ବିବାହ ତାରିଖ ସ୍ଥିର ହେବା ମାତ୍ରେ ହିଁ ଯୁବତୀମାନେସର୍ବ ପ୍ରଥମେ ସପିଂ ବିଷୟରେ ଚିନ୍ତା କରିବା ଆରମ୍ଭ କରନ୍ତି ଏବଂ କାହିଁକି ବି କରିବେ ନାହିଁ, କାରଣ ଏହି ବିଶେଷ ମୁହୂର୍ତ୍ତ ଜୀବନରେ କେବଳ ଥରେ ମାତ୍ର ଆସେ । ତେଣୁ ସ୍ୱତନ୍ତ୍ର ଓ ସୁନ୍ଦର ଦେଖାଯିବାକୁ ସେମାନେ ସମସ୍ତ ପ୍ରକାର ଚେଷ୍ଟା କରିଥାନ୍ତି । ସେପଟେ ଏବେ ପୁଣି ଦେଶର ବିବାହ ସିଜନ୍ ଆରମ୍ଭ ହୋଇଯାଇଛି । ଯଦି ଆପଣଙ୍କ ପାଖରେ ସମୟ ଅଛି, ତାହେଲେ ଦେଶର ୫ଟି ପରଫେକଫ େୱଡିଂ ସପିଂ ମାର୍କେଟକୁ ଯାଆନ୍ତୁ ଯେଉଁଠି ଆପଣ ନିଜ ଇଚ୍ଛା ମୁତାବକ ଓ ବଜେଟ୍ ଫ୍ରେଣ୍ଡେଲି ଜିନିଷ ପାଇପାରିବେ ।
ଚାନ୍ଦିନୀ ଚୌକ, ଦିଲ୍ଲୀ- ଯଦି ଆପଣ ଲାଟେଷ୍ଟ୍, ଟ୍ରେଣ୍ଡି ଏବଂ ଟ୍ରାଡିସନାଲ େୱଡିଂ ଆଉଟ୍ଫିଟ୍ର ସନ୍ଧାନରେ ଅଛନ୍ତି, ତାହେଲେ ଦିଲ୍ଲୀର ପ୍ରସିଦ୍ଧ ଚାନ୍ଦନୀ ଚୌକ ଆପଣଙ୍କ ପାଇଁ ପୁରା ପରଫେକଫ । ଏଠାରେ ବିବାହର ପ୍ରତିଟି ଫଙ୍କସନ ପାଇଁ ଏକରୁ ବଳି ଏକ ଡ୍ରେସ୍ କିଣିପାରିବେ । ଲେହେଙ୍ଗା ଏବଂ ଶାଢୀର ଭଲ କ୍ୱାଲିଟି ଏବଂ ଭେରାଇଟି ଦେଖିବାକୁ ପାଇବେ ।
ଆଉ ସବୁଠୁ ବଡ଼ କଥା ହେଲା ଆପଣଙ୍କ ବଜେଟ୍ ଭିତରେ ସେଲିବ୍ରେଟି େୱଡିଂ ଡ୍ରେସ ମଧ୍ୟ ମିଳିପାରିବ ।
ଜୋହରୀ ବଜାର, ଜୟପୁର- ଏହା ଭାରତର ସବୁଠାରୁ ପୁରୁଣା ବଜାର ଭାବେ ବିବେଚନା କରାଯାଏ ଏବଂ ବିବାହ ପାଇଁ ଏହା ଭଲ ମାର୍କେଟ । ଏଠାରେ ଜୁଏଲାରୀଠାରୁ ଆରମ୍ଭ କରି ଫୁଟୱିୟର୍ସ ଏବଂ ହ୍ୟାଣ୍ଡିକ୍ରାଫଫ ପର୍ଯ୍ୟନ୍ତ ସମସ୍ତ ପ୍ରକାର ସାମଗ୍ରୀ ଉପଲବ୍ଧ ଥାଏ । ହେଲେ ଏହି ମାର୍କେଟର ବିଶେଷତ୍ୱ ହେଉଛି ଟ୍ରାଡିସନାଲ ଜୁଏଲାରୀ ।
