲ୍ଫେଟ ସାମ୍ପୋର ବ୍ୟବହାର ।
- ରାତିରେ ତେଲ ଲଗାଇ ଶୋଇବା ।
- ଅନେକ ସମୟରେ ଧରି ମୁଣ୍ଡରେ ଉଲର ଟୋପି ପିନ୍ଧିବା ।
- ଅନେକ ଦିନ ଧରି କେଶକୁ ସଫା ନକରିବା ।
- କେଶ ଅଧିକ ଥର ରଙ୍ଗ କରିବା ।
- କେଶରେ ଅଧିକଥର ଷ୍ଟ୍ରେଟ୍ନିଂ କିମ୍ବା ଡ୍ରାୟର ବ୍ୟବହାର କରିବା ।
ଉପରୋକ୍ତ ଭୁଲ ଶୀତଦିନେ ଆମର ରୁପି ସମସ୍ୟାକୁ ବଢାଇଥାଏ । ତେବେ ଏହା ସମସ୍ତଙ୍କ କ୍ଷେତ୍ରରେ ସମାନ ରହିବା ଏହା ନୁହେଁ । ତେଣୁ କୌଣସି ଉପାୟ ଆପଣାଇବା ପୂର୍ବରୁ ଏକ୍ସପର୍ଟଙ୍କ ପରାମର୍ଶ ନିଅନ୍ତୁ । କେଶକୁ ସୁସ୍ଥ ରଖିବାର ସବୁଠାରୁ ଭଲ ଉପାୟ ଖାଦ୍ୟରେ ଧ୍ୟାନ ଦେବା । ପ୍ରଥମେ ଏହି ଦିନେ ଅଧିକ ପାଣି ପିଅନ୍ତୁ, ଯାହା ଆମର ଶରୀର ସହିତ ଚୁଟିକୁ ମଧ୍ୟ ହାଇଡ୍ରେଟ ରଖିବ । ସେହିଭଳି ଖାଦ୍ୟରେ ବିଭିନ୍ନ ପୋଷଣ, ଭିଟାମିନ, ମିନେରାଲ୍ସକୁ ସାମିଲ କରନ୍ତୁ । ଖାଦ୍ୟରେ ଆମିଷ, ଶାଗ, ଫଳ ଓ ମଞ୍ଜି ଜାତୀୟ ଖାଦ୍ୟ ସାମିଲ କରନ୍ତୁ । ଏହା ଦ୍ୱାରା କେଶକୁ ସମସ୍ତ ଆବଶ୍ୟକୀୟ ପୋଷଣ ମିଳିବ । ସେହିଭଳି ଯଦି କେଶ ମୂଳ ଲମ୍ବା ସମୟ ଧରି କୁଣ୍ଡାଇ ହେଉଛି କିମ୍ବା ରୁପି ଯମା କମୁନାହିଁ ତେବେ ଡାକ୍ତରଙ୍କ ସହାୟତା ତୁରନ୍ତ ନିଅନ୍ତୁ ।