ଏହି ମାର୍କେଟ କୁନ୍ଦନ ଜୁଏଲାରୀ ପାଇଁ ପ୍ରସିଦ୍ଧ । ଏଥିସହ ଟ୍ରାଇବଲ, ପୋଲକି, ସୁନା, ରୁପା ଏବଂ ହୀରାର ମଧ୍ୟ ସଠିକ୍ ଦାମରେ ଆକର୍ଷଣୀୟ ଡିଜାଇନର ଜୁଏଲାରୀ ମିଳିଯିବ ।
ଦାଦର ମାର୍କେଟ, ମୁମ୍ବାଇ- ବିବାହର ଶସ୍ତା ସପିଂ ପାଇଁ ସବୁଠୁ ଶସ୍ତା ମାର୍କେଟ ମଧ୍ୟରେ ମୁମ୍ବାଇର ଦାଦର ଏବଂ ବ୍ରାଣ୍ଡ୍ ମାର୍କେଟ ନାମ ଆସିଥାଏ । ଏଠାରେ ଆପଣ ନିଜ ବଜେଟ୍ରେ ସବୁଠୁ ଭଲ ସପିଂ କରିପାରିବେ । ଫୁଟପାଥଠାରୁ ଆରମ୍ଭ କରି ହୋଲସେଲ୍ ପର୍ଯ୍ୟନ୍ତ ସମସ୍ତ ଜିନିଷ ଅତି ସହଜରେ ମିଳିଥାଏ । ଏଠାରୁ ଆପଣ ଜୁଏଲାରୀ, ପର୍ସ, ସ୍ୟାଣ୍ଡେଲ୍, ଟ୍ରାଭେଲ୍ ବ୍ୟାଗ୍ ଏବଂ ବିବାହ ପାଇଁ ଜରୁରୀ ଜିନିଷ କିଣିପାରିବେ ।
ସିନ୍ଧି ମାର୍କେଟ, ଅହମଦାବାଦ- ଶସ୍ତା ସପିଂ ପାଇଁ ଗୁଜରାଟର ଟେକ୍ସଟାଇଲ ଏବଂ ଡାଏମଣ୍ଡ୍ ମାର୍କେଟ ପୁରା ଭାରତରେ ପ୍ରସିଦ୍ଧ । ସିନ୍ଧି ମାର୍କେଟରେ ବିବାହର ପଗଡି ଓ ବାନ୍ଧନୀ ଶାଢୀ ଭଲ ମିଳିଥାଏ, ଯାହା ଆପଣଙ୍କୁ ରୟାଲ ଲୁକ୍ ପ୍ରଦାନ କରିବ ।
ଏହି ବଜାର ଗୁଜରାଟୀ ଜୁଏଲାରୀର ସବୁଠୁ ବଡ଼ ହବ୍ କୁହାଯାଏ । ଏଠାରୁ ବିବାହ, ରିସେ«ନ ଏବଂ ଅନ୍ୟ ଫଙ୍କସନ୍ ପାଉଁ ବିଭିନ୍ନ ପ୍ରକାରର ଡିଜାଇନର ଜୁଏଲାରୀ ମିଳିଥାଏ ।
ଇରୋଡ ମାର୍କେଟ, ଚେନ୍ନାଇ- ଯୁବତୀମାନେ ବିବାହ ପରେ ନିଜ ୱାର୍ଡରୋବ୍ କଲେକ୍ସନରେ ଶାଢୀର ଭଲ ଭେରାଇଟି ରଖିବାକି ଚାହିଁଥାନ୍ତି । ଏଥିପାଇଁ ଚେନ୍ନାଇର ଇରୋଡ ମାର୍କେଟ ସବୁଠୁ ଭଲ ଅପସନ୍ । ଏଠାରୁ ହ୍ୟାଣ୍ଡ୍ କ୍ରାଫଫରେ ତିଆରି ଶାଢୀ, ଲେହେଙ୍ଗା, ପ୍ରିଣ୍ଟେଡ୍ ଫ୍ୟାବ୍ରିକ୍ସର ସପିଂ କରିପାରିବେ ।
ଏହାସହ କାଞ୍ଜିମ୍ବରମ, ବନାରସୀ, ମହୀଶୂର, ଚନ୍ଦେରୀ, ଟସର ଫ୍ୟାବ୍ରିକ୍ର ଶାଢୀ ବହୁତ କମ୍ ଟଙ୍କାରେ ମିଳିଯିବ ।
